SAMA NIÐURSTAÐA - EFTIR SJÖ MÁNUÐI

Fyrir sjö mánuðum gerði ég það að einu helsta áhersluatriði mínu þar sem ég kom fram í umræðum vegna kosninganna að með óbreyttri stefnu myndu Íslendingar eyða allri orku landsins í álver upp á tæpar þrjár milljónir áltonna á ári og þar með sóa dýrmætum orkulindum og eyðileggja mesta verðmæti landsins, sem væri ósnortin náttúra. Þetta myndi aðeins útvega um 2% af vinnuafli landsins atvinnu og því fráleitt að þetta væri lausn á atvinnuvanda landsmanna.

Forystumenn hinna stjórnmálaflokkanna lögðu kollhúfur og forsætisráðherra sagði að þetta væru ýkjur.

Nú hefur Össur Skarphéðinsson reifað sömu niðurstöðu á flokksráðsfundi Samfylingarinnar hvað snertir heildarmyndina og hefur tekið hann sjö mánuði að komast að þessari niðurstöðu. Hið eina sem hann nefndi ekki var "lausnin" á atvinnuvandanum. Kannski fáum við eitthvað um það eftir sjö mánuði. 

Hinu ber að fagna og þakka að iðnaðarráðherra gerir sér nú ljóst hvert hin óhefta stóriðjustefna mun leiða okkur.  

„Fjárfestingar á sviði jarðorku geta numið þúsundum milljarða"

Athugasemdir

[Gunnar Th. Gunnarsson, 5.11.2007 kl. 12:59]

Þarna er reyndar verið að tala um fjárfestingar í útrásinni. En þú talar alltaf um að við séum að "eyða" orkunni í áliðnaðinn þó flestir viti að við erum að selja hana í þetta. Auk þess eru orkusamningarnir ekki til eilífðar og við getum "eytt" orkunni í annað að samningstíma liðnum, ef okkur finnst það hagstæðara.