Innan við klukkstundar fyrirvari eins og áður.

Hekla hefur gosið með minna en klukkustundar fyrirvara fram að þessu og það hefur ekki breyst. Fyrirvarinn markast af því þegar gosórói hefst.

Flugumferð yfir fjallinu er nær eingöngu stjórnað blindflug með órofnu kallsambandi við flugstjórana, þannig að nægur tími ætti að gefast til að víkja fluginu frá ef óróinn byrjar.

Eftir að gos hefur hafist er hægt án áhættu að fljúga þannig í sjónflugi að hægt sé að halda sér í hæfilegri fjarlægð.

Í síðasta Heklugosi var ég að stíga upp í Fokkervél til að fara til Akureyrar vegna skemmtunar þar, til að sækja litla flugvél, sem ég var með á leigu.

Flugstjórinn fékk leyfi til sjónflugs ofar skýjum svo að ég gæti náð fyrstu myndunum af gosmekkinum, sem steig upp úr skýjahulunni fyrir neðan.

Eitt af dæmunum um heppni, sem ég er síðustu árin farin að kenna við fyrirbærið "íslenskan Forrest Gump."

"Núverandi ástand felst í því að fjallið hafi þanist það mikið út eftir gosið 2000, að það sé komið í svipaða hæð og þá.  

Engar vísbendingar um Heklugos

Talsmaður yfirvegunar, skilnings og friðar.

Helmuth Kohl sat lengur en nokkur annar á valdastóli sem lýðræðislega kjörinn kanslari Vestur-Þýskalands og Þýskalands alls, í heil 16 ár á tímum gríðarlegra umskipta í Evrópu, falls Berlínarmúrsins, Járntjaldsins og Sovétríkjanna.

Að undanskildum staðbundnum átökum í fyrrum Júgóslavíu, sem stóðu ekki lengi, átti Kohl ómetanlegan þátt í að hinar risavöxnu breytingar gengju friðsamlega fyrir sig.

Hann stofnaði til góðra persónulegra kynna við leiðtoga annarra ríkja og naut trausts þeirra.

Meðan Kohls naut við ríkti friðsamlegt samband og mikil slökun á milli Rússa og Vesturveldanna, og ein af undirliggjandi ástæðum vaxandi ósættis núna er það, að eftir að Kohl hætti, stóðu arftakar hans ekki við þau loforð sem hann hafði gefið til dæmis Gorbatsjof og Yeltsín um að þenja NATO ekki í austurveg.

Deildar meiningar eru að vísu um þau þessara loforða sem ekki voru sett í skriflega samninga og einnig hvort ómögulegt hafi verið að halda þau, til dæmis vegna ásóknar fyrrum leppríkja Sovétmanna í að komst undir verndarvæng NATO.

Kohl var öflugur við að lægja öldur, og í umrótinu við sundrun Sovétríkjanna, töldu Rússar enga þörf á að hrifsa Krímskaga til baka frá Úkraínu og sameina Rússlandi að nýju.

Þess var meira að segja ekki talin nein þörf á fyrri valdatíma Pútíns, en það ber að gæta að því að "útþensla til austurs" ("drang nach osten") hefur enn á sér hrollvekjandi blæ í eyrum Rússa, 75 árum eftir slíka útþenslu á vegum Hitlers.

Þegar Kohl leggur orð í belg til að lægja öldur og óróa, er rétt að íhuga það sem slíkur maður sem hann er, segir.

Sýni ekki Bretum óþarfa hörku