Loksins verðskuldaður stórsigur.

Í mörg ár hefur Hera Björk Þórhallsdóttir búið yfir hæfileikum sem hefðu átt að skila henni efst upp á stjörnuhimin íslenskra söngkvenna. Bubbi Morthens vissi hvað hann söng og hvað hún söng þegar hann hvatti hana til dáða og kom henni rækilega á framfæri á sínum tíma. 

En verðskuldaður frami hefur látið á sér standa, sá frami að standa á sviði sem sigurvegari í stórri söngvakeppni.

Hera var skammt frá því þegar hún komst í annað sæti hjá Dönum fyrir Evróvisíon með lag sem hefði átt að skila henni sigri þar og jafnvel sigri í keppninni í heild.

Hún gafst ekki upp heldur hélt áfram þótt svo virtist sem lengra myndi hún ekki komast.

Nú hefur hún loks brotist í gegn um alla múra og er kominn á þann stall og tind sem hún á skilið að standa á.  

Við Íslendingar höfum áður átt söngkonu, sem söng Latin-tónlist snilldarlega og elskaði það.

Það var Ellý Vilhjálms sem aldrei fékk tækifæri til að fara á fullu inn á þá braut, enda aðrir tímar en nú.

Að heyra Ellý syngja Heyr mína bæn og hlusta síðan á söngkonuna sem söng sama lag til sigurs í Evróvision er eins og hlusta lævirkja á móti músartísti.

Nú hefur Hera brillerað í þeim víkingi sem Ellý hefði getað farið í og það er með mikilli gleði sem ég óska henni, móður hennar og öðrum aðstandendum til hamingju með þetta mikla afrek.  

Mikil læti í stuðningsmönnum Heru

Athugasemdir

[Þorsteinn Briem, 2.3.2013 kl. 13:32]

"Eyþór Ingi kemur úr miklum Eurovision bæ, Dalvíkurbyggð, en af öllum Eurovisionförum Íslands eru þrír keppendur fæddir eða uppaldir í sveitarfélaginu og þrír aðrir með sterk tengsl eða hafa haft viðdvöl í sveitarfélaginu um lengri eða skemmri tíma.

Þetta eru þau Matthías Matthíasson, Friðrik Ómar Hjörleifsson, Eyþór Ingi Gunnlaugsson, Hera Björk, Daníel Ágúst og Pálmi Gunnarsson."

[Þorsteinn Briem, 2.3.2013 kl. 13:55]

Hagræn áhrif menningar - Dr. Ágúst Einarsson:

"Framlag menningar til landsframleiðslu er 4% en landbúnaðar 1%."

[Ragna Birgisdóttir, 2.3.2013 kl. 19:09]

Hera Björk er stórkostleg söngkona Mér finnst alltaf eins og að hún hafi ekkert fyrir þessu sama hvaða lög hún syngur og líklega er það þannig hjá þessari elsku.