Sömu hugsun á hafi og landi.

Ég vil vekja athygli á stórgóðum bloggpistli Stefáns Helga Valssonar um að stofna friðlönd hvala hér við land á svipaðan hátt og friðlönd hafa verið sett á fót á landi, svo sem í Suður-Afríku. Kruger-þjóðgarðurinn er nú frægasta friðland villtra dýra í heimi og er til mótvægis við það að veiðar séu heimilar á öðrum svæðum.

Ég man þá tíð þegar fyrstu hvalaskoðunarbátarnir voru gerðir út og menn töluðu með lítilsvirðingu um "geimóra" þeirra sem dytti í hug að nokkurn pening væri hægt að fá með slíkri útgerð.

Í dag fara 60 þúsund manns í hvalaskoðunarferðir hér við land en hvalveiðarnar gætu dregið úr aðsókn að ekki sé talað um þá áhættu sem tekin er að stórar verslanakeðjur erlendis hætti að selja íslenskar vörur.

Friðlönd hvalanna þyrftu að vera helstu hvalaskoðunarslóðirnar, Faxaflói, Breiðafjörður og Skjálfandaflói. Sama hugsun þarf að ríkja um friðun verðmætra svæða á landi og á sjó á sama hátt að meta þarf auðlndir lands og sjávar á sama hátt.

Hóta Íslendingum vegna hvalveiða

Athugasemdir

[zaxi (IP-tala skráð) 31.3.2009 kl. 20:11]

Ég vissi ekki betur en að veiðar séu leyfðar í Kruger þjóðgarðinum í suður Afríku. 

Dæmi: http://www.youtube.com/watch?v=XMeWYR05QXs

Það eru seld veiðileyfi á ákv. tegundir dýra í þessum þjóðgarði og peningarnir nýttir í kostnað á gæslu og viðhald.

Eigum við þá að vera með þjóðgarð hvala hér við land, veita veiðileyfi á nokkra úr stofninum á hverju ári og...... ó það er akkúrat það sem gert er í dag. Veiði úr hvalastofnum hér við land er örlítið prósent af stofnum hverrar tegundar.

Við höfum veitt hvali í marga tugi ára og það að hætta því er bara bull. Við eigum ekki að setja eina dýrategund ofar öðrum nema viðkomandi dýrategund sé í útrýmingarhættu. Þær hvalategundir sem við veiðum hér við land eru ekki í útrýmingarhættu og því engin ástæða að veiða þá ekki. 

Ég treysti frekar vísindamönnum sem hafa rannsakað stofna hvala hér við land en þeim "gjallarhornum" erlendra öfgahópa sem hafa ekkert skoðað eða rannsakað stofna hér við land. 

Samtök erlendis sem vilja vernda hvali gera ekki greinarmun á þeim sem eru í útrýmingarhættu og ekki, það hefur oft sýnt sig í aðgerðum og fréttatilkynningum frá þessum hópum.

Myndum við taka það í mál að hætta að drepa lömbin af því að hópar í útlöndum finnst þau vera svo sæt? Hvar endar þessi vitleysa, ég bara spyr.

Við eigum að nýta þær auðlindir sem við höfum skynsamlega. Vona að við séum sammála þar.  

[Aðalsteinn Bjarnason, 31.3.2009 kl. 21:01]

Það er alveg sjálfsagt að friða hvali á ákveðnum svæðum en að öðru leiti er ég sammála  Zaxa. Ef við látum undan þessum þrýstihópum og hættum hvalveiðum vegna þeirra þá munu þeir ekki láta þar við sitja. Næsta mál á dagskrá hjá þeim er nefnilega að banna allar fiskveiðar. Slík barátta er þegar hafin af miklum þunga. Þeir vilja meina (sem er alveg rétt) að fiskveiðarnar taki nauðsynlega fæðu frá hvölum og selum. Við megum alls ekki láta undan þessum þrýstingi. Þess í stað verðum við að upplýsa fólk um raunverulega stöðu hvalastofnanna við landið og nauðsyn þessara veiða. Við þurfum að byggja upp aftur markaði fyrir hvalaafurðir og nýta svo þessa auðlind á skynsamlegan hátt til þess að viðhalda jafnvægi í lífríki hafsins.

[Brattur, 31.3.2009 kl. 22:40]

Hvalveiðar eru tímaskekkja. Við munum aldrei "byggja upp markaði" fyrir hvalaafurðir...

... nútíminn hafnar hvalkjöti eins og hrákadöllum... af hverju að vera að veiða þessar skepnur ef ekkert er hægt að gera við afurðirnar?

[Haraldur Bjarnason, 1.4.2009 kl. 00:00]

Hafró var að senda frá sér tillögur um hvalfriðunarsvæði í dag. Þau eru stærst á innanverðum Faxaflóa og Skjálfanda.

[Sjóveikur, 1.4.2009 kl. 00:35]

Ómar er sauður og eiginlega dauður, illa lesinn að auki, hvar ætla þessir stórverslanavíkingar sem eru að hóta okkur að fá fisk ? það tæmist fljótlega í markaðshyggju kofum þeirra ef ekki er til fiskur, og nóg er af öðrum þjóðum sem vilja kaupa fisk, það er ef landsmenn verða ekki slíkir hálfvitar að loka landið inni í búri "Efjét" eða EU eins og það kallast, haltu þig við sandkornalygina þína Ómar, þú ert meðhlaupari þeirra sem borga þér og hefur alltaf gefið fullkomin skít í hvaðan peningar koma eða hverjir borga þá og hverjir verða fyrir barðinu á þínum skilum og vanskilum, þín tunga hefur alltaf verið iðin við rassinn

Æl á þig og þína fylgifiska

[Ómar Ragnarsson, 1.4.2009 kl. 00:54]

"...þú ert meðhlaupari þeirra sem borga þér..." Fróðlegt væri að heyra hvað "Sjóveikur" á við með þessum dylgjum.

[Sjóveikur, 1.4.2009 kl. 01:13]

hafðu augun á bloggi mínu á visir.is eða á moggabloggi, ég skal fara í saumana á þessu svo smátt og þú mátt gjarnan svara fyrir þig, einnig getur verið klókast að fylgjast með á www.icelandicfury.com www.icelandicfury.se þar verður sannleikurinn ekki loðinn og skrældur, það er full kanna hér Ómar, en þú ert ekki aðal atriði hjá okkur, en ef þú vilt fá sannleika rifjaðan upp fyrir þig frá Stockholms partýinu þá kemur hann fljótlega á þessa heimasíðu

sjóveikur maður ælir, hann getur ekki annað

[Ómar Ragnarsson, 1.4.2009 kl. 10:22]

Ég kannast ekki við neitt "Stockholms partý", þaðan af síður "icelandic fury". Líklegast hefur enginn íslenskur tónlistarmaður verið skeytingarlausari um tónlist sína og texta en ég og sjóveikur getur því ekki ælt út af mér.

[Zombie (IP-tala skráð) 1.4.2009 kl. 11:27]

Fyrir mér eru hvalveiðar spurning um meiri hagsmuni og minni. Nú þegar eru miklir erfiðleikar að selja íslenskan fisk, hvað sem einhverjum karlrembum finnst um það. Það er alls ekki "nóg af öðrum þjóðum sem vilja kaupa fisk", því miður, og þaðan af síður við því verði, sem við þurfum að fá fyrir hann. Norðmenn eru þegar farnir að finna fyrir því að ræktaður fiskur frá Viet Nam er farinn að vera þeim óþægur ljár í þúfu á fiskmörkuðum þeim, sem skipta þá mestu - og þar af leiðandi hefur það sömu áhrif á okkur íslendinga líka. - Mér finnst þessi þjóðremba sem hvalveiðisinnar eru haldnir minna óþægilega mikið á þá umræðu, sem fáir vilja kannast við að hafa tekið þátt í núna, þegar danskir fjölmiðlar fóru að ræða um íslensku útrásarvíkingana og umsvif þeirra bæði í Danmörku og annarsstaðar. Þessir menn nota byssur á sannleikann og halda að það dugi.

[Aðalsteinn Bjarnason, 1.4.2009 kl. 21:31]

Zombie, þó við myndum hætta hvalveiðum þá hefði það engin áhrif á fiskverð. Lágt fiskverð nú er vegna markaðsaðstæðna á heimsvísu og koma hvalveiðum ekkert við.

Hvað fyndist þér um að banna rottuveiðar? Eða minkaveiðar? Refaveiðar? Eru það ekki bara "karlrembur" sem vilja veiða svona saklaus dýr?

Selir eru rottur hafsins. Þeir hafa engan jákvæðan tilgang í vistkerfi hafsins. Ég er samt ekki að mælast til þess að þeim verði útrýmt eins og reynt er varðandi rotturnar og minkinn, en það þarf að halda þeim í skefjum, þ.e.a.s. ef við viljum halda áfram að veiða fisk. 

Það sama á við um hvalina, þetta snýst ekkert um tilfinningar eða karlrembu. Við verðum að reyna að halda fjölda hvala í skefjum ef við ætlum að nýta fiskinn í framtíðinni. Svona einfalt er þetta.

Það er satt sem þú segir: þetta er spurning um meiri hagsmuni eða minni. Okkar hagsmunir byggjast svo sannanlega á að geta nýtt sjávarafurðir. Ekki lifum við á fjármálastarfsemi í það minnsta.