Áratuga sofandaháttur varðandi vindorkuna.

Áratugir eru síðan nágrannaæjóðir okkar fóru að huga að uppbyggingu vindorkugarða, svo sem á JóTlandi og nálægt ströndum á svæðinu milli Danmerkur og Þýskalands.

Á ferðum skrifanda þessarar síðu um þessi svæði fyrir meira en aldarfjórðungi gafst færi á að fara um þessi svæði og átta sig á helstu atriðum þessarar orkuöflunar eins og þau voru þá. 

Helstu ágreiningsefnin svo sem hávaðinn af spöðunum, voru þegar komin á dagskrá, og vindorkumannvirkin fóru ört stækkandi. 

Árin liðu og hér á landi stóð allt í stað nema á vegum Landsvirkjunar við Búrfell.

Sárleg vöntun er á skðpun almennilegs lagaumhverfis fyrir þróun þessa nýja umhverfis í orkuöflun, sem næst barði að dyrum í Dalabyggð.  

Á landsfundi Landverndar nýlega var birt yfirlit yfir helstu hugmyndir um vindorkuver á Íslandi, og samkvæmt því stefnir í orkuöflun um allt land á orku, sem gæti orðið talin í þúsundum megavatta!

Merkilegur má heita sá mikli sofandaháttur sem ríkir í því að skapa vel kannað lagaumhverfi um jafn byltingarkennt fyrirbæri. 

Krefjast stefnu um uppbyggingu vindorku

Athugasemdir

[Geir Ágústsson, 12.6.2024 kl. 20:06]

Hvernig stendur á því að háspennulínur mæti mikilli andspyrnu vegna spillingar á útsýni og upplifun en vindorkuverk séu talin blessun með vegtengingum sínum á milli hvers einasta turns, og stórkostlegs jarðrasks þegar tugir eða hundruðir rafmagnskapla eru lagðir í jörð?

[Daníel Sigurðsson, 13.6.2024 kl. 12:38]

Ég tel að það beri ekki að leita að þeim sem eru sofandi á sviði virkjanamála á Íslandi í hópi þeirra sem eru hikandi varðandi uppbyggingu vindmyllugarða.

Danir búa ekki við náttúruauðlyndir eins og Íslendingar, sem felast í vatnsfalls- og jarðvarmaorku. Og ekki má gleyma því að raforkuverð til almennings er miklu hærra í Danmörku en á Íslandi. 

Íslendingar geta alveg beðið rólegir varðandi vindmyllygarða enda getur vindorkan ekki keppt við í fallvartns- og jarðvarmaorku.  Í ofanálag er það ofmat að vindmylludæmið sé umhverfisvænna en vatnsfalls- og jarðvarmavirkjanir þegar á heildina er litið.

Reynsla Svía af vindmyllugörðum er ekki gæfuleg.  Vindmylluraforkufyrirtækin þar í landi eru rekin með gífurlegu tapi. Það sama virðist vera að stefna i hjá fleiri þjóðum sem hafa veðjað á vindorkuna.

[Þorsteinn Jónsson (IP-tala skráð) 13.6.2024 kl. 18:35]

Svo stútar þetta fuglum í stórum stíl og breiðir og miklir vegir eru lagðir upp um öll fjöll og firnindi. Mig undrar að þú sem náttúruunnandi skulir mæla þessu bót!

[Hjorvar O Jensson (IP-tala skráð) 13.6.2024 kl. 22:10]

Ég flaug fyrir nokkrum árun yfir alla suð-vesturströnd Skotlands, Englands og Wales með dýrðarinnar útsýni yfir ströndina og strandhéruðin. Það eina sem raskaði ró minni og truflaði verulega fegurðina voru fjölmargir vindmillugarðar sem oft náðu langt á haf út. En auðvitað heyrði ég ekki þytinn í spöðunum smm heimildir herma að sé verulega truflandi fyrir bæði mannlíf og dýralíf.

Ég hugsaði með mér, Guð forði Íslandi frá að taka upp þennan fjanda enda höfum við næga orku til að beisla og mun umhverfisvænni og örugglega ódýrari þegar upp er staðið.

Ég trúi varla að Ómar Ragnarsson sé að mæla með þesu fyrir okkar fallegu náttúru. 

[Hörður Þormar (IP-tala skráð) 14.6.2024 kl. 18:16]

Bylting í beislun vindorkinnar?                          Durchbruch: Schweizer Ingenieur stellt neues Super-Windrad vor!