Bóndinn barði konuna... ...kötturinn klóraði í hænuna.

Einhvern tíma heyrði maður sögu sagða af því að bóndi lamdi konu sína, konan lamdi vinnukonuna, vinnukonan lamdi strákinn, strákurinn sparkaði´í hundinn og hundurinn glefsaði í köttinn sem klóraði í hænuna. 

Allir aðilar þessara árekstra áttu það sameiginlegt að "hefna þess í héraði sem hallaði á Alþingi", þ. e. að nýta sér yfirburði gagnvart veikari aðila. 

Ég hef um ævina unnið undir stjórn ótal manna og verkstjóra og eitt sinni undir stjórn manns sem stundum var úrillur á morgnana og hreytti fúkyrðum í þá sem hann stjórnaði. 

Vitað var að þessi verkstjóri var giftur skapmikilli skörungskonu, og hvískruðu menn sín á milli þegar ólundarmorgnar runnu upp, að verkstjórinn hefði farið halloka á Njálsgötunni. (Götunafnið er valið af handahófi). 

Það tæpa ár sem ég hef að mestu ferðast um á rafreiðhjóli og léttu vespuvélhjóli sést það koma fyrir að einstaka bílstjórar ganga harkalega fram gegn vélhjóla- og hjólreiðamönnum. 

En síðan sést líka hvernig einstaka hjólreiðamenn eða vélhjólamenn sýna gangandi fólki ekki tillitssemi eða virðingu. 

Einna varasamastir eru örfáir hjólreiðamenn, sem freistast til þess að gera hjóla- og gangstíga að kappaksturbrautum og bruna á gríðarlegum hraða með höfuðið niður í bringu til að ná sem mestum hraða, en gera það á kostnað öryggis þeirra sem framundan kunna að vera. 

Á hjólreiðastígum þar sem sérstakar aðstæður eru þarf að koma fyrir glöggum merkingum til þess að auka öryggi og almennt þarf að efla tillitssemi, lipurð og árvekni í umferðinni. 

„Þetta er ekki Miklabrautin“

Athugasemdir

[Ragna Birgisdóttir, 26.6.2017 kl. 17:31]

Sumum mönnum og konum er einfaldlega laus höndin.Finnst ekkert að því að koma fram þannig við aðra manneskju.Þau eru fól.Þar sem manneskja er geðill og pirruð út í allt og alla orsakast af svo mörgu. Sumir ráða við tilfinningar sínar aðrir ekki. Aðrir nota galgopaháttinn til að gorta sig af hinum ýmsu "afrekum" sínum.Manneskjan er flókið fyrirbæri.Geðslag fólks kemur líklega hvergi betur fram en í umferðinni og í biðröðinni í verslun.

[Rachel Ooi (IP-tala skráð) 26.6.2017 kl. 20:59]

Hi Omar, 

 

I could not find your email, so I decided to contact you here, I hope you don't mind! 

 

I'm Rachel Ooi, a second-year student at Yale-NUS College in Singapore. My research partner Marcus Koe and I are currently in Iceland conducting research about the underlying relationship between cultural and natural resource management, especially in the case of Galgahraun.

 

It would be helpful to hugely my research if I could interview you about your experience protesting this highway project.

 

We will be traveling around Iceland from now till July 5, along the Westfjords then Reykjavik. Do let me know if you will be present and available to meet. If you are not available, I would also be happy to have a video conference or a call.

 

Warmest regards

Rachel Ooi

Class of 2019

Yale-NUS College