LEIKMANNSSPÁ: FLEIRI ÓVEÐUR.

Á hverjum vetri fóstrar Grænlandsjökull að meðaltali næst hæstu loftþrýsingshæð veraldar. Golfstraumurinn fóstrar dýpstu lægð veraldar á sama tíma. Afleiðing: Algengir austanstormar og umhleypingar vegna lægðagangs norðaustur yfir Ísland. Ísbreiður fóstra hæðir. Þegar ísbreiðan á hafinu norðan Íslands minnkar og sömuleiðis heimskautaísinn verður Grænlandsjökull einn eftir á þessu svæði til að halda hæð gangandi.

Lægðirnar leita því meira og lengra í norður og norðaustur en áður var meðan ísbreiðan suður af pólnum var sem stærst. Afleiðingin verður veðurfar eins og við höfum upplifað í vetur. Sami kuldinn yfir Grænlandsjökli og aukinn hiti í og yfir Norður-Atlantshafi skapar fleiri og stærri óveður en áður.

Það verður alveg sama hvað hlýnun lofthjúpsins verður mikil, - hinn meira en 3000 metra þykki ógnar-ísskjöldur, 17 sinnum stærri en Ísland og aðeins í 285 km fjarlægð frá Hornströndum sér fyrir því að gera okkur skráveifur í minnsta kosti nokkrar aldir í viðbót. Tek fram ad eg var ad leidretta tessa innslattarvillu nuna tar sem eg er staddur i Noregi, hafdi adur skrifad 300 metra.

Ég er bara leikmaður að spá og get huggað mig við það að þegar loksins kemur í ljós hvort þessi spá verður að veruleika verð ég löngu dauður og því ekki viðstaddur ef þetta klikkar hjá mér.

En gaman væri að vita hvað veðurfræðingar segja um svona nauðaeinfaldar ályktanir.

Athugasemdir

[Emil Hannes Valgeirsson, 9.2.2008 kl. 13:27]

Athyglisverðar pælingar, en erum við ekki að tala um 3000 metra þykkan ísskjöld á Grænlandi frekar en 300?

[Jón Steinar Ragnarsson, 9.2.2008 kl. 17:47]

Hefrðu velt fyrir þér hvort SuperDARN (HAARP) netin við Stokkseyri og Þykkvabæ hafi einhver ahrif á þessa þróun veðurfars?  Þetta er kerfi, sem sett er upp að undirlagi bandarískra hernaðaryfirvalda í Alaska, Íslandi, Finnlandi og víðar, undir því yfirskyni að rannsaka norðurljós, en eru climat control búnaður.  Þetta er vert athugunnar þótt fyrstu opinber viðbrögð við slíku séu að gera lítið úr þessum áhyggjum á grunni samsæriskenninga.  Það sem er athyglisvert að hér er ekki neitt á kenningarstigi heldur algerlega opinbert, þótt reynt hafi verið að breiða yfir tilganginn að hluta.

Hér er ágætis lesning um þetta.

[Sigurður Þór Guðjónsson, 10.2.2008 kl. 00:19]

Ég vil nú bara benda á að samkvæmt könnun voru aldrei fleiri óveður en á hafísárunum.