"TÍÐAHVÖRF" Í MÁLFARI.

Heyrði í útvarpi í hádeginu: ".....  sagði að ekki hafi verið rætt um hvað gera skyldi" og kýs að kalla þetta "tíðahvörf" í málfari. Það er algengt að menn detti í þennan pytt en minn gamli lærifaðir, Emil Björnsson, kenndi mér einfalt ráð við þessu. Ef setningin byrjar í þátíð heldur hún áfram í þátíð og ef hún byrjar í nútíð heldur hún áfram í nútíð.

Í setningunni hér að ofan er byrjað í þátíð, farið yfir í nútíð og síðan aftur yfir í þátíð.

Rétt væri setningin svona: "...sagði að ekki hefði verið rætt um hvað gera skyldi." 

Ég hef hingað til ekki verið með málfarsábendingar í pistlum mínum en mér sýnast vera dagleg tilefni eftir dag íslenskrar tungu.  

Athugasemdir

[IGG , 18.11.2007 kl. 14:20]

Einmitt! Hjartanlega sammála.

[Sigríður Jósefsdóttir, 18.11.2007 kl. 23:36]

  Því miður hefur maður tilefni daglega til þess að gráta yfir (mis)notkun á íslensku máli, og ætla ég mér ekki að hætta mér lengra út í þann pytt.