Skjálftar á Suðurlandi, tæp 3 stig og rúm 4 stig.

Fyrir nokkrum mínútum riðu yfir tveir jarðskjálftar á Suðurlandi, annar við vesturenda Hestfjalls en hinn skammt suðvestur af Hveragerði.

Annar var tæp 3 stig en hinn rúm 4 stig en ekki er hægt að sjá á grafinu á vedur.is hvor er stærri.

Man ekki eftir þetta stórum skjálfta síðustu árin á þessu svæði.  

 

P. S.  Nú er svo að sjá að stór skjálfti hafi líka orðið við Þjórsá norður af Holtum og röð mkinni skjálfta í suður þar frá. Og í kvöld hefur áfram verið fyrir norðan skjálftahrina í norður-suður- línu um Herðbreiðartögl í átt að Upptyppingum.   

Athugasemdir

[Þorsteinn Briem, 9.5.2014 kl. 00:04]

24.9.2011:

Manngerðir skjálftar á Hellisheiði auka álag og trufla vöktun vegna Kötlu

15.10.2011:

"Hvergerðingar ætla ekki að sætta sig við manngerðu jarðskjálftana sem starfsemi Orkuveitunnar hefur valdið.

Íbúarnir eru margir óttaslegnir og segja að sumir skjálftanna kalli fram erfiðar minningar.

Á annað hundruð jarðskjálftar hafa orðið í dag við Hellisheiðarvirkjun og þar á meðal tveir á um 4 á Richter sem fundust víða á Suður- og Vesturlandi.

Aldís Hafsteinsdóttir bæjarstjóri í Hveragerði segir íbúa bæjarins hafa fengið sig fullsadda af þeim skjálftum sem verða af völdum niðurdælingar vatns frá virkjuninni.

"Ég held að það hljóti allir að vera sammála okkur í því að það er alveg ólíðandi að þurfa að búa við manngerða jarðskjálfta, nógu mikil er nú náttúruváin á Íslandi þó við séum ekki að bæta í hana með því að búa hana til," segir Aldís."

Manngerðir jarðskjálftar alls ekki í lagi

[kristinn geir steindórsson briem (IP-tala skráð) 9.5.2014 kl. 10:28]

það er nokkuð langt frá hestfjjalli sem jarðskjálftin var skilst að hann hafi jafnvel verið nær holtunum. en það er ótrúlegt hvernig jarskjálftar fara með jarðveger eignaraðili að hestfjalli þegar sá stóri kom sem var um 6.R. var einsog fjallið hafi verið opnað með dósahníf þar sem brúnir jarvegarin hafði losnað frá berginu en tvemur áruim seitna var alt komið í fyrra horf.