Finnska leiðin, tveimur árum seinna.

Mikið geta nú sum skilaboð verið sein að berast á sjálfri gervihnattaöldinni. Fyrir tæpum tveimur árum deildum við Árni Mathiesen um finnsku leiðina í greinum í Morgunblaðinu og einnig þurfti á þeim tíma að deila við aðra forráðamenn þáverandi stjórnarflokka um "finnska efnahagsundrið." Allir harðneituðu þeir því að aðstæðurnar í Finnlandi á tíunuda áratugnum gætu verið okkur til lærdóms.

Það var eðlilegt. Aðstæður á Íslandi voru mjög svipaðar og höfðu verið í Finnlandi fyrir 1990 og því hentaði ekki að fara að máta þær við Ísland þar sem menn óðu áfram með stefnu sem stakk í augu miðað við það  sem Finnar höfðu gert.

Einnig var þá og er enn lítið með það gert að Finnar íhuguðu á tímabili að fara út í stóra vatnsaflsvirkjun með tilheyrandi stóriðju en sáu, að bæði myndi það gagnast lítið atvinnulega séð og einnig taka til sín fjármagn sem betur myndi gagnast í þekkingariðnaði.

Nú, næstum tveimur árum síðar, eru sumir af þessum andmælendum mínum byrjaðir að minnast á finnsku leiðina og hún getur reynst okkur dýrmæt til hliðsjónar af svipuðum vandamálum hér og voru í Finnlandi upp úr 1990. En óskaplega tekur það langan tíma fyrir skilaboðið að berast.

Þótt göngumaður hefði lagt af stað með þau í bréfi fyrir tæpum tveimur árum hefði hann verið kominn fyrr til Íslands. Tíminn virðist geta liðið hægt á gervihnattaöld.  

Varar við háum stýrivöxtum

Athugasemdir

[Sigrún Eðvaldsdóttir (IP-tala skráð) 4.11.2008 kl. 09:50]

Sæll Ómar. Ég skora á þig að láta til þín taka í stjórnmálalegum mótmælum. Þú ert vel upplýstur , fullur af eldmóð og hugsjónum , og hefur alla burði í að knýja fram breytingar.

[Birgir (IP-tala skráð) 4.11.2008 kl. 09:59]

Atvinnuleyis hefur síðan 1990 aldrei farið undir 8% í Finnlandi. Finnska leiðin er leiðin til glötunar.

[Fannar frá Rifi, 4.11.2008 kl. 10:05]

Verð nú að taka undir með Birgi. Er það árangur að vera með 8% atvinnuleysi í áratugi?

Ef það er árangur þá er atvinnuleysið sem spáð er á næstunni í messtu kreppu seinni tíma sögu landsins, svipað og á blómaskeiði Finna. er það árangur Ómar? 

[Gunnar Th. Gunnarsson, 4.11.2008 kl. 10:09]

Ekki veit ég hvernig orkufyrirtækin eru rekin í Finnlandi, en hér eru virkjanir ekki að taka tiln sín fjármagn frá öðrum verkefnum eins og þú gefur í skin að sé í Finnlandi.

[Steinar Immanuel Sörensson (IP-tala skráð) 4.11.2008 kl. 10:49]

Ég er á þvi að það sé tímabært að hlusta á þá sem hafa gengið í gegnum svipað og við erum að gera núna, þessi hávaxtastefna sem er við lýði hér og nú er engum til góðs og byggð á þrjósku og ofurtrú á ónýtum gjaldmiðli.

Það er greinilegt að Finnar gerðu mistök og afhverju ættum við að þurfa að gera sömu mistökin, reynum nú að kyngja stoltinu aðeins og læra af reynslu annarra

[Baldvin Jónsson, 4.11.2008 kl. 11:08]

Ómar, nú fremur en nokkurn tímann er tækifæri fyrir nýtt stjórnmálaafl.

Fólkið í landinu og að virðist meira að segja stór hluti Sjálfstæðisflokksins, vill sjá nýja hluti. Er hreyfingin Íslands sofandi?

[Ásgrímur Hartmannsson, 4.11.2008 kl. 12:19]

Þða er varla það land sem ekki er hægt að læra eitthvað af.  Lærdómusinn heyrist mér vera þessi:

Ekki hækka vextina því þá fer allt í kalda kol.

Ekki ganga í ESB því þá verður atvinnuleysið alltaf minnst 8%.

Ekki sóa peningum alþýðunnar í Hernað, sendiráð eða eitthvað annað sem ekki flokkast undir vegakerfi, eldvarnir, skóla eða heilbrigðisþjonustu.

Ekki setja pólitíkusa í nein embætti þegar þeir fara á eftirlaun.  Ráðlegra er að setja þá í búr með ísbirni.

Ekki leyfa pólitíkusum að potast í hlutum sem ekki falla undir vegakerfi, eldvarnir, skóla eða heilbrigðisþjónustu.

[Ómar Ragnarsson, 4.11.2008 kl. 14:06]

Íslandshreyfingin hélt aðalfund í ágúst síðastliðnum. Fjölmiðlar fengu að vita af því en aðeins einn sinnti því með smáfrétt inni í blaði. Stjórnin hefur haldið fundi og hefur sent yfirlýsingar til fjölmiðla sem nær undantekningarlaust er stungið undir stól.

Hreyfingin er fjárvana, ein stjórnmálaflokkanna, vegna þess að hinir flokkarnir fengu fljúgandi start fjárhagslega við síðustu kosningar. En hugsjónin og hreyfingin lifir samt og í skoðanakönnum hafa sem svarar 3-4000 kjósendur sýnt vilja til að kjósa hana.  

Íslandshreyfingin er eina stjórnmálaaflið sem ekki er tengt þeirri hagsmunagæslu gagnvart forystumönnum sínum sem komið hefur verið á í gegnum eftirlaunafrumvarp og sérstökum greiðslum úr ríkissjóði til formanna og aðstoðarmanna þeirra.

Á stofndegi lýstum við yfir því að afnema bæri eftirlaunalögin jafnhratt og til þeirra var stofnað.  

Við lítum svo á að ákvörðun um stuðning eða greiðslur til einstaklinga innan flokkanna eigi að vera innanflokksmál.

Ég hef gengið í göngunum þær helgar sem ég hef verið í borginni og komið á borgarafund og útifundi. Við fylgjumst eins vel með því sem er að gerast og unnt er.

Frá upphafi hefur Íslandshreyfingin hvorki viljað skilgreina sig hægri- né vinstri flokk heldur hreyfingu sem andæfir græðgisvæðingu, sérhagsmunagæslu og tillitsleysi gagnvart samborgurum og komandi kynslóðum. 

Þegar hreyfingin var stofnuð fólst hin ranga stefna mest í stóriðju- og virkjanaþenslunni, sem hratt ruglinu af stað ásamt húsnæðisloforðum Framsóknarflokksins í kosningunum 2003.

Síðan blés hin tillitslausa þenslugræðgi upp eins og blaðra sem hefur að vísu sprungið, en áfram er reynt að berja í bresti ójafnaðar og sérhagsmunagæslu eins og síðustu fréttir sýna.  

[Óskar Þorkelsson, 4.11.2008 kl. 16:00]

mættu á laugardaginn á Austurvöll Ómar og komdu nú með þrumandi ræðu.. yfir 500 manna lýðnum.. ég verð þar.

[Björn sveitamaður (IP-tala skráð) 4.11.2008 kl. 17:45]

Já Finnska leiðin Ómar.  Nei, ekki fóru þeir í vatnsaflsvirkjanir, heldur hafa þeir reist fjölda kola- og olíukynntra raforkuvera.  Þar að auki er ætlunin að reisa amk. 2-4 kjarnorkuver í landinu á næstu 15 árum. 

Já, þetta er Finnska leiðin í orkumálum.  Virkilega umhverfisvæn.  Við ættum kannski að taka hana upp hér á landi?

Aðstæður í Finnlandi voru allt aðrar en hér á landi þegar kreppan skall á.  Landið var mjög háð risaveldi um allan inn- og útflutning, risaveldi sem hrundi til grunna á einni nóttu.

Þar að auki voru mörg hátæknifyrirtæki til í Finnlandi á þessum tíma, t.d. Finlux, Nokia, Wartsila, auk margra annarra.

Finnska leiðin hér á landi kæmi einungis einum landshluta að gagni hér á landi þ.e. Höfuðborgarsvæðinu.  Nýsköpunar- og hugvitsiðnaður þrífst einungis í stórum og þéttbýlum samfélögum eins og t.d. Stór-Reykjavíkursvæðinu. 

Við þurfu lausnir sem gagnast landinu ÖLLU og þar með talið miðunum líka.

[Benedikt Halldórsson, 4.11.2008 kl. 17:46]

Ef það er rétt að atvinnuleysi í Finnlandi sé hvorki meira en minna en 8% er með ólíkindum að sú leið sé álitin valkostur.

Ef ESB og upptaka evru þýði að hér verði atvinnuleysi nálægt 10%. er betra að búa við skrykkjótt efnahagslíf með fullri atvinnuþátttöku.

Finnska leiðin er eins og draga úr hausverk með því að klípa sig í handlegginn.

[Jón Baldvin (IP-tala skráð) 4.11.2008 kl. 18:06]

Til upplýsingar um atvinnuleysi í Finnlandi

2007 - 6,8%

2008 - 6,7%

Sjá:

http://www.indexmundi.com/finland/unemployment_rate.html

[Sigurveig Eysteins, 4.11.2008 kl. 18:16]

 Hver segir að við þurfum að taka allan pakkann frá öðrum þjóðum, við hljótum að vera það þroskuð að geta valið og hafnað, ég mæli með leið Finna í hugviti, hönnun og markaðsmálum í ferðaiðnaði, þurfum við alltaf að vera að ganga á sama vegginn ???

[Gunnar Th. Gunnarsson, 4.11.2008 kl. 18:17]

Já, eða lækna tannpínu með verkjalyfi

[Kjartan Pétur Sigurðsson, 4.11.2008 kl. 19:41]

Það er ekki hægt að vera með 8% atvinnuleysi í landi þar sem vantar alltaf fólk!

[Sigurður M Grétarsson, 4.11.2008 kl. 20:54]

Það er orðin ansi þreytt mýta að atvinnuleysi muni aukast hér á landi við það að ganga í ESB. Atvinnuleysi er mjög mismunandi milli ESB landa og einnig innan ESB landanna og vafalaust er atvinnuleysi sum staðar minna þar en hér á landi.

Í kreppunni í Finnlandi fór atvinnuleysi upp í 18% og hlýtur það því að teljast árangur að koma því niður í 8%. Væntanlega er þetta atvinnuleysi mismunandi innan Finnlands og hugsanlega er stór hluti þess á takmörkuðum svæðum, sem ekki hafa náð sér enn upp úr kreppunni og einnig meðal einstaklinga, sem eru í raun fastir í atvinnuleysi vegna þess að þeir eru meira og minna óhæfir til vinnu eftir langt atvinnuleysi í kreppunni. Þegar langvarandi atvinnuleysi á sér stað lendir alltaf hluti þeirra, sem verða atvinnulausir lengi í slíku.

[Bjarki Hilmarsson (IP-tala skráð) 4.11.2008 kl. 20:55]

 Ég vil benda þeim sem eru að tjá sig hér um finnsku leiðina aðhlusta á liðinn mótbyr sem var í þættinum "samfélagið í nærmynd" á rás1 í morgun (þriðjudag) hann byrja þegar ca 3/4 eru búnir af þættinum.  Þar er talað við Sigurbjörgu Árnadóttur sem bjó í Finnlandi á krepputímunum þar og var það mjög áhugavert að hlusta á.  Hér er tengill á þáttinn:

 http://dagskra.ruv.is/streaming/ras1/?file=4416184

[Erna Bjarnadóttir, 4.11.2008 kl. 21:55]

Ómar það var viðtal í dag á rás 1 rétt fyrir hádegið við konu sem bjó í Finnlandi þegar kreppan brast á þar. Hlustaðu endilega á það. kveðja

[Benedikt Halldórsson, 4.11.2008 kl. 23:04]

Ég held að eigin gjaldmiðill sé lykillinn að atvinnu fyrir alla. Kaupmáttur verður "réttari" ef svo má segja þegar hægt er að auka eða draga úr verðmæti vinnunar eftir aðstæðum heimafyrir. 

Langvarandi atvinnuleysi skapar örbyrgð, veikindi og örorku, það tortímir fjölskyldum, sjálfsviðringu og byggðarlögum, það mismunar þegnunum á ljótan og grimmilegan hátt sem er verra en allt sem er vont.

Í uppgjöf fyrir viðvarandi atvinnuleysi kemur söngurinn um að fyrirtæki verði að selja sig dýrar til skapa meiri verðmæti til að geta borgað há laun en því miður syngur veruleikinn ekki alltaf í takt við óskhyggjuna.

Ef evra er tekinn upp á meðan atvinnuleysi er nokkuð mun það ekki ganga til baka, ekki frekar en í Finnlandi vegna þess að við værum búin að varpa eina tækinu sem við hefðum til að uppræta atvinnuleysið.

Að sjálfsögðu eigum við að fara okkar eigin leið: Eina færan leiðin er að sjá til þess að mikið atvinnuleysi setjist ekki að.

Þegar skipt er um gjaldmiðil munu hálaunastéttirnar halda sínum kaupmætti og skora á hina atvinnulausu að sækja bara fleiri námskeið!

[Árni Gunnarsson, 4.11.2008 kl. 23:05]

Fyrsta aðgerð í anda finnsku leiðarinnar gæti verið að láta fólkið í friði í stað þess að mata það með úreltum lausnum stjórnvalda í anda gömlu Sovétríkjanna. Ef þjóðin er jafn vel menntuð og af er látið í 17. júni ræðum yrði okkur engin skotaskuld að verða sjálfbjarga á fáum árum. Færum fólkinu í sjávarplássunum aftur frelsið til að bjarga sér á eigin forsendum í stað sértækra aðgerða. 

Og gefum bændum frelsi til að versla beint við neytendur í stað þess að semja endalaust við þá um aukna ríkisaðstoð.

[Óskar Þorkelsson, 4.11.2008 kl. 23:20]

Árni hefur lög að mæla :)  frjálst krókaleyfi og bændur úr ánauð

[Gunnar Th. Gunnarsson, 5.11.2008 kl. 01:09]

Ég hef ekki keypt lambakjöt svo heitið getur í verslunum í nokkur ár. Kaupi beint af bónda sem slátrar heima. Miklu betra kjöt vegna þess að féð er sallarólegt þegar því er slátrað, en ekki felmtri slegið í jarmandi hávaðanum í sláturhúsi.