Ófrávíkjanleg regla í hnefaleikum.

Það er talin ófrávíkjanleg regla í hnefaleikum að dómarinn, viðstaddur eftirlitslæknir, þjálfari og aðstoðarmenn hnefaleikara eigi að setja líf og heilsu hnefaleikarans ofar öllu öðru. 

Þótt hnefaleikar séu þannig íþrótt að þetta sé augljóslega mjög mikilvægt, gildir það sama um allar íþróttir. 

Óteljandi eru þeir hnefaleikabardagar, þegar dómarinn hefur kallað lækni til, til þess að líta á meiddan leikmann til að úrskurða um bardagahæfni hans og ástand, og eftir það stöðvað bardagann. 

Um nokkurra ára skeið var það rauðhærð kona, læknir af íslenskum ættum, sem stöðvaði nokkra bardaga, en leyfði líka áframhald í öðrum, þar sem skurðir í andliti voru enn ekki orðnir það alvarlegir að hennar dómi, að ástæða væri til að stöðva bardagann. 

Í mörgum bardögum skoðaði læknir sama manninn í hverju hléi milli bardagalotanna, og ótal dæmi eru um það að dómari hafi stöðvað bardaga í miðri lotu og gert hlé, en eftir að hafa ráðfært sig við tilkvaddan lækni, leyft keppendum að berjast áfram það sem eftir var lotunnar.

Þegar það hefur gerst að dómari hefur stöðvað bardaga of seint hefur það þótt mikil hneisa.

Og síðan hafa komið fyrir tilfelli, þar sem dómari hefur verið talinn aðeins of fljótur á sér, en það er litið mun skilningsríkari augum.  

Bæði Muhammad Ali og Joe Frazier urðu að sætta sig við það á ferli þeirra, að þurfa að hætta keppni og klára ekki allar fyrirhugaðar lotur, vegna þess að þjálfarar þeirra leyfðu þeim ekki í hléi á milli lota að fara inn í næstu lotu. 

Eddie Futch, þjálfari Fraziers, skoðaði Frazier ásamt eftirlitslækni í horninu eftir 14. lotu í bardaga hans við Ali 1975, "Thrilla in Manila", og sá Futche, að Frazier sá ekkert lengur með öðru auganu og var að missa  sjónina líka á hinu, svo bólginn var hann. 

Í síðari hluta lotunnar hafði Ali geta raðað inn hverju högginu á fætur öðru, alls á annan tug án þess að Frazier kæmi vörnum við. 

Hinum megin í sínu horni sat Ali, og var á barmi þess að falla saman örmagna. Sagði eftir bardagann að þetta hefði verið það næsta, sem hægt hefði verið að komast dauðanum sjálfum.

Á þessum tímapunkti hefði Angelo Dundee, þjálfari Alis, getað beðið dómarann um að stöðva bardagann, en sá útundan sér að ástandið var jafnvel öllu verra í horni Fraziers, - þar var trúnaðarlæknirinn, - Frazier var að verða alveg blindur, og beið því eftir því að biðja um stöðvun þar til að bjallan glymdi.

Futch sagði við Frazier í horni hans að hann vildi stöðva bardagann.

"Já, en þrái svo heitt að halda áfram," andmælti Frazier.

Svar Futch varð fleygt: "Vinur minn. Mundu að eftir þennan bardaga mun frammistaða ykkar beggja verða í minnum höfð"og bað dómarann um að stöðva bardagann.

Þegar bardaginn var stöðvaður og Ali úrskurðaður sigurvegari, féll hann alveg saman í horni sínu og gat sig hvergi hreyft eða mælt orð frá vörum. 

 

Þessi bardagi er talinn mesti hnefaleikabardagi allra tíma.

Í bardaga Alis við Larry Holmes 1980 lét Dundee stöðva bardagann eftir 10. lotuna þótt Ali vildi óður halda áfram.

Dundee mat líf og heilsu Alis meira en stolt hans.  

 

Enn er Mourinho gagnrýndur

Athugasemdir

[Vagn (IP-tala skráð) 21.8.2015 kl. 22:37]

A

• Muhammad Afrizal

• Daniel Aguillón

• Pedro Alcázar

B

• Bae Ki-suk

• Sonny Banks

• Carlos Barreto

• Francisco Bejines

• Andy Bowen

• Felix Bwalya

• Simon Byrne

C

• Frankie Campbell

• Randie Carver

• Choi Yo-sam

D

• Cleveland Denny

• Jimmy Doyle (boxer)

F

• Benjamín Flores

G

• Jimmy Garcia

• Jefferson Gonçalo

• Óscar González (boxer)

J

• Leavander Johnson

K

• Kim Duk-koo

M

• Karlo Maquinto

• Alexander McKay (boxer)

• Charlie Mohr

• Johnny Montantes

• Davey Moore (boxer, born 1933)

• James Murray (boxer)

N

• Marco Antonio Nazareth

• Michael Norgrove

O

• Tesshin Okada

• Johnny Owen

P

• Greg Page (boxer)

• Benny Paret

• Charles Peguilhan

• Henri Piet

• Tosh Powell

R

• Lavern Roach

• Francisco Rodriguez (boxer, born 1984)

• Brad Rone

S

• Martín Sánchez

• Ed Sanders (boxer)

• Ernie Schaaf

• Beethaeven Scottland

• Lito Sisnorio

• Braydon Smith

T

• Tan Teng Kee (boxer)

V

• Luis Villalta

W

• Robert Wangila

• Sonny Boy West

Z

Becky Zerlentes

[Ómar Bjarki Kristjánsson, 21.8.2015 kl. 23:56]

Morinho varð sér náttúrulega til stórskammar þarna og það kannski merkilega er að atvikið hafi ekki hlotið enn meiri umræðu eða haft einhverjar afleiðingar fyrir gæjann.  Hann gerði sig að algjöru fífli.  Óásættanleg hegðun hjá honum 2015.  Það er ekki aðeins að hann hafi bannað aðhlynningu leikmanns heldur er það hvernig hann bannar það.  Taka ber sérstaklega eftir fyrstu viðbrögðunum þegar hann áttar sig á að Eva er hlaupin inná völlinn.  Þvílíkur fáráður:

https://www.youtube.com/watch?v=GvQrDbOz7zI