HVER SEM ER, HVAR SEM ER OG HVENÆR SEM ER.

Þetta var fyrirsögn á bloggi hjá mér fyrir nokkrum vikum og sagan endurtekur sig. Stundum er sagt í hálfkæringi við menn sem lenda í svipuðu og maður sjálfur: Velkominn í klúbbinn. Þetta er gert til að hughreysta viðkomandi og sýna honum samstöðu. Ég finn til samkenndar með Eiði Smára og vil bæði hughreysta hann og votta samstöðu en því miður er fjarri því að ég geti boðið neinn velkominn í þennan "klúbb" þeirra sem hafa orðið fyrir fyrirvaralausri árásum á götum Reykjavíkur.

Ekkert lát er á þessari óöld, einum misþyrmt í fyrradag, annar laminn í gær, - hver er næstur?

Eiður Smári er kurteis maður og ljúfur og segir að sér finnist þetta leiðinlegt. Ég tek undir honum hvað það varðar en þetta er ekki bara leiðinlegt, - það er ekki líðandi að fólk sé í meiri hættu í okkar góðu borg en í glæpahverfum erlendra stórborga.   

Veist að Eiði Smára

Athugasemdir

[Dumbur (IP-tala skráð) 1.8.2007 kl. 11:04]

Hvernig væri nú að taka upp sömu lög og eru t.d. í Singapore, Dauðarefsing fyrir innfluting á eiturlyfjum, púnktur.  Þú færð séns á að gefa þau frá þér við komu til landsins, en ef þau finnast í felum, þá bara beint í rafmagsstólinn og málið afgreitt.  Það ætti kannski að fá menn til að hugsa 2x áður en þeir reyna að smigla inn fyrir einhverja Dópkónga og þeim verður erfiðara að fá burðardýr, vonandi ?

[Siggi (IP-tala skráð) 1.8.2007 kl. 11:24]

Jæja Dumbi minn. Ertu ekki aðeins að missa þig. Hugsa fyrst, tala svo.

[Einar Bragi Bragason., 1.8.2007 kl. 11:37]

Þetta er vond stefna......en Ómar ertu búinn að hlusta

[stebbi (IP-tala skráð) 1.8.2007 kl. 14:43]

Örugglega með því heimskulegasta sem ég hef heyrt í gegnum ævina dumbur. Ertu 10ára eða þekkirðu þetta bara ekki neitt ?

[Gunnar Helgi Eysteinsson, 2.8.2007 kl. 11:02]