Þolinmæðin þrautir vinnur .....

Aron Jóhannsson hefur mátt þola ýmsar ákúrur í gegnum tíðina fyrir að hafa ákveðið að spila frekar með bandaríska landsliðinu en hinu íslenska og verða þar með fyrsti og eini Íslendingurinn sem hefur spilað í úrslium á HM, kom þar inn á í einum leik með bandaríska liðinu en Ísland hefur aldrei komist í úrslitakeppnina. 

Aron ákvað að söðla um eftir langvarandi setur á bekknum hjá íslenska landsliðinu. 

Eftir HM hefur hann líka orðið að verma bekkinn meira en honum hefur líkað en beðið þolinmóður eftir að fá tækifæri. 

Og það kom upp í hendurnar á honum í kvöld og árangur þolinmæðinnar kom loksins í ljós. 

Þetta var ekki í vináttulandsleik heldur í átta liða úrslitum meistarakeppni Norður- og Mið-Ameríku og því mikilsverður áfangi fyrir Aron sem hægt er að óska honum til hamingju með. 

Mark og stórleikur Arons gegn Kúbu - myndskeið

Að mörgu að hyggja á hálendisleiðum.

Að mörgu þarf að hyggja á ferð um hálendisleiðir. Rétt er að benda á að nýr myndskreyttur pistill fór af tæknilegum ástæðum um eitt þessara viðfangasefna inn á fyrradaginn 16. júlí hér fyrir neðan undir heitinu "Þarf meira af merkingum og eftirliti."  

„Gerið þetta í klósett, ekki skurðinn“

Hvað um stóriðjuna?

Vigdís Hauksdóttir vill afnema ívilnanir og undanþágur fyrir ferðaþjónustuna.

Ekki hefur þó heyrst bofs um það hvort afnema eigi ívilnanir og undanþágur fyrir stóriðjuna, heldur var þvert á móti aflétt nýlega af henni skatti upp á einn og hálfan milljarð króna árlega.

Stóriðjan hefur fengið miklar ívilnanir og undanþágur alla tíð og gekk svo langt við Kárahnjúkavirkjun, að ítalska fyrirtækið Impregilo fékk svo mikið frítt rafmagn fyrir risabora sína að samsvaraði öllu rafmagni Lagarfossvirkjunar í sjö ár.

Vegna stóriðju á Bakka við Húsavík voru veittar meiri ívilnanir en nokkru sinni fyrr.

Alcoa kemst upp með það að nota bókhaldsbrellur til þess að sleppa við að borga tekjuskatt upp á marga milljarða króna árlega.

Árið 1000 var kristni lögtekin á Íslandi. Árið 1965 var áltrú lögtekin og stóriðjan, sauðkindin og hesturinn eru upp á indverskan máta heilagar kýr á Íslandi.

Þannig hefur Fiskistofa lagaúrræði til að grípa í taumana gagnvart rányrkju og brotum á fiskveiðilöggjöfinni en hins vegar hefur Landgræðslan engin lagaúrræði til að fást við samsvarandi rányrkju á gróðurlendi.   

Vilja afnema undanþágur og ívilnanir