Sigur sykursins og ósigur þjóðarinnar um áramótin.

Það hefur lengi verið vitað að hvítasykur er að verða skæðasta fíkniefni heims og í þann veginn að skáka tóbakinu sem böl. Eins og breski sjónvarpskokkurinn Jamie Oliver bendir á vex kostnaðurinn í heilbrigðiskerfinu vegna óhóflegrar neyslu sykur jafnt og þétt. 

Þess vegna vill hann að sykurinn sé skattlagður eins og tóbak, sem "næsta tóbakið" og bendir á Frakka sem fordæmi.

Hann hefði getað tínt til fleiri rök en kostnaðinn í heilbrigðis- og velferðarkerfinu. Afleiðingar óhóflegrar sykurneyslu koma líka fram í skertum lífsgæðum og líkams- og vinnugetu vegna ofþyngdar, áunninar sykursýki og hjartasjúkdóma og ótímabærra örkumla og dauða.   

Fyrir áramót hefði hann líka getað bent á Íslendinga,sem fyrirmynd og framsýna þjóð, sem hefði hafið baráttuna gegn hinum vaxandi vágesti.  En sykurskatturinn, sem búið var að koma á, var felldur niður. 

Hvað næst?  Verðlækkun á tóbaki?  

„Sykur ætti að skattleggja eins og tóbak“

Athugasemdir

[Már Elíson, 5.1.2015 kl. 22:08]

Að mínu mati minnkaði sykurskatturinn ekki sykursukkið og hina opnu "nammibarsölu" að neinu leiti en hækkaði hins vegar verð t.d. mjólkurvara sem er sykurleðja út í eitt, og jók /hækkaði neysluvísitölu all verulega á Íslandi, lág-og miðstéttinni til baga auk stigvaxandi heilsuleysis almennings í heild þegar til langstíma er litið. - Ömurð ein, þessi vanvita stjórn Djöflaeyjunnar.

[Helgi ARMANNSSON (IP-tala skráð) 5.1.2015 kl. 22:17]

Sugar: The Bitter Truth (w/ Dr. Robert L

https://www.youtube.com/watch?v=oOWd5WMGAe4

[Þorsteinn Briem, 6.1.2015 kl. 00:13]

Eygló Harðar sykursæt,
sjallar vilja hana,
væri hún nú alveg æt,
yrði þeim að bana.

[Ásgrímur Hartmannsson, 6.1.2015 kl. 03:00]

Hvenær hefur neyzlustýring orsakað annað en böl?

[Jón Logi (IP-tala skráð) 6.1.2015 kl. 07:19]

Mjólkurvörur sykurleðja út í eitt? Vissulega eru til vel sykraðar afurðir, en hverjum er frjálst að kaupa það sem hann vill, og meiriparturinn af mjólkurgrunninum fer ósykraður í pakkningar.
Er sykur í nýmjólk, léttmjólk, osti, hreinni súrmjólk og hreinu skyri? Neibb, - en sykuralinn landinn er vissulega hrifinn af dísæta hlutanum af úrvalinu.
Eftirspurnin ræður.....