Spurt að leikslokum.

Gaman að geta bloggað með tveggja daga millibili með sömu fyrirsögninni hvað snertir Barcelona. Tvö töp í röð í spænsku deildinni gufuðu upp með frábæru sigri liðsins og þrennu á leiktíðinni.

Það var skrýtið að sjá eins frábært lið og Manchester United skorta það sem maður getur séð lið uppi á Íslandi hafa: Karakter. Lið var með skrautsýningu fyrstu mínúturnar en skorti karakter til að taka á atburðarás sem var því í óhag.

Hvað kalla menn svona sigur Barcelona? Meistaraheppni. Hún fylgdi þeim allan leikinn. Til hamingju, Eiður Smári, að hafa verið skráður í þetta lið, þótt þú sætir á bekknum allan tímann. Hvort er það sætara eða að vera besti maðurinn í liði sem er einhvers staðar í miðri deild?

Barcelona Evrópumeistari

Athugasemdir

[Ragna Birgisdóttir (IP-tala skráð) 27.5.2009 kl. 21:00]

Sanngjarn sigur Barcelona. Voru United fremri á öllum sviðum í þessum leik. Þeir eiga besta knattspyrnumann í heimi Barcelonamenn.Lionel Messi.Það er staðreynd.Eiður Smári okkar má vera stoltur þótt hann hafi ekki komið við sögu. Bara að fá að sitja á tréverkinu í svona leik sýnir hversu góður knattspyrnumaður hann er.

[Óskar Þorkelsson, 27.5.2009 kl. 21:03]

betra liðið vann klárlega ;)

[Tobbi (IP-tala skráð) 27.5.2009 kl. 22:27]

Er ekki alltaf betra að vera laukur í lítilli ætt en strákur í stórri?  Eða stór fiskur í lítilli tjörn en smár í stórri.

Það held ég!

[Haukur Ragnarsson (IP-tala skráð) 27.5.2009 kl. 23:33]

Ég er Man.Utd. stuðningsmaður en betra liðið vann í kvöld og Eiður Smári á að sjálfsögðu þátt í þessu, og er þar með fyrsti Íslendingurinn til að vinna þennan titil, Þó að hann hafi ekki leikið í kvöld þá hefur hann leikið með liðinu í öllum þeim þrem keppnum sem liðið hefur unnið. Geri aðrir betur.  

[Þorfinnur (IP-tala skráð) 27.5.2009 kl. 23:38]

Bara snilld. Besta lið í heimi, hef sagt það í mörg ár... og ekki var það meistaraheppni, svo mikið er víst. Einfaldlega betra liðið í kvöld, 4-0 hefðu verið eðlileg úrslit miðað við gang leiksins.

Messi er auðvitað langbesti leikmaður heims í dag. Hefur reyndar verið það síðustu 2-3 ár. Nettur skandall að hann skuli aldrei hafa verið besti leikmaður ársins í heiminum. Hrokagikkurinn Ronaldo kemst ekki nálægt honum, þó hann hafi reyndar verið skársti leikmaður Man U í kvöld (fyrir utan fólskulegt brot og spjald).

Svo er Barca ekki bara með besta leikmann heims, heldur líka þann næstbesta - Xavi. Og Iniesta var frábær í kvöld, einsog alltaf, þetta er besta miðja heims og skóp í raun Evrópumeistaratitil Spánverja í fyrra. Það eina sem kom á óvart var hversu örugg vörnin var, því það vantaði meirihlutann af fastamönnum í vörninni, einsog frægt er.

Ég er búinn að skanna spænsku fjölmiðlana í kvöld - Besta lið Barcelona í sögunni! - segja þeir...

Og Eiður Smári... jú, auðvitað fúlt að fá ekki að spila í kvöld.  En það er ekki margt sem toppar það að vera númer 7 í besta fótboltaliði síðari tíma. Enn og aftur hefur Eiður sýnt að hann valdi rétt. Það er hjákátlegt að rifja upp hve margir ráðlögðu honum í fyrra að fara frekar til Blackburn eða West Ham eða jafnvel Newcastle...! Sumir sjá bara enska boltann og átta sig ekki á því að spænski boltinn er bara miklu betri ;)

[Jóhannes (IP-tala skráð) 28.5.2009 kl. 01:08]

Sorglegt að sjá Manchester spila sinn versta leik í Evrópu í langan tíma, en svona er boltinn. Barcelona spiluðu ekkert sérstaklega. Skoruðu mörkin á frábærum tíma, eftir 2 frábær einstaklingsframtök, og frekar lélega vörn í seinna markinu. 

     Ég hafði aldrei trú á United liðinu í þessu leik. Þetta var einfaldlega einn af þessum leikjum. Það verður að segjast eins og er, að Barcelona þurfti ekki að hafa mikið fyrir þessum sigri.