Rökleysur sem lifa góðu lífi áratugum saman.

í fjölmiðlum í dag úir og grúir af sömu málleysunum árum og áratugum saman. 

Sem dæmi má nefna tvær frá í frétttum dagsins í dag. Önnur þrira felst í því hvernig orðið samnemanandi hefur farið létt með að útrýma níu ágætum heitum á skólafélögum, svo sem orðunum bekkjarfelagi, bekkjarsystir, bekkjarbróðir, bekkjarfélagi og skólafélagi, og virðist ekkert lát á velgengni orðsins samnemandi.   

Enn lífseigari er rökleysan að forða slysi eða að forða tjóni, sem hefur sífellt sótt i sig veðrið.             

„Af hverju má ég ekki vera með hníf?“

Athugasemdir

[Ásgrímur Hartmannsson, 5.9.2024 kl. 20:02]

Hey, ef þú ætlar að vera woke verður þú að útrýma orðum.

Það er ekki nóg bara að vilja nauðga börnum, en það er byrjun.

[Landfari, 6.9.2024 kl. 11:20]

 Ekki gleyma sviðsmyndinni sem búið er að staglast á í alltof mörgum fréttum undanfarin ár. Man fyrst eftir þessu orði í ábúðarfullum yfirlýsingum fræaðimanns við háskólann þegar hann lýsti þeim hörmungum sem yfir land og þjóð myndu ganga ef við greiddum ekki Icesave kröfurnar.

[Hörður Þormar (IP-tala skráð) 6.9.2024 kl. 21:43]

Rökleysur hafa alltaf fylgt tungumálum, þess vegna breytast þau.

Ekki veit ég hvernig það er nú, en í mínu ungdæmi var alltaf talað um að "fara út í Fjörðurnar" og var þá átt við byggðina nyrst á skaganum austan Eyjafjarðar, sem nú er fyrir löngu komin í eyði.

Og svo var alltaf talað um "læknirinn".

[Ingólfur Sigurðsson, 7.9.2024 kl. 01:31]

Rétt er það hjá Herði Þormar að rökleysur og vont mál er ekki bundið kynslóðum, hefur alltaf verið til, á undan ensku áhrifunum voru það dönsku og latnesku áhrifin.

Hins vegar, vilji er allt sem þarf og nógu sterkt átak. Fjölnismönnum tókst að lyfta Grettistaki og hreinsa og laga málið. 

Mér finnst alveg útí hött að fólk er viljandi farið að sleppa viðtengingarhættinum og talar eins og börn og blandar framsöguhætti við þar sem á að vera viðtengingarháttur!

Þetta er það sem skilur okkur frá málleysingjunum á hinum Norðurlöndunum, sem tala útþynnt mál og afbakað, bæði málfarslega og framburðarlega og varðandi orðaforða.

Af hverju er ekki hægt að kenna krökkunum inni á heimilunum þetta stolt yfir menningunni, arfinum, íslenzkunni? Af hverju er ekki hægt að kenna þeim að þetta eru forréttindi og eitthvað sem á að kappkosta, að viðhalda svona flottu máli?

Það á ekki að bakka með neitt, hvorki zetu né viðtengingarhátt! 

Bara fá góða kennara og aga inní skólana aftur!

[Alfreð K, 7.9.2024 kl. 04:25]

Mjög sammála síðasta ræðumanni og einnig hinum á undan honum.  Heyr, heyr!

Svo lifir þágufallssýkin líka enn góðu lífi:

Honum vantar ... þeim langar ...

Og æ fleiri hafa ekki hugmynd um hvenær á að nota AF og AÐ:

Við erum að leita AF starfsmanni í hlutastarf.  (Auglýsing á skilti í bakaríi.)

Leit AF týnda ferðamanninum ... (Frétt á mbl.is)

Þú hefur verið skráður kaupandi AF vörunni.  (Sjálfvirk skilaboð inni bland.is.)

Heimur íslenzkrar tungu versnandi fer.  :/