Auðvitað mest lesið. "Á parið var púað..."

Enn sannast kenningin um það að kynlíf og ofbeldi seljist best eða sé mest lesið um,  úr því að hið litla atvik, sem þessi pistill er tengdur við, er mest lesna fréttin á mbl. is. 

Minnir mig á frægt svipað atvik þegar frægt par var að dansa hér um árið og annað brjóstið datt út hjá danskonunni í miðjum dansi.

Varð þá mikið uppistand í salnum og púað. Um það var gerð þessi vísa:

 

Á parið var púað að vonum   /

er poppaði´út brjóstið bert.   /

Að ekkert datt út hjá honum   /

er þó guðsþakkarvert.      

Sýndi óvart brjóstin

Athugasemdir

[Billi bilaði, 22.12.2009 kl. 23:43]

Kynlíf og ofbeldi koma sér vel

sé krónan á skallanum.

Ríkisstjórn Íslands ég ráð þetta fel,

svo reddi þeir hallanum.

Hún Ísbjörgu setji í undirföt rýr,

og eggjandi stellingar,

og auglýsi bretann sem ofbeldisfýr

sem æsist við kellingar.

Svo aðgang hún selur að sjóinu hér,

og senn loka gatinu.

Þá snemmhendis landstjórinn lúsugi fer;

ég lýsi á hann fratinu.