Allsherjar hleranir frá 2005 ?

Ég hef áður greint frá því á bloggsíðu minni, að atburðir varðandi farsíma minn og fleiri síðsumars 2005 voru þess eðlis, að þeir lýstu símhlerunum. Rétt er að geta þess að á þeim tíma var ég starfandi fréttamaður, sem hafði farið í gegnum sérstaka rannsókn 1999 vegna ásakana um hlutdrægni og misnotkun á aðstöðu minni í starfi og verið hreinsaður af þeim ásökunum.

Ég fór á milli nokkurra sérfræðinga og lét skoða síma minn vandlega og spurði síðasta sérfræðinginn, sem ég ræddi við, hvort hér gæti verið um símhlerun að ræða, til dæmis svipaða þeirri sem snjallir ungir símadellumenn hefðu framkvæmt úti á götu í New York.

Ég fékk þetta lokasvar: "Hafðu ekki áhyggjur af því að sími þinn sé hleraður, því að til þess að svo sé þarf góða aðstöðu og mikinn mannskap og peninga."

Í aðdraganda þessa símamáls míns hafði NATO verið með sérstaka æfingu hér á landi til að bæta öryggi með tilliti til hættu á hryðjuverkum hér á landi í líkingu við hryðjuverk erlendins, svo sem í Bandaríkjunum 9. september 2001.

NATO valdi að æfa sig á Íslandi varðandi hættulegasta fólkið á Fróni, sem væru umhverfisverndarfólk.

Svarið varðandi "góða aðstöðu og mikinn mannskap og peninga" varð auðvitað til þess að varpa ljósi á málið fyrir mér og í þveröfuga átt en þá að síminn væri ekki hleraður.

Þessar vikur síðsumars 2005 virtist sími minn vera tengdur inn í kerfi eða símatorg þar sem ótrúlegustu aðilar voru hleraðir ásamt mér.

Ég er enn bundinn trúnaði um það hverjir þetta voru, en mér kemur ekki á óvart það sem nú er að koma fram varðandi hlerun á síma 35 þjóðarleiðtoga í Evrópu. Atvikið hér heima 2005 sýndi mér nefnilega einmitt að enginn Íslendingur gæti treyst því að vera ekki hleraður.

Nú er allt að fara á hvolf í Evrópu vegna hlerananna þar, en bloggpistlar mínir um símamál mitt 2005 höfðu ekki minnstu áhrif á neinn þá og sennilega ekki þessi pistill heldur.

Þýlyndi okkar Íslendinga virðist nefnilega stundum lítil takmörk sett.  

Gæti skaðað baráttuna gegn hryðjuverkum

Athugasemdir

[Þorsteinn Briem, 25.10.2013 kl. 21:37]

30.9.2011:

Scarlett Johansson cellphone pictures aren't all that smart phone hackers are after

[Þorsteinn Briem, 25.10.2013 kl. 21:50]

Opened	6-Dec-08 at 10:09:48am (UTC +00:00)   -   16hours18mins41secs after sending
Location	Nizhny Tagil, Sverdlovskaya Oblast', Russian Federation (86% likelihood)
Opened on	(93¸95¸174¸152:4693)
Language	of recipient's PC: ru-ru (Russian/Russia), ru;q=0.8 (Russian), en-us;q=0.5 (English/United States), en;q=0.3 (English)
Browser	used by recipient: Moz/5.0 (Win; U; Windows NT 5.1; ru; rv:1.8.1.18) Gecko/20081029 Firefox/2.0.0.18
Accepts	Files browser can open: i/png,*/*;q=0.5
Referrer	http://mail. yandex. ru/classic/message?ids=1710000000097602707& current_folder=1710000270004572182

[Húsari. (IP-tala skráð) 25.10.2013 kl. 21:53]

Sérfræðingur! Þér getur ekki verið alvara, Ómar!!

[Þorsteinn Briem, 25.10.2013 kl. 22:19]

Return of the Pink Panther - Blind man and monkey

[Baldur Fjölnisson, 25.10.2013 kl. 22:42]

Ohh, ég var bannaður frá að tjá mig um fréttir hérna á mbl fyrir sex árum vegna svona samsæriskenninga sem blasa við núna. Doh.

[Baldur Fjölnisson, 25.10.2013 kl. 22:57]

Annars, ef ég mætti bæta við þá fannst mér helv. dularfullt að Ómar Ragnarsson væri handtekinn. Og aðrir virðulegir eldri borgarar. Þetta eru nú ekki gosar sem eru að hlaupa út um allt út af engu. Það veldur mér áhyggjum og svo heyri ég af viðskiptaástæðum í sambandi við að skemma þetta svæði.

[Davíð, 26.10.2013 kl. 00:29]

Auðvitað er síminn þinn hleraður Ómar, Edward Snowden er frægur og hann er búinn að segja okkur þetta allt í smáatriðum.

Núna er þetta ekki kallað hlerun því í dag er allt tekið upp og þá er þetta kallað að hlusta

[Helgi Armannsson (IP-tala skráð) 26.10.2013 kl. 01:10]

hleranir a simanum hans Ómars  er bara birjunin bara svona sma æfing .eg var að horfa a þetta magnaða mindband og eg viðurkenni að það for um mig onotalegur hrollur

http://www.youtube.com/watch?v=JojdEH0nzos#t=5474

[Guðjón Sigþór Jensson, 26.10.2013 kl. 07:56]

Erum við á leiðinni inn í STASI tímana aftur í boði afturhaldsmanna?

Það er skelfilegt!

Við sem fæddumst snemma á Kaldsstríðs tímanum og ólumst upp við ógnajafnvægið minnumst með hryllingi á þessa tíma. Fyrir rúmlega 30 árum sá eg eigin augum hvernig Austur Þýskaland víggirti borgarana af svo enginn gæti flúið kommúnismann. Í Berlín má skoða söfn um þennan tíma og ekki allt par fagurt.

Vonandi koma þessir tímar aldrei aftur, - en er verið að innleiða fasistma hér á landi með því að stjórnmálamenn sem ráða yfir lögreglunni beiti henni til að handtaka andstæðinga sína?

Orðið skal vera frjálst. Við höfum stjórnarskrárvarinn rétt að hafa skoðanir, halda fundi þ. á m. mótmælafundi og hafa félög þ. á m. náttúruverndarfélög sem eiga að hafa nákvæmlega sama rétt og önnur félög.

Við erum á mjög krítískum tímapunkti þegar lögregla er misnotuð í samfélaginu til að brjóta niður skoðanir sem sumum stjórnmálamönnum er ekki að skapi.

[Ómar Ragnarsson, 26.10.2013 kl. 13:12]

Jú, Húsari góður. Ég leitaði til sérfræðinga, sem mér var vísað á hjá Símanum og einnig sérfræðings í fjölskyldu minni, sem hefur unnið við þessi mál hjá slíkum fyrirtækjum í marga áratugi.

Mér finnst í ljósi nýjust frétta athyglisvert þegar menn halda að ekkert svona lagað hafi verið og sé í gangi hér á landi.

En því var líka haldið fram fyrir Hrun að á Íslandi væri minnsta spilling í heimi.

[Anna Sigríður Guðmundsdóttir, 26.10.2013 kl. 20:12]

Heimsveldið hlerar víst alla gsm-síma á Íslandi, og hefur gert lengi. Eða hvað?

Þegar vestrænir fjölmiðlar búa til fréttir úr því sem hefur verið vitað lengi, þá heitir það fjölmiðlastýrður glæpa-áróður.

Á blaðsíðu 166, í bókinni: Jónína Ben, (sem gefin var út árið 2010), er athyglisverður kafli sem heitir: Njósnasögur í anda Bond rata í íslenska fjölmiðla.

Sannleikurinn selst kannski ennþá illa á Íslandi?

M.b.kv.