Kári í jötunmóð.

Nú er fár á Fróni,  / 

frost við ríkissjóð,  / 

kyrjar kuldaljóð  / 

Kári í jötunmóð.  /

Yfir heilsutjóni  /

æðrast læknirinn,  / 

harmar hlutinn sinn / 

hjúkrunin. 

Kári safnar liði

Geysimikið undir í þessu máli. Kapphlaup við tímann.

Eðli Alsheimerssjúkdómsins er einstaklega andstyggilegt að því leyti að hann ræðst á undirstöðu persónuleika og andlegrar tilveru þeirra, sem fá hann.

Því er til mikils að vinna ef hægt er að ná tökum á þessum vágesti.

Milljónir manna um allan heim og ættingjar þeirra myndu vilja gefa mikið til að bægja honum frá fórnarlömbunum, og væru margir tilbúnir til að fórna miklu fyrir það.

Hér er um að ræða kapphlaup læknavísindanna við tímann, því að tíminn mun jafnvel skipta meira máli en flest annað þegar vitað er um svo marga sem fer hrakandi jafnt og þétt.  

Alzheimerslyf glæðir vonir

Gunnlaugssynir, - þó ekki bræður, - hafa lög að mæla.

Jón Steinar Gunnlaugsson skrifaði fína grein í Morgunblaðið þar sem hann færði rök fyrir því að sala á flugvallarlandi ríkisins í Skerjafirði brjóti í bága við stjórnarskrá, og í dag skrifar Sigmundur Davíð Gunnlaugsson líka ágæta grein um málið. 

SDG kom í upphafi ferils síns sem stjórnmálamaður eins og ferskur vindur inn í umræðu um borgarskipulag og hefur sett fram athyglisverðar skoðanir í málum stórhýsa við Hörpu og staðsetningu Landsspítalans. 

Á góðri loftmynd RAX af norðaustur-suðvesturbrautinni ( 06/24) sést vel hve auðvelt er að hnika henni lítillega til að hægt sé að taka hana í notkun á ný. Einnig sést vel, að 70% brautarinnar er innan brautarkerfis vallarins, þannig að gera má hana nothæfa fyrir sjúkraflugvélar og smærri farþegaflugvélar án mikilla breytinga. 

Riftun samnings yrði umskipti