Íslands þúsund ár

3.9.2008 | 14:32

Ég er engu nær.

Ég hef áður greint í bloggpistli frá óútskýrðum truflunum á símum mínum og nokkurra annarra aðila á þriggja vikna tíma þegar mótmælaaðgerðir voru í gangi á Austurlandi og í Reykjavík. Þetta var í ágúst og september 2005 þegar ég var ýmist rétt við sendistöðina á Sauðafelli vestan við Kárahnjúka eða í Útvarpshúsinu, steinsnar hjá öflugustu sendistöð Símans í Reykjavík.

Eftir viðtöl við nokkra símasérfræðinga og skoðun á símanum mínum fékk ég þá skýringu hjá síðasta sérfræðingnum, sem ég talaði við, að eina leiðin til að svona lagað gæti gerst í síma mínum væri að aðili með nægt fé, mannskap og aðstöðu stæði að því að hlera hann eða hafa hann í símatorgi með hinum símunum, sem tengdust þessu fyrirbrigði.

Eftir stendur því spurningin: Hver var sá sem hafði nægt fé, mannskap og aðstöðu til að gera þetta?

Lögreglan segir nei, - ekki við. Hver var það þá? Ég er engu nær.

	40 lögreglumál vegna stóriðjumótmæla
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 14:39 | Facebook

Athugasemdir

Ómar, eitt dettur mér í hug við lesturinn

Ómar talar í símann sinn

við Kárahnjúk í bræði

Spyr svo símafræðinginn

er það ofsóknaræði?

Stefán Þór Steindórsson, 3.9.2008 kl. 15:04

Ég hef ekki hugmynd um hvort símar eru hleraðir og enn síður hvaða símar. Hitt er þó á flestra vitorði að starfsmenn símafyrirtækja geta (ólöglega) hlerað fastalínur og skoðað netumferð IP talna. En það er nánast mjög auðvelt að hlera og eða staðsetja farsíma með tækjum sem kosta vel innan við 100.000 dollara í Bandaríkjunum. Mér er sagt að allar alvöru einkaspæjaraskrifstofur í Ameríku eigi slíkar græjur.

Sigurður Þórðarson, 3.9.2008 kl. 15:13

Skv. amerískum bíómyndum er það oft eiginkonan sem er með spæjara í vinnu
við hleranir, vegna gruns um franhjáhald. En þar sem þú er allaf á Frúnni
getur það þá verið? Við erum engu nær...

Hrúturinn (IP-tala skráð) 3.9.2008 kl. 15:34

Avsagið stavseddnýngunna

Hrúturinn (IP-tala skráð) 3.9.2008 kl. 15:37

Ég myndi spyrja Bíbí út í þetta. Hann er búinn að vera dómastrumpur frá árinu 2003.

Eitt sinn var ég að hringja niðri á Mogga í Aðalstrætinu og lenti þá óvart inn á símtal Friðriks Ólafssonar, þáverandi skrifstofustjóra Alþingis, við alþingismann. Þekkti raddir þeirra beggja. Ég lagði á, hringdi í þann sem ég ætlaði að tala við í upphafi og hringdi svo í Friðrik til að segja honum frá þessum samslætti. Hann vildi hins vegar ekkert segja um málið og samsláttur á símalínum var nokkuð algengur á þessum árum.

Það var engan veginn öruggt heldur að tala í bílasíma, sem til dæmis allir ráðherrar og seðlabankastjórar voru með, ef ég man rétt.

Þorsteinn Briem, 3.9.2008 kl. 15:59

Ómar. Nú hegur tað komið framm aftur og aftur að símar voru EKKI hleraðir. Helduru virkilega að ekki geti komið fram truflanir og slæmt samand nema um sé að ræða hleranir? er eitthver ástæða til að ætla að ráðherrann sé að ljúga?

Enn hitt er svo annað mál að rétt er að hlera og beita öllum aðferðum sem til eru til að hafa hemil á tessu liði og allt sé gert til að fylgjast með tví. Tetta fólk er á mörkum tess að vera skemdarvargar. Tað er að trufla löglegar frammkvæmdir og við tví á að bregðast með öllum ráðum, ef tað tarf að hlera tá á AÐ GERA TAÐ!

kv Óli

óli (IP-tala skráð) 3.9.2008 kl. 16:14

Já það er spurning.

Hver samdi þessa skýrslu. Dómsmálaráðuneytið og lögreglan sjálf ? Eða hvað.

Segja í skýrslunni að ekki séð skráð að hlerun hafi átt sér stað og upplýsingar frá lögreglustjórum segi að ekki hafi verið hlerað.

Hvað ef til er óopinbert batterí sem getur gripið til slíkra athafna án formlegra leyfa.

Veit ekki. Eg allavega treysti þessum köllum ekki alveg.

Ómar Bjarki Kristjánsson, 3.9.2008 kl. 16:56

Þetta er ekkert mál að bæði hlera og hafa myndavélar falnar og virkja um leið og hljóð heyrist. Held að íslenska þjóðin sé svo aftur á bak í sambandi við þessi mál, þ.e.a.s. að geta ekki fattað hversu mikil tækni er til, til að sinna svona löguðu. Sérstaklega mættu þá fyrirtækin huga að svona löguðu.

Þetta er hægt að setja út um allt. Hvernig var það, var ekki einhver frétt í fyrra um að "grunaðir" gætu reiknað bæði með hlerunartækjum í veskjum og öðru. Þetta kom í fréttum og þannig er það staðreynd að hleranir eru til.

Bara að googla á surveillance og þið fáið upp um tæp 70 000 mál að leita á.

Counter-surveillance er nokkuð sem að fólk ætti að huga að.

http://www.spycatcheronline.co.uk/audio-surveillance-c-23.html

http://www.spycatcheronline.co.uk/counter-surveillance-c-34.html

Bæði lögregla og dómsmálaráðuneyti. Ekkert mál að flytja þetta inn fyrir aðra aðila líka. En er þó þeirrar skoðunar að "klíka" valdhafa hafi sinnt þessu af áfergju og þá erum við á hárri hæð, hvað valdhafa varðar.

ee (IP-tala skráð) 3.9.2008 kl. 17:22

Einkenni við símahleranir er að það er eins og tala út í etern með tilfinninguna að það sé opið á einhvern hátt. Fann þetta þegar að ég var á Íslandi síðastliðið ár.

ee (IP-tala skráð) 3.9.2008 kl. 17:27

Svona var þetta líka í Svíþjóð. Miklu venjulegra en fólk heldur.

ee (IP-tala skráð) 3.9.2008 kl. 17:29

Ómar; í fyrsta lagi þá myndi engin truflun heyrast ef einhver kæmist inn í stafræn samskipti. Í annan stað, þá eru GSM samskipti dulkóðuð (A5/1 algrími sem notar 64-bita lykil). Ég er ansi hræddur um að hér sé ofsóknarbrjálæði í gangi. Þá er hann e-ð vafasamur þessi "sérfræðingur", sem segir að þessar truflanir bendi til hlerana; það einfaldlega stenst engan veginn.

Sigurður Jónsson (IP-tala skráð) 4.9.2008 kl. 00:06

Las greinina í DV.is. Finnst Ómar hafa rétt fyrir sér. Þegar að svo er komið að einstaklingar sem hafa aðra skoðun en valdhafar þá er voðinn vís að svona gerist.

Kerfið er þannig að um leið og hleranir eru, þá er samtímis unnið úr upplýsingunum og með hjálp fjölmiðla eru upplýsingarnar notaðar til að niðurlægja og hindra með öllum aðferðum.

Þess vegna geta fleiri líka spurt sig, sérstaklega þeir sem eru annarrar skoðunar en valdhafar, hvernig þeim vegnar.

ee (IP-tala skráð) 4.9.2008 kl. 00:32

http://www.tscm.com/warningsigns.html

You have noticed strange sounds or volume changes on your phone lines.
This is commonly caused by an amateur eavesdropper when they attach a wiretap, or activate a similar listening device. Surveillance devices often cause slight anomalies on the telephone line such a volume shift or drop-out. Professional eavesdroppers and their equipment usually do not make such noises; so if this is going on it could indicate that an amateur eavesdropper is listening in. On the other hand you could simply be experiencing a flaw in the line, but you should check it out.
You have noticed static, popping, or scratching on your phone lines.
This is caused by the capacitive discharge which occurs when two conductors are connected together (such as a bug or wiretap on a phone line). This is also a sign that an amateur eavesdropper or poorly trained spy is playing with your phone lines. It could be nothing more then a problem with your phone line or instrument, but a TSCM person should evaluate the situation to make sure.
Sounds are coming from your phones handset when it's hung up.
This is often caused by a hook switch bypass, which turns the telephone receiver into a eavesdropping microphone (and also a speaker). There is probably somebody listening to everything you say or do within twenty feet of the telephone (if this is happening).
Your phone often rings and nobody is there, or a very faint tone, or high pitched squeal or beep is heard for a fraction of a second.
This is an indicator of a slave device, or line extender being used on your phone line. This is also a key indicator of a harmonica bug, or infinity transmitter being used. Of course it may also be nothing more then a fax machine or modem calling the wrong number (but a TSCM person should evaluate the situation to make sure).
You can hear a tone on your line when your phone is on the hook (by using an external amplifier).
To check for something like this you would have to obtain a "recorder starter" interface (with a VOX option), or some kind of a high gain audio amplifier such as a uAmp or Kaiser 1059. Then with the phone hung-up listen to your telephone wiring. If you hear a faint solid dual tone it is a dead giveaway of someone using a "slave" eavesdropping device on your (or one of your neighbors) telephone lines. Such devices create a "command tone" when the subject hangs up the phone (so you must ensure that all of your phones are hung-up). On an added note: the most common command tones for illicit eavesdropping devices are 2100 Hz and DTMF-C, but any tone combination may be used.

ee (IP-tala skráð) 4.9.2008 kl. 01:19

"ee" veit greinilega ekkert um stafræn samskipti. Ofangreint innlegg ee á ekkert skylt við GSM samskipti, heldur gamaldags hliðræn samskipti.

Sigurður Jónsson (IP-tala skráð) 4.9.2008 kl. 01:40

Greinilegt er af athugasemdunum að ég hefði átt að útskýra í hverju þessar "truflanir" fólust. Það byrjaði þannig föstudag einn uppúr hádeginu að hringt var í mig frá ónefndum stað í Reykjavík og ég beðinn um að hætta hringja þangað aftur og aftur eins og ég hefði gert í rúma klukkustund og truflað þar vinnufrið.

Heyrst hefði í mér að tala við einhvern en engin leið að tala við mig. Ég skoðaði yfirlit yfir síðustu símtöl mín, og þar var þetta símanúmer ekki á skrá og ég hafði ekki hringt í það í meira en heilt ár og þá aðeins einu sinni. Ég hafði hins vegar hringt í vin minn í Reykjavík, sem er mjög fróður um virkjanaframkvæmdir en andvígur Kárahnjúkavirkjun.

Næsta föstudag gerðist það sama, en þá var ég staddur í klippiherbergi í Sjónvarpinu í Reykjavík. Aftur var ég beðinn um að hætta að ónáða með sífelldum hringingum þar sem aðeins heyrðist í mér að tala við þriðja aðila en ekkert væri hægt að tala við mig, og enn væri ég að trufla vinnufrið.

Á laugardegi helgina eftir gerðist enn það sama, en í þetta sinn hringdi kvikmyndagerðarmaður í mig og bað mig um að hætta að hringja í sig.

Við skoðun hjá Símanum kom í ljós að sunnudaginn eftir fyrri föstudaginn hafði verið hringt aftur úr síma mínum en þá var skrifstofan, sem hringt var í, lokuð og því olli það engu ónæði.

Fyrsti símafræðingurinn sem ég talaði við um þetta spurði mig hvort ég væri í símatorgi og ég svaraði því til að ég væri í símatorgi við fréttastofu Sjónvarpsins, enda var ég þá fréttamaður. Við eftirgrennslan kom í ljós að þennan föstudag gat þetta símatorg ekki hafa skipt máli. Hann spurði líka hvort ég geymdi númer í minnisbók símans míns, en það hef ég aldrei gert.

Síminn var tekinn og skoðaður gaumgæfilega og ekkert fannst að honum. Lokaniðurstaðan hjá síðasata sérfræðingnum sem ég ræddi við var sú sem ég greindi frá hér að framan, að til þess að svona fyrirbrigði gæti átt sér stað þyrfti peninga, aðstöðu og mannskap.

Sá aðili sem í þrígang varð fyrir ónæði af hringingum, sem virtust koma úr síma mínum, var í þeirri stöðu í þjóðfélaginu að ef þetta fyrirbrigði varð til vegna hlerana eða tilraunastarfsemi tengdri þeim, þá eru ótrúlegust aðilar hleraðir og ekki aðeins þeir, sem tengjast virkjanamálum.

Þess má geta að á þessum tíma var ég starfandi fréttamaður sem var eini fréttamaður landins sem hafði verið settur í rannsókn vegna ásakana um hlutdrægni og misnotkun á aðstöðu minni og að þessi rannsókn hafði hreinsað mig af þessum ákærum.

Á þessum tíma gætti ég þess vandlega í sjálfsritskoðun að fyrir hverja eina frétt, sem gæti verið túlkuð sem neikvæð fyrir virkjanir, kæmu tvær sem túlka mætti sem jákvæðar.

Ekki dugði að hafa hlutföllin eina á móti einni. Eftir eina jákvæða og eina neikvæða frétt helgi eina sumarið 2004 var kvartað yfir neikvæðu fréttinni í útvarpsráði.

Ómar Ragnarsson, 4.9.2008 kl. 02:10

Við þetta síðasta má bæta því við að "neikvæða fréttin" var viðtal við Louise Crossley, sem ég tók eftir athyglisverðan fyrirlestur hennar, en ég þorði ekki að "skúbba" þessu, heldur beið eftir því að Mogginn birti við hana viðtal þannig að ekki væri hægt að saka mig um frumkvæði í málinu.

Sömu helgi birtist afar jákvæð frétt um framkvæmdirnar við Kárahnjúka en engu að síður var kvartað yfir neikvæðu fréttinni í útvarpsráði.

Ómar Ragnarsson, 4.9.2008 kl. 02:15

símatorg segirðu. er það ekki bara eitthvað blátt?

Brjánn Guðjónsson, 4.9.2008 kl. 02:28

Með nútíma tækni er mjög auðvelt að láta fullt af aðilum hlusta á samtal einhverra tveggja aðila. Eins og ef t.d. alltaf þegar hringt væri í Ómar, þá myndi einnig hringja í aðra aðila samtímis sem þyrftu þá ekki annað að gera en að hlusta á samtalið. Auðvelt er að vera með stillinguna þannig að það væri bara hægt að hlusta. Einnig er lítið mál að vera með sjálfvirka upptöku á því sem sagt er. Spurning hvort að hagsmunaaðilum hjá kerfinu sé boðið upp á slíka þjónustu þegar henta þykir? En sem fjarskiptatæknifræðingur, þá veit ég að það er ekki lengur þessi vandamál í gangi þar sem einhver getur heyrt þegar verið er að fara inn á línuna eða þegar upptökutæki fer í gang, þökk sé m.a. hinni stafrænu tækni.

En ég get alveg trúað Ómari og fleirrum að þeir séu hleraðir í bak og fyrir. Bara spurning hver er þar á ferð?

Lítið og fámennt samfélag býður upp á slíkt, þar sem er fullt af hagsmunum og fullt af peningum sem þurfa helst að rata á réttar hendur :)

Fyrst að hleranir og njósnir eru stundaðar grimmt í öðrum löndum, því ætti það ekki að vera þannig á Íslandi líka, sér í lagi þar sem miðstýringin er meiri en margan grunar og meiri á Íslandi en víða annars staðar!

Hér hafa nánast sömu hagsmunaraðilar og stjórnvöld verið við lýði sem hafa fengið gott uppeldi í svona málum frá því herinn settist hér að :)

Kjartan Pétur Sigurðsson, 4.9.2008 kl. 05:57

Guð almáttugur þá hef ég verið hleruð, því ég hef lent nákvæmlega í þessu, þ.e að bæði er hringt í mig endalaust úr sama númerinu og ég heyri bara fólk spjalla um daginn og veginn, og svo hef ég víst verið að ónáða fólk í tíma´og ótíma. Ég bý á Austurlandi svo við erum sennilega öll hleruð hér. Hef aldrei spurt af hverju þetta er en taldi að þegar ég væri með síman í vasanum ( er með samloku) þá væru bara takkarnir að nuddast eitthvað saman og svo rídæl aftur og aftur. Shit ég er hleruð

(IP-tala skráð) 4.9.2008 kl. 08:54

Það er ljóst af sögu símahlerana á Íslandi að Íslenskir fasistar telja þær til dygða og nauðsynlegar til verndar lýðræðinu, svo einkennilega sem það hljómar!

Axel Jóhann Hallgrímsson, 4.9.2008 kl. 12:19

"Á þessum tíma gætti ég þess vandlega í sjálfsritskoðun að fyrir hverja eina frétt, sem gæti verið túlkuð sem neikvæð fyrir virkjanir, kæmu tvær sem túlka mætti sem jákvæðar".

Neikvæð frétt hefur miklu meiri áhrif en jákvæð. Það er sagt í viðskiptasálfræðinni að ein neikvæð umfjöllun um fyrirtæki, jafngildi 7 jákvæðum í auglýsingalegum skilningi.

Gunnar Th. Gunnarsson, 4.9.2008 kl. 13:15

Svo þú skuldar slatta af jákvæðum fréttum um virkjanir Ómar. Komdu þér að verki kall!