Líkt við "geimóra" í upphafi.

Hvalaskoðun er dæmi um það sem menn hafa kallað "eitthvað annað" í niðurlægingarskyni. Í upphafi voru það hugvitssamir einstaklingar sem hófu þessa starfsemi, sem spratt að sumu leyti upp úr því ástandi sem kvótakerfið skapaði.

Ég minnist enn fréttar sem ég gerði um hvalaskoðunarbát, sem gerður var út frá Hornafirði, og notaði samlíkingu úr Bíblíunni þegar Kristur sagði við fiskimanninn við vatnið: "Héðan á frá munt þú menn veiða."

Einn af frumkvöðlunum sagði mér frá þeim múrum fordóma og vantrúar sem hann hefði rekið sig á þegar hann byrjaði þessa starfsemi. Gert hefði verið gys að henni og vonir hans um að henni yxi fiskur um hrygg kallaðar "geimórar."

Hvalaskoðun vex hröðum skrefum

Athugasemdir

[Hörður (IP-tala skráð) 10.7.2009 kl. 22:32]

Ég man eftir umræðuþætti á rás 1 fyrir tíu árum ca.um álver á Austurlandi með og á móti.Rámar í að álvers talsmaðurinn hafi heitið Einar Rafn,og sigraði hann umræðuna því hann vildi eitt stykki álver en hinn kom með "eitthvað annað"og var því snúið í fjallagrasatínslu eða eitthvað húmbukk.En gátu menn séð það sem nær árangri fyrir ?

[Ómar Ragnarsson, 10.7.2009 kl. 23:55]

Ef sá sem talaði við Einar Rafn hefði svarað honum með "eitt stykki Reynir Harðarson" hefði sigur Einars Rafns verið enn stórkostlegri.

Nú, tíu árum síðar, hefur Reynir ásamt vinum sínum skapað starfsemi með starfsemi CCP sem færir meiri gjaldeyri í þjóðarbúið en öll störf í álverum landsins.

[Þórður Magnússon (IP-tala skráð) 11.7.2009 kl. 10:58]

Ómar - ertu með tölurnar á bakvið þessa fullyrðingu varðandi gjaldeyri inn

í þjóðarbúið?  Hvað skilar CCP miklu og hvað skilar áliðnaðurinn miklu?

[Kolbeinn (IP-tala skráð) 11.7.2009 kl. 11:20]

Að öðru: Það er hryggilegt og raunar vandræðalegt að sjá góða menn á borð við þig lýsa sig opinberlega vera "blogg-vini" menn sem rita svofelldan saur:

http://eyjolfurhressist.blog.is/blog/skilanefnd_gaml/entry/911840/

Þú ættir að endurskoða þá afstöðu þína að kenna þig við slík skrif.

[Ómar Ragnarsson, 11.7.2009 kl. 11:45]

Ég samþykkti beiðni þessara manna um að verða bloggvinir án þess að draga fyrirfram neinar línur þar að lútandi.

Skrif þeirra tel ég á engan hátt vera á mína ábyrgð og ég tel mig sem fjölmiðlamann ekki eiga að beita ritskoðun eða fara að velja úr eftirá.

Varði bloggskrif einhverra bloggvina minna við lög eða almennt velsæmi eiga þeir, sem telja á sér brotið, möguleika á að lögsækja þá eða kvarta við umráðamenn mbl.is.

Ég hef fengið framan í mig níð í athugasemdum sem segir meira um þá sem skrifa það en mig.

Mér finnst betra að fá slíkt beint framan í mig og getað svarað því beint heldur en að upplifa það sem ég gerði í vikuferð til Kanaríeyja í vetur þar sem ákveðnir menn báru út ótrúlegar upplognar sakir um mig, mér á bak.

[Þorsteinn Briem, 11.7.2009 kl. 13:00]

Við Íslendingar seljum ekki ál, heldur raforku til stóriðju.

Á bloggi Ómars Ragnarssonar 21.10.2008: "Nú er rætt um að íslenska ríkið fái 6 milljarða lán í Bandaríkjadölum talið frá Alþjóða gjaldeyrissjóðnum en skuldir Landsvirkjunar eru rúmir 3,7 milljarðar dollara, um 440 milljarðar króna, eða rúmlega 60% af fyrirhuguðu láni gjaldeyrissjóðsins til ríkisins, sem þykir nú ekki lág upphæð.

Í ársbyrjun 2006 var hins vegar gert ráð fyrir að skuldir Landsvirkjunar hækkuðu í um 155 milljarða króna í árslok 2008 en þá myndu þær ná hámarki.

Í ársbyrjun 2005 hafði arðsemi Landsvirkjunar verið mjög lítil næstliðin ár og arðsemi eigin fjár var einungis 2,8% að meðaltali á árunum 1998-2003, þrátt fyrir að fyrirtækið greiddi ekki tekjuskatt. En verðbólgan á þessu tímabili var 3,9% og því var arðsemin undir verðbólgu á þessu tímabili.

Í ársbyrjun 2005 var gert ráð fyrir að rekstrarkostnaður Kárahnjúkavirkjunar yrði um 740 milljónir króna á ári. ...

Gengishrun krónunnar undanfarið kemur hins vegar hinum erlendu eigendum álfyrirtækjanna hér til góða, því gengishrunið hefur lækkað launakostnað þessara erlendu fyrirtækja hér.

Í byrjun þessa árs fengu fyrirtækin um 62 krónur fyrir hvern Bandaríkjadal, sem þau notuðu til að greiða laun í álverunum hér, en miðað við skráð gengi á Bandaríkjadal í dag fá þau nú um 118 krónur fyrir hvern dollar, um 90% fleiri krónur en í ársbyrjun.

Launa- og launatengdur kostnaður allra 400 verkamanna Norðuráls (Century Aluminum) á Grundartanga er hins vegar ekki nema um 173 milljónir króna á mánuði, þar sem mánaðarlaun verkamanns þar eru um 308 þúsund krónur eftir sjö ára starf hjá fyrirtækinu.

Aðrir starfsmenn Norðuráls eru um 100 talsins og ef við reiknum með að meðallaun þeirra séu um 500 þúsund krónur á mánuði eru laun og launatengd gjöld allra starfsmanna Norðuráls um 240 milljónir króna á mánuði.

CCP á Grandagarði selur hins vegar tölvuleikinn (Netleikinn) EVE Online til tæplega 300 þúsund erlendra áskrifenda fyrir um 600 milljónir króna á mánuði í erlendum gjaldeyri, sem nægir til að greiða laun og launatengd gjöld allra verkamanna í öllum álverunum á Grundartanga, við Reyðarfjörð (Alcoa) og í Hafnarfirði (Alcan, Rio Tinto)."

[Sigurpáll Ingibergsson, 11.7.2009 kl. 13:32]

Vöxturinn hefur verið ævintýralegur.  Árði 1993 var undirritaður starfsmaður Jöklaferða á Hornafirði. Þegar við komum úr síðustu skipulögðu hvalaskoðunarferðinni, þá sat ég í stafni og velti fyrir mér hvað hvalaskoðunarhópurinn yrði orðinn stór efir 10 ár. Ég spáði tíföldun, taldi mig bjartýnann. Fara úr 150 í 1.500.  Árið 2003 fóru gott betur, 72.220 manns í hvalaskoðun!

Hins vegar fer enginn í dag í hvalaskoðun frá Hornafirði. Þeir njóta ekki alltaf eldana sem kynda þá.

            Fjöldi
1990   1   1          6
1991   1   1      100
1992   0   0          0
1993   1   1      150
1994   3   4       200
1995   6   8    2.200
1996   8   9    9.700
1997 10 13  20.540
1998   8 12  30.330
1999   7 10  35.250
2000   9 12  44.000
2001 10 12  60.550
2002 10 12  62.050
2003 10 12  72.220
2004 10 12  81.600
2005 10 12  81.600
2006 10 12  89.000
2007   X  X 100.000
2008   7  9 114.500