"Finndu Finn!"

Skemmtilegur vinur minn sagði mér nýlega að hann og fleiri væru búnir að finna íslensku aðferðina fyrir rannsóknarblaðamenn við að þefa uppi lykilatriði í athyglisverðum, vafasömum "skúbb"málum. Í Ameríku felst leiðbeiningin í setningunni: "Follow the money!" "Fylgdu peningunum." Í Frakklandi er leiðbeiningin fólgin í setningunni: "Cherches la famme!" Leitaðu að konunni í málinu.

Á Íslandi er leiðbeiningin hins vegar þessi: "Finndu Finn!" Leitaðu að Finni Ingólfssyni.

Ótrúlega oft er þetta raunin hér, nú síðast í ungmennafélagsmálinu í fréttum Sjónvarpins í kvöld. 

Fyrsta málið, sem var af tagi REI-málsins fyrir ári þegar hlutur í Hitaveitu Suðurnesja var seldur, var dæmi um þetta ("Finndu Finn!"), og á eftir fylgdu fleiri mál sem ekki sér fyrir endann á.

Ég minnist margra fleiri mála sem renna stoðum undir það að þessi aðferð svínvirki hér á landi síðustu ári og það kæmi mér ekki á óvart að sjónvarpsfréttamaðurinn í Finnsfréttinni í kvöld hafi haft það að leiðarljósi. 

Athugasemdir

[Hildur Helga Sigurðardóttir, 12.5.2008 kl. 07:36]

Sæll 'Omar minn,

Þetta er nokkuð snjallt og skondið.

Gaman að sjá að loksins skuli vera komin þjóðleg, íslensk útfærsla á þessum tveimur  klassíkerum  -sem reyndar geta nú líka átt við hér hjá okkur.

[Heimir Lárusson Fjeldsted, 12.5.2008 kl. 08:28]

Finnland?

[Friðrik Sigurðsson (IP-tala skráð) 12.5.2008 kl. 13:26]

Er þá nokkuð álitamál að við tökum ekki upp Evru heldur "Finnmörk"

[Sigurður Viktor Úlfarsson, 12.5.2008 kl. 15:04]

...og meðan allir kettirnir eru svona uppteknir af Finni greyinu þá leika mýsnar sér.

[Sverrir Einarsson, 12.5.2008 kl. 17:20]

Ísland í dag = Finnur og fátæklingarnir . Ekki lengur nafnið á gönguklúbbnum hans Finns.

[Ólafur Þórðarson, 12.5.2008 kl. 18:32]

Hvað ætli búi margir í þessu Finn-landi?

[Helga (IP-tala skráð) 12.5.2008 kl. 20:31]

Er það ekki Árni Snævarr sem á þessa skemmtilegu útfærslu? Mig minnir að hann hafi sett þetta fram í Kastljósþætti í vetur þar sem hann og Andrés Magnússon voru viðmælendur kastljósstjórnandans.

[Ómar Ragnarsson, 12.5.2008 kl. 21:43]

Líklegast er það rétt að Árni Snævarr, minn gamli góði samstarfsmaður, hafi sagt þetta fyrstur. Glöggur maður, Árni.