ERU SUMIR JAFNARI EN AÐRIR?

Athyglisverð er fréttin um eiganda veitingastaðar sem telur að sömu lög og reglur eigi að gilda á þeim opinbera stað sem Alþingishúsið sé og á veitingastöðum. Með öðrum orðum að alþingismenn hafi talið sig og sinn stað svo miklu mikilvægari en veitingastaðina að þar gildi aðrar reglur. Sé svo má með sanni segja að allir hafi verið jafnir fyrir lögunum en sumir jafnari en aðrir.

Annars minnir framtak eiganda veitingastaðarins á þá áráttu Íslendinga að þurfa að láta reyna á alla hluti. Sighvatur Björgvinsson sagði einu sinn sögu af því þegar sett var upp skilti í inngangi félagsheimils þar sem  stóð: Gestir fari úr skófatnaði.

Kona ein sem kom á staðinn óð samt inn á skítugum stígvélum. Þegar konunni var bent á skiltið sagði hún: "Já, en það er bara talað um gesti en ekki heimamenn héðan úr sveitinni." Forsvarsmaður félagsheimilisins sagði þá að auðvitað væri átt við alla sem kæmu inn í húsið og spurði hvers vegna konan hagaði sér svona. 

Þá svaraði konan: "Ég vildi bara láta á þetta reyna."

Eigandi veitingastaðarins virðist vera á svipuðu róli og nú verður fróðlegt að sjá hvað kemur út úr því þegar hann lætur reyna á orðalag laganna og hvort allir séu jafnir fyrir lögunum eða hvort sumir séu jafnari en aðrir.  

Yfirvöld geta ekki gert neitt

Athugasemdir

[Gunnar Helgi Eysteinsson, 12.1.2008 kl. 20:12]

[Ómar Ragnarsson, 12.1.2008 kl. 20:47]

Reykingalögin eiga að tryggja fólki frelsi til þess að fara á samkomur og opinbera staði án þess að það sé þvingað til að anda að sér heilsuspillandi reyk.

[Brjánn Guðjónsson, 12.1.2008 kl. 21:40]

sammála Fullum. mér finnst gott og gilt að banna reykingar í almennu rými opinberra staða, en að banna afmörkuð reykherbergi sem engan reykleysingjan þurfa að angra, er ekkert annað en fasismi og níðingsháttur. slíkt hefur engan annan tilgang. að ætla að bera fyrir sig brunavarnir er della, enda voru staðirnir áður uppfullir af reykjandi fólki í áratugi. hversu margir veitingahúsabrunar hafa með óyggjandi hætti verið raktir til reykinga?

[Ómar Ragnarsson, 12.1.2008 kl. 23:55]

Það er rangt að ég styðji það annað gildi um alþingismenn en okkur hin. Þess vegna orða ég það að sumir virðist jafnari en aðrir.

[Sigurður Hrellir, 13.1.2008 kl. 00:32]

Fullur og Skorrdal hafa líklega gleymt því að þessi lög voru m.a. sett til að hlífa starfsfólki veitingahúsa við að þurfa að starfa við þessar svona aðstæður. Sjálfum finnst mér það mannréttindi að geta farið út að borða án þess að fólkið á næsta borði kveiki sér í vindlingi á sama tíma og þjónninn færir mér matinn.

Það að líkja reyklausum skemmtistað við vatnslausa sundlaug hlýtur að teljast mjög öfgakennd samlíking en hugsanlega mætti notast við klórlausar sundlaugar ef Fullur vill endilega blanda sundlaugum inn í þessa umræðu. Þetta sýnir hins vegar að hann er amk. jafn öfgakenndur í sínum skoðunum og fólkið sem hann telur upp í athugasemd 2. 

[Ómar Ragnarsson, 13.1.2008 kl. 01:18]

Sjálfur hef ég verið í hópi starfsfólks veitingahúsanna í hálfa öld sem skemmtikraftur. Þegar mest var umleikis var ég í margar klukkustundir í reykjarkófi hvert kvöld og var eins og oftast á mínum ferli með prógramm mikillar hreyfingar þar sem ég innbyrti margfaldan skammt af reykjarloftinu.

Samkvæmt skoðunum sem eru viðraðar hér að ofan átti markaðurinn að ráða því hvort ég legði í að starfa við þessi skilyrði og það væri mér í sjálfs vald sett hvort ég starfaði í þessum húsum eða ekki. 

Sem sagt, ég átti að leggja þennan starfa niður og fá mér eitthvað annað að gera vegna þess að ég fengi ekki að ráða því hvort ég andaði að mér öðru en eiturlofti.

Ég átti sem sé ekki að njóta stjórnarskárbundins atvinnufrelsis vegna þess að reykingafólk teldi sig hafa kröfu til þess að þvinga ofan í mig heilsuspillandi reyk.

Ég horfði upp á starfsfélaga mína á sviðinu, Hauk Morthens, Ingimar Eydal, Svavar Gests, Ellý Vilhjálms og Stefán Jóhannsson falla fyrir krabbameinum sem taldar voru 80 prósent líkur á að stöfuðu af reykingum, beinum eða óbeinum. 

Einkum var dauði Hauks grimmur, því að hann fékk krabbamein í raddbönd og háls sem langoftast skapast vegna reykinga. Hann, Ingimar, Svavar og Stefán voru allir bindindismenn á tóbak.

Haukur og Ingimar voru báðir mjög ósáttir við þetta og létu það opinberlega í ljós. 

Þetta var nú "frelsið" sem þessir menn nutu eða hitt þó heldur.  

[Jón Ingi Cæsarsson, 13.1.2008 kl. 19:19]

Þessi lög tryggja að ég og aðrir sem ekki reykja þurfum ekki að gleypa í okkur banvænan reyk.

Þeir sem vilja drepa sig á þessu geta gert það prívat mín vegna en ég tek ekki þátt í því með þeim.

[Óskar Þorkelsson, 13.1.2008 kl. 19:31]

Ég læt sama svar fylgja alstaðar í bloggum við þessari frétt !

2 sjómenn brutu lög til þess að fá úr því skorið hvort að lögin mundu standast alþjóleg lög.. Þeir unnu málið með ófyrirsjáanlegum afleiðingum. Ég er anti reykingamaður og hef verið frá blautu barnsbeini og aldrei reykt.. ég styð þennan kráareiganda í þessum aðgerðum vegna þess að einungis svona fæst úr því skorið hvort lögin standist eða eru framkvæmanleg

[Villi Asgeirsson, 13.1.2008 kl. 21:01]

Allar öfgar eru slæmar. Að leika reykkafara um hverja helgi er kannski ekki það besta sem maður gerir, en að banna allar reykingar allsstaðar er eitthvað sem kommagrílan hefði verið stolt af. Hvað er að því að setja upp kompu fyrir reykingafólk? Er betra að senda það út í norðanhríðina til að reykja? Ekki er það gott fyrir heilsuna, held ég. Að skipta sér að kompunni þar sem aðeins reykingamenn koma er frekja.

Staðir þurfa vínveitingaleyfi áður en alkóhól er selt. Af hverju er stöðum ekki í sjálfs vald sett hvort þeir leyfi reykingar? Sótt er um leyfi og reykingar eru leyfðar á staðnum. Vilji fólk ekki koma inn á staðinn eða vinna á honum, er það þeirra val.

Skemmtikraftar eru auðvitað svolítið sér dæmi. Ég hef nokkuð oft séð skilti við inngang að hljómleikum hér í Hollandi þar sem tilkynnt var að reykingar væru bannaðar það kvöldið, að ósk hljómsveitarinnar. Ekkert að því og fólk hefur nær undantekningarlaust farið eftir þessu.

Sjálfum er mér sama hvort reykingar eru leyfðar á börum eða ekki. Mér er bara illa við reglur sem settar eru af yfirvaldi. Fólk á að geta ráðið sér sjálft í lýðræðisríki.

[Hörður Björgvinsson (IP-tala skráð) 14.1.2008 kl. 14:26]

Þú ert það tæknilega sinnaður, Ómar, að þú hlýtur að vita hversu auðvelt er að útbúa rými þar sem mætti reykja án þess að fólk í næsta rými hafi af því óþægindi.  Þetta er ekki spurning um reykmagn eða fjarlægð, heldur vélrænt útsog.   

Ég hef aldrei reykt sígarettur, og þær angra mig gífurlega, en mér þykir góð máltíð ekki fullkomin ef ekki fylgir einn góður vindill.  Margir matsölustaðir eru þannig útbúnir að hægur vandi væri að leyfa mér að njóta máltíðar til enda án þess að ónáða aðra.  Eins og ástandið er núna er ég hættur að fara út að borða.

Reglugerð sem skyldar alla sem stefna til sín fólki til að sjá til þess að enginn sem ekki óskar þess verði fyrir reykmengun ætti að duga til  að sætta öll sjónarmið.