Íslands þúsund ár

15.3.2009 | 17:34

Margt að varast.

Íslensk fjölmiðlun á mikið undir því að virk samkeppni sé við líði. Algert frelsi í þeim efnum gæti hins vegar leitt til slæms ástands ef fjölmiðlunin færðist að mestu á eina hendi.

Í jafn litlu þjóðfélagi og okkar er tilvist RUV því brýn nauðsyn og að sjálfsögðu einnig brýn nauðsyn að þar ráði engir aðrir hagsmunir en þeir að tryggja traust og óhlutdrægni eftir því sem kostur er og forðast hagsmunaárekstra.

Gott dæmi um nauðsyn RUV í þjóðlífinu er frábær frammistaða Egils Helgasonar hvað eftir annað í því umróti sem verið hefur og náði nýjum hæðum þegar hann gekkst fyrir komu Evu Jolin til landsins. Sjálfstæði og óhæði manns eins og Egils Helgasonar er mikils virði.

Sömuleiðis það að RUV sé veitt heilbrigð samkeppni metnaðarfulls fjölmiðils eða fjölmiðla sem njóta trausts.

Enginn íslenskur fréttamaður eða blaðamaður er algerlega óháður. Vensl og tengsl eru mikil í litlu samfélagi. Þá er brýnt fyrir traust á stéttinni að hver um sig forðist hagsmunaárekstra.

Ég sé ekkert á móti því að ÍNN selji útsendingartíma á gagnsæjan og opinskáan hátt. Sama er að segja um aðrar stöðvar svo framarlega sem að hlustendum eða áhorfendum geti verið það ljóst hvers eðlis útsendingin er.

Á það ætti helst ekki að skorta eins og nú virðist vera raunin í sumum tilfellum.

	ÍNN selur útsendingartíma
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Slíkt er kallað auglýsingatími.

Þorsteinn Briem, 15.3.2009 kl. 18:41

Auðvitað á að sýna það á skjánum, þegar um er að ræða seldan sýningartíma. Þó það nú væri.Það á ekki að fela slíkt.

Eiður Svanberg Guðnason, 15.3.2009 kl. 22:12

Egils Silfrið hefur verið notalegt undanfarið með lærðu fólki sem hlustar og ræðir eðlilega um hluti. Þangað til í dag þegar pólitíkusarnir komu. Maður var orðinn ruglaður og þreyttur af að hlusta á 2 og 3 talandi í einu endalaust, oh. Hvað veldur þessu?

EE elle (IP-tala skráð) 15.3.2009 kl. 23:10