Létt verk: "Að jafnaði...eðlilegt verð..." og málið dautt.

Íslendingum verður ekki skotaskuld úr því að sleppa við að leggja gjald á aðgang að náttúruauðlindum eftir því sem hentar í hvert eitt skipti.

Í tillögu stjórnarskrárnefndar er þessu reddað með því að bæta við texta stjórnlagaráðs einu orðunum "að jafnaði."

Sem þýðir í raun að ekki verði alltaf tekið gjald, og að þess vegna gæti það orðið nær aldrei.

Til að baktryggja þessa lausn er orðunum "fullt gjald" sem þýðir markaðsverð, breytt í "eðlilegt" sem er auðvitað hægt að túlka út og suður að vild.

Nú er bara að senda Eftirlitsstofnun EFTA þennan flotta texta og losa þar með íslenska auðvaldið við að borga neitt sem heitið geti fyrir aðgang að sameiginlegri orkuauðlind þjóðarinnar.

Eins og er, er til dæmis veiðigjaldið sáralítið brot af þeirri upphæð sem reiknuð hefur verið út sem auðlindarenta fyrir sjávarauðlindirnar, og augljóst er að stefnt hefur verið og verður stefnt að álíka "rekstrarumhverfi" hjá þeim sem hafa aðgang að orkuauðlindunum.

Greiði markaðsverð fyrir nýtingu nátturuauðlinda

Athugasemdir

[Þorsteinn Briem, 20.4.2016 kl. 20:19]

"Píratar leggja áherslu á að í stjórnarskrá verði fest ákvæði um sameign þjóðarinnar á auðlindum í náttúru Íslands.

Ríkið skal bjóða aflaheimildir upp á opnum markaði fyrir hönd þjóðarinnar.

Handfæraveiðar séu þó frjálsar fyrir þá einstaklinga sem kjósa að stunda þær.

Allur afli skal fara á markað."

Stefna Pírata í sjávarútvegsmálum - Píratar

[Þorsteinn Briem, 20.4.2016 kl. 20:20]

Verði allir skyldugir til að selja sjávarafla sinn á fiskmarkaði og greiða ákveðið hlutfall af verðinu sem þar fæst fyrir aflann í ríkissjóð er væntanlega hægt að halda því fram að það sé fullt gjald, sem yrði þá í raun ákveðið af kaupendunum með markaðsverði hverju sinni.

Hlutfallið (prósentuna) sem greiða þyrfti af söluverði aflans á fiskmarkaði í ríkissjóð þyrfti þá að ákveða og gæti því talist eðlilegt gjald af markaðsverðmæti aflans hverju sinni.

Þannig væri í raun um að ræða bæði fullt og eðlilegt gjald.

Og fiskmarkaðir hafa verið bæði hér á Íslandi og erlendis í áratugi.

[Þorsteinn Briem, 20.4.2016 kl. 20:22]

Að sjálfsögðu er misjafnt hvort þeir sem kaupa frekar lítið eða mikið af sjávarafla á fiskmarkaði bjóða hæsta verðið í aflann hverju sinni.

Það verð sem kaupandinn er tilbúinn að greiða fer meðal annars eftir því hversu hátt verð kaupandinn getur fengið fyrir aflann eftir að hann hefur verið unninn.

Einnig til að mynda hversu langt viðkomandi þarf að flytja aflann frá þeim stað sem honum hefur verið landað þangað sem hann er unninn.

Kaupandinn er ekki í öllum tilfellum þar sem aflanum er landað og flutningskostnaðurinn misjafnlega mikill.

Sumir vilja kaupa ýsu en aðrir einhverja aðra tegund og sjávarafli er misjafnlega verðmætur eftir til að mynda tegund og ástandi aflans.

[Hilmar (IP-tala skráð) 20.4.2016 kl. 21:58]

Hvað er "fullt gjald" eða "eðlilegt gjald" af óveiddum afla?

Miðast það við útreikning þegar verð er lágt á mörkuðum erlendis, lítil eftirspurn, gengi of hátt skráð og tap á rekstri? Eða miðast það við hátt verð erlendis, mikla eftirspurn, lágt gengi og hagnað af rekstri?

Hvað er "fullt gjald" eða "eðlilegt gjald" af óveiddum afla við Íslandsstrendur, þegar önnur ríki innheimta ekki auðlindagjöld af fiskveiðum, en reka útveginn samt með tapi?

Hver á að fá arðinn af vel reknum fyrirtækjum á Íslandi? Er það ríkið?

Til hvers að reka fyrirtæki vel, ef ríkið hirðir hvort eða er arðinn?

Hver á að borga tapið, þegar tap verður á rekstrinum?

Og síðasta spurningin, hvaða sósíalisti ætlar að taka að sér að borga Íslendingum til baka, þegar sósílismanum tekst að eyðileggja sjávarútveg á Íslandi?

Ég ætla sjálfur að svara síðustu spurningunni. Það kemur ekki einn einasti sósíalisti til með að borga krónu í skaðabætur fyrir eyðilagðan útveg. Vinstrimenn taka ALDREI ábyrgð á mistökum sósíalismans.

[Halldór Egill Guðnason, 21.4.2016 kl. 02:22]

Gott og vel. Af öllum sameiginlegum auðlindum skal greiða sanngjarnt nýtingargjald. Ekkert að því. Hver á að ákveða hvað er sanngjarnt?  Er ekki öll náttúra Íslands sameiginleg auðlind? Þá hlýtur það sama að ganga yfir alla sem nýta hana, í hvaða mynd sem er. Er ekki rétt að leggja á utsýnisskatt, hálendisskatt, vegatolla á alla þjóðvegi, aðgangseyri að öllum nátturuperlum og fleira? Hvers vegna er ferðaþjónustan undanþegin opinberum gjöldum að stórumhluta og svo "videre".

Stefna Pírata í sjávarutvegsmálum er svo fádæma heimskuleg og illa hugsuð, að tekur varla tali. Sennilega sett fram, svona til að hafa bara eitthvað undir þessum málaflokki á stefnuskrá sinni. Athugasemd Steina Briem no3 er t.d. mjög góð lýsing á því, hvers vegna svona kerfi gengi aldrei upp. Er ekki nóg að búið sé að rústa fjölmörgum sjávarplássum einu sinni. Þarf að gera það aftur með svona dellustefnu? Hver fjárfestir í milljarðaskipakosti og vinnslubúnaði, til þess eins að fá ef til vill kvóta og það jafnvel aðeins til eins árs í senn? Þeir sem demba svona dellu fram, sem stefnuskrá, þekkja greinilega mjög takmarkað til í sjavarútvegi á Íslandi.

 Góðar stundir, með kveðju að sunnan.

[törn (IP-tala skráð) 21.4.2016 kl. 03:36]

Gott og vel. Af öllum sameiginlegum auðlindum skal greiða sanngjarnt nýtingargjald. Ekkert að því. Hver á að ákveða hvað er sanngjarnt?

Á ekki markaður að ákveða það? Framboð og eftirspurn?

[kristinn geir steindórsson briem (IP-tala skráð) 21.4.2016 kl. 11:04]

fult gjald er líka teigjanlegt hugtak hvernig á að meta landsvæði að fullu veit ég ekki. því finst mér eðlilegt að tala um eðlilrgt gjald. til að gjaldfella ekki fult gjald. lígt og var gert við orðið strax sem er víst orðið teigjanlegt hugtak

[Þorvaldur S (IP-tala skráð) 21.4.2016 kl. 12:47]

Já. Er ekki rétt, úr því að markaðurinn er alvitur og framkallar mestu hugsanlega ávöxtun, að allar veiðiheimildir fari á uppboðsmarkað? Mun það ekki skapa sanngjarnt og eðlilegt nýtingargjald? Og allir ánægðir? Þá er hægt að taka mið af verðsveiflum og óáran sem og velgengni og hruni. Og þeir sem best reka fyrirtækin og mergsjúga alþýðuna síst standa með pálmann í höndunum.

Það er annars nefnilega lenska að þeir pilsfaldakapítalistar sem hér hafa stundum hátt um gróða á daginn og grillveislur á kvöldin hirða hagnaðinn af rekstrinum en þjóðnýta tapið eins og dæmin sanna. Þarf ekki að líta lengra en á fréttir dagsins til að sjá þetta.