Bjarga karlarnir ?

Er hægt að leita skýringa á því að það eru ungir karlar sem ætla að bjarga Framsóknarflokknum ? Hvers vegna rýrnar hlutur kvenna í forystu flokksins þegar viðleitni er til að hressa hann upp ?

Gæti skýringin verið sú að þær tvær konur, sem hafa verið í forystunni og ráðherraliðinu hafa verið "þægar" ?

Siv Friðleifsdóttir var "þæg" þegar hún úrskurðaði um Kárahnjúkavirkjun til að vera í náðinni.

Valgerður Sverrisdóttir var stórkarlalegri í stóriðjuæðinu en nokkur karl hefði getað orðið.

Engar konur virðast í sjónmáli í flokknum sem geta komið í staðinn fyrir Siv og Valgerði hvað völd snertir en gætu jafnframt haft meiri áhrif til breytingar á stefnunni en þær stöllur.

Þetta verður vandi flokksins. Nú rís upp fjöldi kvenna sem lætur að sér kveða vegna nauðsynjar á endurreisn og umbyltingunni sem hið nýja Ísland krefst. Þær konur eru ekki við stjórnvölinn í Framsókn og það eitt dregur úr aðdráttarafli flokksins, hvernig sem stefnan verður.

Birkir Jón Jónsson nýr varaformaður

Athugasemdir

[Gunnar Th. Gunnarsson, 19.1.2009 kl. 01:16]

Ef engar konur skáka þeim körlum sem vilja vera í forystu í flokknum, þá er það bara þannig. Það er eflaust slæmt í augum þeirra sem meta flokka og hugmyndafræði þeirra út frá kynjaskiptingu.

[Gunnar Th. Gunnarsson, 19.1.2009 kl. 01:16]

Ég hefði kosið Siv

[Þorsteinn Briem, 19.1.2009 kl. 01:39]

Aldrei ég faglega yrki,
um hinn laglega Birki,
karlinn haglega kyrki,
konur ég maglega virki.

[Eiður Ragnarsson, 19.1.2009 kl. 06:59]

Ég held að kynjakvóti sé ekki það sem við þurfum að vera að þrasa um hér, aðalatriðið er að það var kosin ný forusta, og það markar í raun tímamót hvernig að því var staðið.

Þegar kemur að því að stilla upp fyrir næstu kosningar þá spretta eflaust konur fram til framboðs, jafnt sem karlar...

Og við skulum ekki gleyma því að ein af þremur er jú kona, hversu jafnara getur það orðið????

[Hörður Björgvinsson (IP-tala skráð) 19.1.2009 kl. 09:15]

Vissulega hafa konur aðdráttarafl, en ekki af því taginu sem Framsóknarflokkurinn þarf á að halda. Þessi árátta „jafnréttissinna" og „feminista" að velja í störf eftir kyni er fáránleg. Að velja konu af því að hún er kona er ein mesta vanvirðing við kvenfólk sem hugsast getur.

Hörður

[Þuríður Björg Þorgrímsdóttir, 19.1.2009 kl. 09:56]

Flestir virðast misskilja kynjakvóta, fyrst þetta er komið út í þá umræðu. Kynjakvóti merkir EKKI að það eigi að ráða konu af því að hún er kona. Kynjakvóti merkir að ef jafnhæfir einstaklingar af báðum kynjum sækja um stöðu skuli ráða einstakling af því kyni sem á hallar á vinnustaðnum. Þetta á LÍKA við um karlmenn.

Þetta er ekki svo flókið!

[DoctorE (IP-tala skráð) 19.1.2009 kl. 10:13]

Þetta er rosalegt uppgjör... Birkir gaurinn sem sóaði milljónum á milljónir ofan í Gumma í Byrginu, kostaði ótal manneskjur lífið ef mig minnir rétt... hefur nú tekið íslenska ábyrgð, hann fékk stöðuhækkun.

Úgga búgga... er nema furða að Jónína Ben þarmasuga laðist að framsókn

[Gunnar Th. Gunnarsson, 19.1.2009 kl. 10:44]

Þuríður, fléttulistasystem VG þverbrýtur hæfisregluna.

[Eygló Þóra Harðardóttir, 19.1.2009 kl. 12:36]

Sæll Ómar,

Hafðu ekki alltof miklar áhyggjur af okkur konunum í Framsókn. Ég lofa þér að ég mun gera mitt besta ásamt stallsystrum mínum í þingflokkinum og flokknum öllum við að halda málefnum kvenna og hugsjónum okkar um jafnrétti á lofti.

Með góðum stuðningi frá okkar frábæru körlum.

Einnig má minna á að í framkvæmdastjórn flokksins eru konur í meirihluta sem og í þingflokknum.

Geri aðrir betur :)

[DoctorE (IP-tala skráð) 19.1.2009 kl. 12:42]

Þú skammast þín ekkert Eygló fyrir að tengja þig við þennan flokk spillingar og rugls... vá

[Benedikt V. Warén, 19.1.2009 kl. 13:00]

DoktorE.

Þeir einu sem þurfa að skammast sín, eru þeir sem vega úr lausátri. 

Það eru hugleysingjar. 

[DoctorE (IP-tala skráð) 19.1.2009 kl. 13:22]

Ég var ekki að vega, ég var að segja sannleikann... sá sem neitar því er huglaus og heimskur að auki.... og með sveitasímaáráttu