"Það var miðað rétt, - en skotmarkið hreyfðist."

1955 var sala á meðalstórum fólksbílum í miklu vexti í Bandaríkjunum. Markaðssérfræðingar Ford-verksmiðjanna létu því hanna nýjan bíl af millistærð, Ford Edsel. Vestra líða þrjú ár frá ákvörðun til framleiðslu og þegar Edsel kom á markað 1958 var sala meðalstórra bíla í frjálsu falli og bíllinn var nær óseljanlegur.

Síðan þá er Ford Edsel oft nefndur sem dæmi um hrikaleg mistök í markaðssetningu. Einn sérfræðingur kafaði aðeins lengra niður í málið og fann út að ákvörðunin 1955 hefði verið rétt miðað við þær forsendur sem þá lágu fyrir. "The aim was right, but the target moved", sagði hann með dæmigerðri bandarískri byssulíkingu, þ.e. "það var rétt miðað, - en skotmarkið hreyfðist."

Starf íslenskrar nefndar um verðlagningu eldsneytis er dæmi um þetta. Miðað við forsendurnar á starfstíma nefndarinnar var rétt að hækka álögur á eldsneyti. Á örfáum mánuðum hefur þetta gjörbreyst. Það breytir því ekki að rétt er að huga að samsetningu opinberra álaga á bifreiðaeigendur. Meira um það seinna.   

Bensínhækkanir hafa áhrif

Athugasemdir

[Skattborgari, 10.6.2008 kl. 20:38]

Bensín verð hefur snarhækkað og það er ekki annar raunhæfur kostur í stöðunni ennþá. Rafmagnsbílar eru enn of dýrir miðað við bensínbíla eða dísilbíla til að vera raunhæfur kostur. Það síðasta sem að almmeningur þarf er hærra eldsneytisverð það hefur áhrif um allt þjóðfélagið.

[Sævar Helgason, 10.6.2008 kl. 21:42]

Strætó er nokkuð góður kostur í þessari orkudýrtíð. Ég gerði nokkuð rækilega prófun á þessum almenningssamgöngum okkar.

Ég átti leið úr einu úthverfi Hafnarfjarðar og í Furufold í Grafarvogi. Þetta gekk vel fyrir sig úr Hafnarfirði á Lækjartorg- þar hófst veruleg bið eftirleið 6 í Garfarvog- þegar í Furufold var komið voru liðnir tæpir tveir tímar frá því ég fór að heiman. Þetta fannst mér afar slæmar almenningssamgöngur.  

En þegar ég fór að pæla í leiðakerfinu nánar- þá komst ég að því að með því að fara úr leið 1 (Hfj.strætó ) í Garðabæ og taka leið 24 þaðan í Furufold---þá tók ferðin tæp þrjúkorter að heiman. 

Með mínum einkabíl hefði ferðin tekið 1/2 tíma ef litlar umferðatafir hefðu verið.

Nú nota ég strætó oftar...og spara bæði bíl og pening 

[Morten Lange, 10.6.2008 kl. 21:46]

Ósama skattborgari: heldur þú ekki að of lágt olíuverð eins og við höfum búið við hafi haft "áhrif á allt þjóðfélagið"  ?

Það er nefnilega stór og dulin kostnaður við olíuna sem er borguð annarsstaðar en við dæluna.  Og þessi kostanður er mjög samsett.  ( Gúglið "real cost of"  oil/energy/gasoline etc )

En það er vissulega óþægilegt og ógnandi hversu seint ráðamenn, fjölmiðlar  og samfélagið sáu að þetta mundi koma, og hversu hratt þetta er að gerast núna.  Og að þetta sé engan veginn búið.  

Ég spáði snarleg hækkun í  150 kall lítrinn í febrúar.  Þegar fyrir tveimum árum benti ég á að olíuverð mundi halda áfram að hækka.  Ég segi ekki að ráðamenn hefðu átt að hlusta á mig, sérstaklega.      Virtir hópar af sérfræðingum  hafa lengi spáð "Peak oil", og "Limits to growth" .    Hvort sem fræðin hafi staðist 100%  eður ei, þá virðist  meginboðskapinn  vera að rætast að einhverju leyti. 

[Skattborgari, 10.6.2008 kl. 22:28]

Oliverð er allt of hátt núna og er búið að vera það lengi ætti að vera um 100kr 120-130hámark að mínu mati. Það eru ekki betri valkostir til í augnablikinu athugaði með revuna sem er alltaf verið að tala um hann er ódýr í rekstri já en allt of dýr miðað við stærð. Það þarf að gera eitthvað áður en það er of seint.

Ps prufaði að taka strætó reglulega fyrir um einu og hálvu ári var alltaf 5-15min á eftir áætlun. 

[Jón Aðalsteinn Jónsson, 10.6.2008 kl. 22:57]

Olíverð núna er bóla og mun lækka þegar að þarf að færa gróðan þeir sem hafa verið að kaupa þurfa nefnilega að selja og það áður enn verð fellur þá fer oliuverð niður aftur. Framtíðin er ekki að einblina á eina gerð farartækja heldur að blanda þessu öllu saman. Til eru útreikningar sem að syna að til að rafvæða bílaflotan þarf umþað bil eina Kárahnjúkavirkjun hvar eigum við að virkja. Að mínu mati er lausnin bensin disel rafmagn metan vetni allt í bland það er mun liklegra til árangurs en miðstýring og stjórnvalds kúgun.

[H.T. Bjarnason (IP-tala skráð) 11.6.2008 kl. 10:31]

Tímarnir breytast og mennirnir með.  Ég var að skoða nokkrar myndir af Edsel og því er ekki að neita að þetta er fallegur og svipmikill bíll og bílar í góðu ástandi eru seldir fyrir ca. 200.000 dollurum.