Hvað mun vanta í stjórnarsáttmálann ?

Löngum hefur verið sagt að það það hafi sagt mest um gildi mála hvort Mogginn hafi þagað yfir þeim. Aðferð strútsins.

Það verður ekki síður fróðlegt að sjá hvað muni vanta í stjórnarsáttmálann heldur en það hvað verður í honum.

1. Verður sett inn ein setning í 82. grein kosningalaganna sem gerir leyfilegt fyrir framboð að hafa óraðaðan lista, afsala sér valdinu tl að raða á hann og láta kjósendur framboðsins eina um það ?

2. Verður hinn ósanngjarni 5% þröskuldur afnuminn eða lækkaður ?

3. Verður eitthvað í sáttmálanum um stóriðjustefnuna, fyrirhugaða eyðileggingu stórkostlegra náttúruverðmæta nyrða og syðra. 360 þúsund tonna álver á Bakka þýðir það. Varla mun Norsk Hydro þurfa minna.

Ef hvorki 1 né 2 verður í stjórnarsáttmálanum þýðir það algjört viljaleysi til að gera auðveldar breytingar í lýðræðisátt sem geti tekið gildi strax í næstu kosningum.

Ef ekkert verður um númer 3 vitum við að VG hefur selt þau mál fyrir það að komast í stjórn í 83 daga og viðbúið að stefnan verði seld áfram ef flokkurinn verður í stjórn eftir kosningar.

Ný stjórn hefur 83 daga til stefnu

Athugasemdir

[55mm (IP-tala skráð) 31.1.2009 kl. 23:33]

Það Hefði átt að velja aðra flokka enn þessa

Sjálfstæðisflokkurinn

Samfylking

Framsókn

þessir flokkar hafa sýnt okkar að þeir geta ekki

stjórnað neinu nema launagreiðslum til sín og sinna.

Það verður að setja reglur um eignahluti Ráðherra,Þingmanna og maka

í Fyrirtækjum , annars eru þessir aðilir bara leiksoppar sömu fyrirtækja.

Þessir aðilar eiga að selja allt sitt ef þeir vilja komast í þessar stöður.

auk þess ættu fyrstu 12 mánuðir að vera á sömu launum og þeir sem eru 

á örorku eða ellilífeyri til að kenna þessu fólki að þetta er asnalega lágar greiðslur.

það hefði átt að velja hina flokkana og hafa

minnihlutastjórn með meirihlutavald tímabundið

Annars er þetta þekkt að setja aðra við stýrið svo koma kosningar þá kenna allir 

þeim um ruglið ,

það næst ekki að laga neitt þegar 80 dagar eru eftir.

Ómar það er mjög slæmt þegar allir sem maður talar við erlendis eru hræddir við

að koma til íslands vegna mótmæla sem voru við alþingishúsið 

það mun kosta íslendinga miklu meira að laga þau mistök ,, 

_______ ÍMYND ÍSLANDS ER MIKIÐ SKEMMD ERLENDIS  _________________

[Rauða Ljónið, 31.1.2009 kl. 23:41]

Sæll. Ómar það sem vantar í stjórnarsáttmálann er ást og kjaraeikur til náungans.              Vg er á móti verkafólki og  er illa við það.

Flokkurinn sem svipti Hafnfirðinga 2500 til 3000 störf þegar þeir börðust á móti stækkun ISALs er tekinn til starfa ,en samt lofuðu þeir störfum á móti þeim sem töpuðust þegar deiluskipulagið var fellt var á sínum tíma hvar eru þau störf?.

Á meðan blæðir Hafnarfjörður og hafnfirskt verkafólk, fjölskyldur missa heimili sín og VG gleðjist er það sjúkt hugsið og svarið.

Kv. Sigurjón Vigfússon

[Þorsteinn Briem, 1.2.2009 kl. 00:49]

Sigurjón Vigfússon.

28.01.2009: "Rio Tinto, eitt stærsta námu- og málmbræðslufyrirtæki heims, er í kröggum og leitar nú leiða til að borga milljarða dollara skuldir.

Blaðið Financial Times segir að Rio Tinto hyggist auka hlutafé til að hafa upp í 37 milljarða dollara [4.220 milljarða króna] skuld félagsins. Lækkað heimsmarkaðsverð á málmum eins og áli hefur aukið vanda námu- og málmbræðslufyrirtækja.

Rio Tinto, sem rekur m.a. álverið í Straumsvík, er skuldum vafið eftir yfirtöku á kanadíska álrisanum Alcan, hefur þurft að selja eignir og sagði upp 14 þúsund starfsmönnum í fyrra mánuði."

[Rauða Ljónið, 1.2.2009 kl. 01:07]

Sæll. Steini flest fyrirtæki eiga í erfileikum í heiminum, það er rétt hinsvegar er áldeildin hjá RIT en í góðum málum ein og þú veist þú veist líka að RIT var kosið eitt af bestum fyrirtækjum í heiminum sem snýr að atvinnugeirum  ,, Best Ethical Quote Scoer" frá Sviss könnun 2008.

Þú veist líka að álgeirinn innan R.T.O. er sér eining og hefur fjármagn til að fara í stækkun hér og líka að þeir hæfustu sigra.

Farðu inn á greiningar á þessum iðnaði 2 ár aftur í tíma og greindu svo .

Kv. Sigurjón Vigfússon

[Þorsteinn Briem, 1.2.2009 kl. 02:56]

Sigurjón Vigfússon.

Aðalástæðan fyrir því að ekki er búið að loka álverum hérlendis er að álfyrirtækin hér greiða um SEX SINNUM LÆGRA VERÐ FYRIR RAFORKU en þau þurfa að greiða á meginlandi Evrópu OG ÞRISVAR SINNUM LÆGRA en í Bandaríkjunum.

Samkvæmt viljayfirlýsingu Orkuveitu Reykjavíkur og Norðuráls vegna fyrirhugaðs álvers í Helguvík, og áætlunum sem liggja að baki henni, er gert ráð fyrir að Norðurál greiði um 2,1 krónu (um 1,5 evrusent) á kílóvattstund í 25 ár.

Kílóvattstundin af rafmagni sem framleitt er með jarðhita- eða vatnsaflsvirkjunum kostar á Evrópumarkaðnum 9 til 10 evrusent, eða 13 til 15 krónur á núvirði.

En í Bandaríkjunum er meðalverðið á kílóvattstund af rafmagni, sem framleitt er með sama hætti, hins vegar 4 til 5 evrusent, eða 6 til 7 krónur á núvirði.

Þar að auki eru launagreiðslur til starfsmanna álveranna hér nú mun lægri en fyrir ári í dollurum talið, þar sem Bandaríkjadalur kostar nú um 114 krónur en hann kostaði um 65 krónur 1. febrúar í fyrra, sem er 76% lækkun.

Álverin hér framleiða einungis um 3% af öllu áli í heiminum og breyta því sáralitlu fyrir heildarframleiðsluna. Raforkuverðið hér er ALLTOF LÁGT og fjarlægð frá mörkuðum skýrir engan veginn þennan gríðarlega verðmun.

Í Evrópu voru árið 2005 framleidd 37% af öllu áli í heiminum, í Norður-Ameríku 23%, Asíu 12%, Suður-Ameríku 10%, Eyjaálfu einnig 10% og Afríku 8%. Í Evrópu og Norður-Ameríku voru því framleidd 60% af öllu áli í heiminum árið 2005.

Það ár var heimsframleiðslan á áli  um 22,6 milljónir tonna og í ár verða væntanlega framleidd hér samtals um 786 þúsund tonn af áli, einungis um 3% af heimsframleiðslunni árið 2005. Þar af 346 þúsund tonn í Reyðarfirði (Alcoa), um 180 þúsund tonn í Straumsvík (Rio Tinto Alcan) og um 260 þúsund tonn á Grundartanga (Century Aluminum).

Í Helguvík (einnig Century Aluminum) er áætlað að framleiða um 250 þúsund tonn á ári þegar það álver yrði komið í fulla notkun í fyrsta lagi árið 2015, EFTIR SEX TIL SJÖ ÁR.

Vegna samdráttar í eftirspurn dró Alcoa úr framleiðslu sinni um 15% seinni hluta síðastliðins árs, eða um 615 þúsund tonn, sem er svipað og 80% af allri álframleiðslunni hér í ár.

Því er ljóst að álfyrirtæki vilja fjárfesta hér fyrst og fremst vegna gríðarlega lágs verðs á raforku til álvera hérlendis, sem lækkaði þar að auki síðastliðið misseri í samræmi við hrun á heimsmarkaðsverði áls, þar sem raforkuverðið er tengt álverðinu.

Hæst fór staðgreiðsluverð á áli á heimsmarkaði í 3.400 Bandaríkjadali í júlí síðastliðnum en 12. desember síðastliðinn hafði það hrapað niður í 1.550 dollara, um 54%.

Erlent lánshæfismat íslenskra orkufyrirtækja lækkaði einnig síðastliðið haust, sem þýðir hærri vexti af erlendum lánum þessara fyrirtækja, en að meðaltali eru um þrír fjórðu af lánum íslenskra fyrirtækja í erlendri mynt.

Og skuldir Landsvirkjunar, sem er í eigu ríkisins, voru um mitt síðastliðið ár um 3,14 milljarðar í Bandaríkjadölum talið, um 360 milljarðar króna á núvirði.

Ál er þriðja algengasta frumefni jarðskorpunnar, næst á eftir súrefni og kísli, og ál er algengasti málmurinn á jörðinni, en hvergi finnst hreint ál í náttúrunni. Og einungis er hægt að vinna ál á hagkvæman hátt úr einni bergtegund, báxíti, sem finnst aðallega á breiðu belti við miðbaug jarðar.

Úr báxíti er unnið súrál, sem er efnasamband súrefnis og áls, en súrál er meginhráefnið í álframleiðslu og með rafstraumi er hægt að kljúfa það í frumefni sín.

Súrálið, sem álverið í Straumsvík notar, er ýmist unnið í Bandaríkjunum eða Írlandi og flutt sjóleiðis til Íslands. Um 97% af álinu er flutt með Nesskipum og Wilson Euro Carriers til Rotterdam en þaðan er það flutt til viðskiptavina Alcan í Þýskalandi (88%) og Sviss (9%).

Nesskip er að stærstum hluta í eigu Wilson Euro Carriers í Noregi, sem rekur 117 skip, en  Nesskip hefur meðal annars annast flutninga fyrir Járnblendifélagið á Grundartanga frá stofnun þess.

Ál er næstmest notaða efnið í bíla og framleiðsla á bílum hefur dregist gríðarlega mikið saman undanfarið vegna heimskreppunnar. Um 26% af álinu er notað í flutningum, 20% í byggingariðnaði, önnur 20% í umbúðir og 9% í raforkuiðnaði.

Alcan á Íslandi hf., sem rekur álverið í Straumsvík, starfar nú undir merkjum Rio Tinto Alcan en Rio Tinto er alþjóðlegt námafélag sem keypti Alcan Inc. fyrir rúmu ári. Rio Tinto Alcan er leiðandi og stærst í álframleiðslu í heiminum með 73 þúsund starfsmenn og starfar í 61 landi víða um heiminn.

Framleiðsla álversins í Straumsvík mun hugsanlega aukast um 40 þúsund tonn á ári vegna fyrirhugaðrar stækkunar álversins en gert var ráð fyrir að framkvæmdirnar myndu hefjast í ár.

Brúttóársvelta álversins á Grundartanga er um 500 milljónir Bandaríkjadala, um 60 milljarðar króna á núvirði, en velta álversins í Straumsvík var 26,6 milljarðar króna árið 2001 og skattgreiðslur fyrirtækisins vegna þess árs voru um 900 milljónir króna.

Skattgreiðslur álversins voru því um 3% af veltunni en það getur nú varla talist mikið fé miðað við hrikalega lágt orkuverð hér til álvera, landsspjöll vegna virkjanaframkvæmda og sjónmengunar af tröllauknum raflínustaurum úti um allar koppagrundir.

Fyrst hægt er að meta fegurð kvenna til fjár í fegurðarsamkeppnum hlýtur einnig að vera hægt að meta fegurð sjálfrar náttúrunnar til fjár, þar sem hún endist mun lengur en sú fyrrnefnda ef vel er með farið.

Og nú er mengun metin til fjár í loftmengunarkvótum en áliðnaður og járnblendi munu falla undir útstreymistilskipun Evrópusambandsins árið 2013.

[Gunnar Th. Gunnarsson, 1.2.2009 kl. 05:29]

Það er merkilegt að á meðan andstæðingar stóriðju á Íslandi kvarta sáran yfir leyndinni sem hvílir yfir raforkuverðinu (en halda því samt fram að tap sé á raforkusölunni), þá hefur Steini Briem allar tölur á hreinu hér og allsstaðar í heiminum.

Einhversstaðar sá ég að kw-stundin til Helguvíkur yrði um 35 mills, en það er um 4 kr. á núverandi gengi, en ekki 2,1 kr. Það munar ekki nema helming hjá Steina.

Ekki sé ég hvað lækkandi launakostnaður álfyrirtækja vegna gengisþróunar, kemur umræðunni við. Hins vegar gerir gengisþróunin það að verkum að VIÐ fáum fleiri krónur fyrir kw.stundina, en á móti kemur þá verða erlendar lántökur óhagstæðari. Þau atriði koma okkur við.

En Steini, þegar þú talar um að raforkan í Evrópu kosti 13-15 kr. Kw.st., þá ertu væntanlega að tala um smásöluverð, er það ekki? Er ekki smásöluverðið hér um 10 kr.? Þú nefnir ekki löndin sem selja raforku til stóriðju, ódýrar en Íslendingar. Þau eru m.a. Kanada, Rússland og Kína, en þetta eru allt stórframleiðendur á áli og gerir það að verkum að orkuverð er hér í meðallagi OECD-ríkja.

Að sjálfsögðu líta álframleiðendur til Íslands vegna þess að það er hagkvæmur kostur. Býst einhver við að þeir geri það vegna þess að það er óhagkvæmt? En auk þess er annar mjög veigamikill þáttur sem skiptir máli, en hann er sá að flest iðnríki heims eru einfaldlega ekki aflögufær í raforku til stóriðju. Einnig spilar inn í, fullnýttir mengunarkvótar. Íslendingar myndu ekki selja raforku á heildsöluverði ef markaður væri fyrir hana í smásölu og Íslendingar myndu heldur ekki líta til stóriðju ef við hefðum ekki svigrúm til að losa mengandi efni út í andrúmsloftið.

Ástæðan fyrir margfalt lægra orkuverði til stóriðju, miðað við til heimila, er í rauninni mjög einföld:

• Kostnaður við afhendingu orkunnar er margfalt ódýrari til stóriðjunnar
• Magnsölusamningar
• Langtímasamningar
• jöfn orkusala
• Öruggir kaupendur

[Þorsteinn Briem, 1.2.2009 kl. 12:10]

01.02.2009 (í dag): "Forráðamenn málmvinnslufyrirtækisins Rio Tinto eru í Peking þar sem þeir freista þess að fá yfirmenn kínverska álrisans Chinalco, sem er ríkisfyrirtæki, til að leggja níu milljarða dollara, jafnvirði um 1.035 milljarða króna, í Rio Tinto. Lundúnablaðið Sunday Times segir frá þessu í dag."

Gunnar Th. Gunnarsson er hættur að drekka Sinalco.

En hann var öruggur kaupandi.

[Vilborg Traustadóttir, 1.2.2009 kl. 15:34]

Það verður fróðlegt að sjá hvort þú hittir ekki naglann á höfuðið í þessum efnum.

Ég sá Silfrið áðan og ég er ekki sammála þér að það hafi ekki verið hlustað á Íslandshreyfinguna hvað varðar breytingar t.d. eins og við sjáum Nýtt lýðveldi o.fl. grasrótarsamtök boða nú. Það tók okkur bara tvö ár að melta þetta og nú vilja allir Eddu kveðið hafa.

Mín skoðun er sú að það eigi öll "litlu" framboðin að sameinast í sterka grasrótarhreyfingu með öll þessi nýju gildi að leiðarljósi.

Það þýddi sennilega ekkert á góðæristímum græðgisvæðingar að segja þessa hluti en nú er jarðvegurinn fyrir hendi.

Væri ekki gott ráð að ræða við Njörð P. o.fl. og athugaðu hvað fólk segir.

Ég vil sjá árangur af því sem ég fer út í og því sem ég styð. Þeim mun fleiri sem sameinast í sterkri hreyfingu þeim mun meiri von um að fá fram lífnauðsynlegar breytingar fyrir land og þjóð.

[Vilborg Traustadóttir, 1.2.2009 kl. 15:36]

Lilju kveðið hafa.....átti þetta nú að vera....Edda er ágæt en Lilja var það....