Íslands þúsund ár

18.9.2008 | 16:47

Eftir öll þessi ár...

Hver maður skal talinn sýkn saka þar til sekt hans hefur verið sönnuð. Þessi meginregla mannúðlegs og réttláts réttarfars er oft brotin og það eitt að vera ákærður jafngildir því miður oft því að vera dæmdur.

Mál Eggerts Haukdals er eitthvert sorglegasta sakamál síðari ára, ekki aðeins vegna þess hve ótrúlega langan tíma það hefur tekið, - alls tólf ár síðan meint brot átti að hafa drýgt, - heldur ekki síður vegna þess að stærsta hluta þess tíma, - sjö ár, - mátti hann lifa við það að hafa verið dæmdur sekur af æðsta dómstóli landsins.

Nú, alltof, alltof seint, er hann loks sýknaður eftir að hafa gengið í gegnum dæmalausar hremmingar. Þessi niðurstaða er þrátt fyrir allt sigur, - sigur fyrir mann sem ekki gafst upp þótt allt virtist vonlítið, sigur fyrir lögmann hans og ekki síður sigur fyrir réttarfarið, fyrir dómstól sem viðurkennir að mistök hafi átt sér stað.

	Eggert Haukdal sýknaður
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 16:58 | Facebook

Athugasemdir

Hans eini fjárdráttur fer fram í réttunum!

Gulli litli, 18.9.2008 kl. 16:57

Það er ánægjulegt að sjá kallinn nú loks ná sigri í þessu átakanlega máli. Þeir sem þekkja til hvernig hlutirnir hafa gengið fyrir sig í rekstri lítilla hreppa vita vel hvernig málum er oft háttað í ábyrgðum og fleiru þh.

Verst er þó að Eggert hefur misst nánast allt sitt í þessu strögli - nema æruna.

Sigmundur Sigurgeirsson (IP-tala skráð) 18.9.2008 kl. 17:09

Þetta hefur nú verið leiðinlegt fyrir kall angan að ganga í gegnum allt þetta vesen !

Kannski enn leiðinlegra fyrir hann að dómurinn skuli ekki hreinsa hann af sökunum sem á hann voru bornar heldur einungis segja að ekki sé fullsannað að brotið hafi verið framið af ásetningi, á því leiki einhver vafi sem túlka skuli ákærða í hag, einn dómarinn telur það þó fullsannað.

Traviz (IP-tala skráð) 18.9.2008 kl. 17:20

Hvað ætli sveitungar Eggerts geri í kvöld ? Fari í blysför heim til hans og byðji hann afsökunnar á misferlinu og þeim þjáningum sem hann hefur mátt umbera í 12 ár ?

Nei- það gera þeir ekki. Þeir skammast sín varla- eða ég veit ekki- kannski eru þeir slegnir og átta sig svo á þeesu hægt og hægt. En ég gleðst innilega yfir þessum góðu tíðindum.

Bjarni Baukur, 18.9.2008 kl. 17:20

Ég hef fylgst nokkuð með þessu undarlega máli frá fyrstu tíð. Alltaf jafn sannfærður um að undarlegar hvatir hafi legið að baki þessarar kæru. Sá glöggi endurskoðandi Guðbjörn Jónsson fór ítarlega yfir málið og taldi einboðið að þarna hefðu átt sér stað dómsmistök, enda málatilbúnaður allur verið hinn undarlegasti. Rétt eins og Sigmundur bendir á eru þess mörg dæmi að í fámennu samfélagi nái að þróast andrúmsloft sem rekja má til sterkra skoðana á einstaklingum. Eggert Haukdal er ekki sveigjanlegri en aðrir menn og líklegt að honum hafi tekist að rekast á aðra sem voru líkrar lundar. Þá er oft voðinn vís. En ég fagna þessari niðurstöðu og leyfi mér að vona að höfðinginn á Bergþórshvoli geri það líka. Ég veit að þetta mál gekk nærri Eggerti á marga lund sem von var. Hann er sú manngerð sem tekur þá hluti alvarlega sem leiða til raskaðs mannorðs.

Árni Gunnarsson, 18.9.2008 kl. 17:32

Miðað við það sem ég hef lesið um þetta finnst mér einkennilegt að hann sé sýknaður á einhverjum vafaatriðum.

Fannst eins og að það væri komið fram að hann væri saklaus af þessu með öllu.

Landfari, 18.9.2008 kl. 18:35

Hvað hefur þessi maður lagt til samfélagsmála í sinni heimabyggð, öll sjálfboðavinnan eins flestir kannast við að þurfa að vera með í? Hvað gekk mönnum eiginlega til í þessu? Ég er svo fegin að þessi gamli maður var sýknaður þó svo að við vitum að hann ber þess aldrei bætur að hafa verið litin hornauga í allan þennan tíma, fyrir eitthvað sem hann var dæmdur fyrir, EF hann gerði eitthvað klaufalegt hefði átt KANNSKI að gera öðruvísi.... þá fer maður ekki svona með fólk. En það þarf að gera réttarkerfið okkar fljótvirkara, er það ekki?

SH (IP-tala skráð) 18.9.2008 kl. 22:40