"Nú eg bgennivínið ogðið svo dýgt...".

Áfengi og tóbak eru samanlagt mesta böl þjóðfélagsins og hinn raunverulega stóri fíkniefnavandi.

Því er til mikils að vinna að minnka neysluna þar og vinna gegn þessu böli. 

En hversu þarfar sem nýjar álögur á þessar vörur eru, er vitað um þá skattheimtu eins og aðra, að einhvers staðar eru takmörk fyrir því hve langt er hægt að ganga án þess að smygl og brugg færist það mikið í aukana að ávinningurinn af skattheimtunni verði enginn.

Mikilvægt er að finna línuna, sem ekki þýðir að fara yfir. Óskand er að nýjustu gjöldin núna séu réttu megin við þessa línu. Þó ber þess að gæta að í kreppu færist línan í öfuga átt miðað við það sem best er fyrir skattheimtuna. 

Svo ótrúlega margir geta nefnilega tekið undir með fornvini mínum, sem var gormæltur áfengissjúklingur og sagði við mig eftir nýjustu verðhækkunina á sínum tíma: "Nú eg bgennivínið ogðið svo dýgt, Ómag, að maðug hefug ekki efni á að kaupa ség skó." 

En ef svo er ekki, er erfitt að snúa til baka eftir að smygl og brugg eru búin að festa sig í sessi. Þá þarf aukna löggæslu til að uppræta slíkt og það kostar peninga.

 

Áfengisgjaldið hækkar um 42% á einu ári

Athugasemdir

[Offari, 25.11.2009 kl. 09:12]

Já þessi hækkun veldir því að nú orðið á maður varla fyrir mat oní börnin sín.  Ég hef reyndar ekki orðið mikið var við þessa hækkun þar sem maður er orðinn svo blankur að maður hefur hvort eð er ekki efni á þessum munaði.

En hinsvegar finnst mér alltaf sopinn góður þótt vissilega hafi ég séð vínið fara illa með margan manninn. En Ómar nú er þetta orðið svo dýrt að það er orðið of seint fyrir þig að fara að byrja núna að drekka.  Ef þú hefiðir byrjað fyrr vissirðu núna hverju þú hefur misst af.  Nei nei bara að grínast ég held að margir öfundi þig á því að hafa aldrei fallið í þessa gryfju.

[Vigdís Ágústsdóttir (IP-tala skráð) 25.11.2009 kl. 09:28]

Ómar, varstu ekki hættur á Moggablogginu, eða ertu á mörgum stöðum ?  Ég svona spyr, af forvitni.  Ég´sé ekki betur en þú sér bæði á Eyjunni og MBL............

[Ómar Ragnarsson, 25.11.2009 kl. 15:13]

Þú hefur misst af því, Vigdís, en ég útskýrði það tvisvar á báðum bloggsíðunum að ég stefndi að því að vera áfram á Moggablogginu nákvæmlega eins og fyrr. Við það hef ég staðið fram að þessu.

Ég hef ekki orðið var við neitt minni umferð á þessu bloggi þrátt fyrir bloggið á Eyjunni, enda viðfangsefnin aldrei þau sömu á sama tíma á báðum stöðum. 

[Haukur Kristinsson (IP-tala skráð) 25.11.2009 kl. 20:23]

Áfengi er orðið lúxus á Íslandi. Rauðvín með steikinni eða hvítvín með fisknum geta menn ekki leyft sér lengur. Svo ekki sé minnst á gott cognac með kaffinu. Ný staðfesting á því að á Íslandi búa tveir hópar; þeir sem þurfa að gæta fyllstu varúðar svo endar nái saman og hinn hópurinn, sem á nóga peninga. Einkahlutafélags hópurinn sem sem krækti sér í milljarða úr sjóðum landsmanna. Við slíkar aðstæður finnst mér að hætta skuli sölu áfengis og tóbaks „duty free“ í Leifsstöð, í það minnsta fyrir „arrival“ farþega. Nú eru utanlandsferðir lúxus og því ekki sanngjarnt að alltaf sama fólkið hafi aðgang að ódýru víni; embættismenn á vegum ríkisins og þeir sem stálu nógu miklu í gróðærinu. Og svo byrjar núna aftur „innflutningur“ flugmanna og flugfreyjanna á þessum vörum og sala í Reykjavík. Það verður góð búbót fyrir annars vel launað fólk. Margar muna þá tíma þegar allir í áhöfninni drógu á eftir sér bjórkassana við komu í KEF.