Bjallavirkjun, allar bjöllur hringja!

Varla er dags friður fyrir nýjum virkjanaáformum. Ég þurfti í fyrradag að leggja upp í ferð á virkjanasvæðið austan Snæfells og taka frí frá öðru í tvo daga, en á flugleiðinni austur þurfti ég að fara í þann dapurlega og dýra útúrdúr að taka yfirlitsmyndir af virkjanasvæði Bjallavirkjunar, sem ég hafði talið mér trú um að hefði verið barn síns tíma og engum dytti nú í hug að framkvæma.

Ég er byrjaður á heimildarmynd um svæðið, sem ég var svo barnalegur að halda að lægi minna á að klára en aðrar heimildarmyndir mínar um virkjanir út og suður.  

Þurrka á upp þann hluta Tungnaár, sem ber af hvað snertir fegurð, hugsanlega fallegasta árkvíslasvæði landsins, og reka virkjanafleyg á mili Landmannalauga og Veiðivatna.

Í stað þess að örfáum kílómetrum fyrir austan Landmannalaugar blasi við þessi hluti Tungnaár, svonefndir Kýlingar,  sem er ómissandi hlekkur í gimsteinakeðju Landmannaleiðar, á að fjarlægja ána svo að fólk í framtíðinni horfi aðeins á auðar eyrar.

Þetta verða enn verri spjöll í augum hinna fjölmörgu sem skoða þetta svæði úr loft.  Að taka þetta í burtu er svona álíka og að skera munninn af andliti Monu Lisu og segja að nóg sé eftir að fegurð í andliti hennar.  

Þetta svæði hefur ævinlega verið eitt af nöfnunum sem ég hef nefnt þegar ég rökstyð það af hverju það stendur svo mikið framar Yellowstone, að hinn heimsfrægi ameríski þjóðgarður kemst ekki inn á nýjustu skrár um merkustu náttúruundir heims þótt hinn eldvirki hluti Íslands gerir það.

Listinn frá Heklu til Grímsvatna um Landmannalaugasvæðið er nokkurn veginn svona: Hekla, Hrafntinnusker, Mógilshöfðar, Jökugil, Frostastaðavatn, Námur, Landmannalaugar, Ljótipollur, KÝLINGAR, Vatnaöldur, Veiðivötn, Langisjór, Eldgjá, Lakagígar, Vatnajökull, Skaftárkatlar, Grímsvötn.

Ekkert af þessum fyrirbærum á sér samsvörun í Yellowstone. Bjallavirkjun á að skila 46 megavöttum, sem gefa 30 störf í álveri, sem aftur á móti skila virðisauka í þjóðarbúið á við 10 störf í sjávarútvegi. 

Jafnvel þótt þessi miðlun auki orkuna í neðri hluta virkjannakeðjunnar um annað eins, er verið að ræða um að bæta við virðisauka í þjóðarframleiðsluna sem samsvarar 20 störfum í sjávarútvegi. Já, hróp forsætisráðherra, framleiða, framleiða, framleiða! bergmálar sem aldrei fyrr, framleiða, framleiða, framleiða, hvað sem það kostar, jafnvel þótt fórnarkostnaðurinn verði miklu meiri en ávinningurinn. 

 

Athugasemdir

[Ísdrottningin, 6.9.2008 kl. 16:00]

Maður á bara ekki til orð yfir svonalagað.  Af hverju er allt kapp lagt á að virkja landið okkar í hvelli, er það svo að þeir nái sem mestu undir stíflur og virkjanir áður en við áttum okkur á því hverju við missum af?

Það er merkilegur andskoti að í hvert sinn sem þeir rétta fram einhverjar áætlanir með vinstri hendi svo við getum eytt allri okkar orku í að mótmæla er sú hægri búin að gera eitthvað enn verra af sér án þess að við áttuðum okkur á því og allt með blessun stjórnvalda.

Það eru fáir staðir eftir á hálendinu sem maður hefur ekki ferðast um (já, við eigum það sameiginlegt Ómar),  þvílíkar náttúruperlur sem við eigum og fáir hafa náð að njóta hingað til.  Er öllum orðið sama?

Bestu kveðjur til ykkar Helgu.
Ísdrottningin

[Sævar Helgason, 6.9.2008 kl. 16:05]

Er það ekki fullmikil einföldun að horfa bara á einstök störf sem virkjun gefur af sér ?   Við eignumst þessar virkjandi eftir ákveðinn árafjölda.  Ég man þá tíð þegar Búrfellsvirkjun var gangsett og sá Ísalverksmiðjunni fyrir raforku ca 70 %  og restin fór á knýjandi orkunotkun á höfuðborgarsvæðinu- fram að þeim tíma var algengt að skammta rafmagn til heimila á álagstímum t.d um jól. . Salan til Ísal greiddi síðan Búrfellsvirkjun niður á 25 árum. Síðustu 14 árin hefur Búrfellsvirkjun malað gull dag og nótt fyrir þjóðarbúið og malar áfram næstu áratugina---þetta eru mikil verðmæti. Svona er með margar aðrar virkjanir.  En við eigum sem betur fer fleiri kosti nú en í upphafi Búrfellsvirkjunar árið 1969, með orkusölu á hærra verði til fjölbreyttari iðnaðar og jafnvel með meiri mannaflaþörf. En það verður að fara með varúð og ígrunda vel okkar virkjanakosti- það er ekki sama hvernig að verki er staðið.

[Sævar Helgason, 6.9.2008 kl. 16:05]

Er það ekki fullmikil einföldun að horfa bara á einstök störf sem virkjun gefur af sér ?   Við eignumst þessar virkjandi eftir ákveðinn árafjölda.  Ég man þá tíð þegar Búrfellsvirkjun var gangsett og sá Ísalverksmiðjunni fyrir raforku ca 70 %  og restin fór á knýjandi orkunotkun á höfuðborgarsvæðinu- fram að þeim tíma var algengt að skammta rafmagn til heimila á álagstímum t.d um jól. . Salan til Ísal greiddi síðan Búrfellsvirkjun niður á 25 árum. Síðustu 14 árin hefur Búrfellsvirkjun malað gull dag og nótt fyrir þjóðarbúið og malar áfram næstu áratugina---þetta eru mikil verðmæti. Svona er með margar aðrar virkjanir.  En við eigum sem betur fer fleiri kosti nú en í upphafi Búrfellsvirkjunar árið 1969, með orkusölu á hærra verði til fjölbreyttari iðnaðar og jafnvel með meiri mannaflaþörf. En það verður að fara með varúð og ígrunda vel okkar virkjanakosti- það er ekki sama hvernig að verki er staðið.

[Guðbjörn Guðbjörnsson, 6.9.2008 kl. 19:12]

Já, sem betur fer eru menn að skoða frekari virkjunarframkvæmdir og atvinnuuppbyggingu í landinu.

Ég er algjörlega sammála Sævari að auðvitað þarf að skoða frekari virkjunarkosti, en um leið þarf skoða fórnarkostnaðinn.

Ég hef ekki myndað mér skoðun á því hvort réttlætanlegt er að leggja þetta svæði við Vatnajökul undir lón, en að hafna undantekningalaust öllum uppistöðulónum á hálendinu líkt og Þórunn gerði í dag er algjörlega fáránlegt.

[Gestur Guðjónsson, 6.9.2008 kl. 21:29]

Vinna við rammaáætlun á einmitt að taka alla möguleika inn og meta þá. Slá þá út af borðinu sem standast ekki skoðun, en hleypa áfram sem standast skoðun.

Á þennan hátt var t.d. Geysissvæðið tekið inn í rammaáætlun 1 en var auðvitað slegið beinustu leið út af borðinu.

Það væri ábyrgðarhluti að taka Bjallavirkjun og Tungnárlón ekki með.

Á þann hátt og þann hátt einan er hægt að slá þessar hugmyndir endanlega út af borðinu, standist þær ekki skoðun.

[Gunnar Th. Gunnarsson, 6.9.2008 kl. 21:55]

Munnurinn á Mónu Lísu hefur nú aldrei þótt fallegur og sumir gera því jafnvel skóna að fyrirsætan hafi verið karlmaður. Það er alveg merkilegt að allt sem á að virkja er einstakt og með fallegustu stöðum í veröldinni. Ótrúleg tilviljun hve Landsvirkjunarmenn eru naskir á að hitta á alla fallegustu staðina.

Ný virkjunaráform segirðu. Þessi virkjun hefur verið 30 ár í hönnun og undirbúningi en nú vill Tóta tindilfætta sópa þeirri vinnu í ruslafötuna.

[sigurvin (IP-tala skráð) 6.9.2008 kl. 22:54]

Það er fráleitt hjá þér Gunnar að halda því fram að "þessi virkjun hafi verið 30 ár í hönnun og undirbúningi" -skrítinn málflutningur. Í fréttinni segir "unnið hefur verið að frumhönnun síðustu mánuði".  Sú vinna sem unnin var 1980 þar sem m.a. átti að veita um opna skurði í stað gangna er vita gagnlaus í dag. Þar fyrir utan er ekkert sem mælir gegn því að "sópa þeirri vinnu í ruslafötuna". Undirbúningsvinna er ekki ávísun á virkjun.

Annars held ég að allir átti sig á því að hér er á ferð ákveðin "taktik" í anda Thatcher þegar hún boðaði 4% nefskatt, og allir urðu brjálaðir, svo hún bakkaði í 2% og allir urðu glaðir  -líka Thatcher.

[Hrafnkell (IP-tala skráð) 6.9.2008 kl. 23:49]

Sammála síðasta ræðumanni um að þetta er augljóslega plott hjá Landsvirkjun að taka inn þennan virkjanakost nú á þessum tímapunkti. Með því á að láta virkjanirnar í neðri Þjórsá líta betur út á pappírunum og minnka þannig andstöðuna við þær.

Að auki vil ég benda honum Gunnari hér að framan á að Landmannalaugar eru almennt taldar vera fallegur staður.

[Gunnar Th. Gunnarsson, 7.9.2008 kl. 00:11]

Þið talið alltaf um Landsvirkjunarmenn eins og þeir séu glæpamenn. Sigurvin, það var byrjað að fjárfesta í þessari virkjunarhugmynd fyrir 30 árum síðan. Hrafnkell, það er ekki verið að skemma Landmannalaugar. Þið eruð ótrúlegir!

[Hrafnkell (IP-tala skráð) 7.9.2008 kl. 00:16]

Stórt uppistöðulón í 10 km fjarlægð frá Landmannalaugum skemmir ekki staðinn? Inn í friðlandinu? Öh, jú.

[Gunnar Th. Gunnarsson, 7.9.2008 kl. 01:04]

Hálslón átti að skemma allt austurhálendið á Íslandi. Það nenna fáir að hlusta á svona bull

[Árni Gunnarsson, 7.9.2008 kl. 01:25]

Ætli það sé ekki lygi að þriggja gljúfra stíflan í Kína sé búin að raska lífríkinu við strendurnar þar svo að um munar? En semsagt. Það á að setja af stað eina allsherjar áætlun um virkjanir. Svo á að meta hverju skal hlíft. Að því búnu setja allt gangverkið á fullt og virkja í djöfli þar til lokaáfanga er náð. Þá er málið dautt.

En á hverju eigum við svo að lifa?

[Árni B. Helgason (IP-tala skráð) 7.9.2008 kl. 03:37]

Ómar!

Því þá alltaf að vera með svo tilfinningalegar pælingar?

Sjálfum er þér skilyrðislaust gert að greiða hartnær helming tekna í skatt og ert þó bara eins og ein lítil grein vaxin upp af litlu landi.

Málið er fyrst og fremst pólitískt en hvorki össurískt né ómarískt. Öllu heldur þá snýst það um það hvort við viljum greiða niður afnot af landi, í öllum sínum margvíslegu myndum, eða skattleggja það - jafnvel grimmt.

Hvort viljum við, minn kæri, láta hirða skattinn af okkur við hlið og lokur Bjallavirkunar, við olíustúta fursta Arabíu, við mjólkurpallana í sveitum Skagafjarðar - eða bara eins og við höfum oftast mátt upplifa það, eins og lítil laufblöð á annars nær skattfrjálsri eik, að vera skorin við nögl? Bara af því við séum dauðlegar persónur en ekki eitthvað sem eigi að heita framtíðarlandið...

Um þetta snýst pólitík framtíðar - en ekki um Bjallavirkjun eina og sér eða einhverja Kárahnjúkavirkun eina og sér. Heldur um það - og alveg almennt talað - hvar eigi að leggja á skattinn.

Sem sé, hvort sé mikilvægara - bara núlifandi einstaklingar eða sjálft landið og framtíðin, jafnvel framtíð margra barna... og barnabarna...

[Hilmar Dúi Björgvinsson, 7.9.2008 kl. 08:27]

En hvar er rammaáætlun Samfylkingarinnar???

[Sævar Helgason, 7.9.2008 kl. 09:11]

"En hvar er rammaáætlun Samfylkingarinnar???"

Það verkefni er í fullri vinnslu og eru verklok áætluð í lok næsta árs - þá verður málið lagt fyrir alþingi . Nú í gær 6.09.2008 var viðtal við verkefnastjóra þessa verks , Svanfríði Jónasdóttur þar sem hún gerði góða grein fyrir málinu....  Fram að því verður ekki farið inn á óröskuð svæði til virkjana - hvorki við Bjalla né annarstaðar. En þessi umræða er góð..

[Sævar Guðmi Sævarsson (IP-tala skráð) 7.9.2008 kl. 11:00]

Sæll vertu Ómar já það er meira hvað Landsvirkjun likur allaf lífið á að, breita landinu með sínum lónum,skurðurm og göngum.  Hvað er hér á ferðinni eru þetta áætlnir sem á að ráðast í "í allvörunni" eða eru þetta bara hrókeringar til að villa mönnum sín á það sem "á að fara í framkvæmd".

        Ekki ætla ég að dæma um það hér.  En eitt gett eg verið samála um að þetta eru stórkallavegar aðgerið sem þarna eru á ferðinni.  Hvað vinst með öllum þessum stóruframkvæmdum.  Það kemur framtíðinn til með að segja til um, Það er nokkuð ljóst.

því eins og við öll vitum þá er aðeins eitt sem við getum fest reiður á að allt er í heiminum kverlt, líka það sem bjarga skal þessari þjóð frá ...... botnar sá sem vill.

Eg leg hér með til Ómar og fleir að nú er rétti tíminn ínni að fara friðargöngu númar 2 níður laugarveginn.  því friðarganga númer 1 var og er kraftaverk, þar gengu allir saman í frði og sátt.   Bkv sgs norege

[Leifur Þorsteinsson, 7.9.2008 kl. 14:23]

Það er vandlifað. Hér áður fyrr mátti hvergi virkja því sá er

mestt mælti með slíkum framförum hafði selt norðurljósin og

því ekki treystandi til að hafa nokkuð með slíkt að gera.

Nú til dags má hvergi virkja, því það verður að vera hægt að

selja norðurljósin.

[Árni Gunnarsson, 7.9.2008 kl. 15:39]

Þessi virkjanaumræða er öll hið undarlegasta mál. Nú heyrist mér að þeim hagspekingum fjölgi með hverjum degi sem telja óráð að leita lausna á núverandi efnahagsvanda með stóriðjuframkvæmdum eða stórframkvæmdum af neinu tagi. Stóriðjuhungrið er orðið að heilkenni mikils fjölda fólks sem sér enga aðra leið til efnahagslegs forræðis en álver á álver ofan ásamt olíuhreinsistöð á Vestfjörðum. Og mér verður hreinlega á að spyrja:

Skuldar þetta land Landsvirkjun, eða því fólki sem harðast berst fyrir framhaldi á neyslufylliríinu eitthvað?