Naglar í vínabrauðum.

Um miðja síðustu öld gerðist það hjá bakara einum í Reykjavík að bálreiður viðskiptavinur kom í bakaríið og sýndi bakaranum ryðgaðan nagla, sem hefði verið í vínabrauði sem hún hafði keypt. 

Bakarinn reyndi að róa og hughreysta viðskiptavininn en tókst ekki betur til en svo, að espa konuna með því að hnykkja á því að mannleg mistök hefðu átt sér stað og "svona lagað getur alltaf gerst."

Gert var gys að þessu þegar það fréttist, en atvikið var þó smávægilegt ef borið er saman við fjölda lausra bolta í farþegaþotum. 

 

Fundu marga lausa bolta í vélum Alaska Airlines

Hafa áður glímt við svipuð forföll.

Ólympíusætið svokallaða virðist sýnd veiði en ekki gefin, en tvívegis hafa íslensk landslið orðið að fást við illvíg forföll á stórmótum ef rétt er munað. Ef einhver lesandi síðunnar man þetta betur en síðuhafi væri fengur að fá athugasemd um það. 

Í það gildir um fyrra skiptið þegar nær allir liðsmennirnr svo veikir, að það eyðilagði alla möguleika liðsins til þess að ná árangri. 

Síðara skiptið er enn ferskt í minni, því að það gerðist á covid-tímanum og voru það ekki síður viðbrögð mótshaldaranna en veikindin sjálf, sem ollu fádæma usla og rugli.    

Enn eitt áfallið fyrir íslenska liðið

Sigkatlarnir sáust vel úr lofti fyrir þremur árum.

Á síðustu árum hafa komið í ljós merki um vaxandi jarðhita á tveimur stöðum á Vatnajökli, þar sem sést hefur úr lofti niður á heitt vatn á báðum stærstu eldstöðvunum, Bárðarbungu og Grímsvötnum undir tveimur opum á hvorri eldstóð. 

Undir þessu svæði er annar af tveimur stærstu möttulstrókum jarðar, en hinn er undir Hawai.

Þar með má orða þetta þannig að möttulstrókurinn undir hinu eldvirka svæði á Íslandi, sé hinn stærsti á þurrlendi jarðar.  

Nýjar gervihnattamyndir sýna tvo sigkatla

Mannslífið njóti vafans og hafi forgang.

Svipuö fyrirsögn og sú, sem er á þessum bloggpistli, var á pistli nú á dögunum. Skðmmu síðar varð hörmulegt dauðaslys í Grindavík. 

Atvik í dag leiðir hugann að mismunandi ummælum og skoðunum um öryggismálin í Grindavík, sem meðal annars mátti heyra í útvarpi í dag.

Nefna má, þegar rætt er um úrlausn álitamála að eitt af atriðum í meðferð umhverfimála er það regla, að þegar um vafamál sé að ræða, skuli náttúran njóta vafans. 

Mannauðinn má líta á sem hliðstæðu náttúrunnar hvað varðar forgang þegar vafi leikur á í mikilsverður málum. 

Jörðin gaf sig í Grindavík: „Mér dauðbrá“

Til lítils að svekkja sig nú yfir hlutdrægum dómurum.

Íslenska landsliðið sýndi það í leiknum við Þýskaland að þáð getur, ef rétt er á haldið, vel átt erindi í hóp sterkustu handboltaþjóða heims. 

Í lýsingu sinni á leiknum lýsti Einar Örn Jónsson fram á það hvernig lélegir dómararar sýndu margsinnis hlutdrægni í dómum sínum og kórónuðu það með því að leyfa Þjóðverjum að nýta sér ólöglegar aðferðir á síðustu mínutu leiksins.  

Þetta er svekkjandi, en fánýtt að vera að eyða dýrmætum tíma nú í að sökkva sér ofan í slíkt þegar aðalatriðið er að vinna jákvætt úr reynsluna af hinum tímabæra og gagnlega leik liðs okkar; besta leik okkar hingað til á mótinu. 

Aron: Þetta fór mikið í taugarnar á mér

"Eigi skal gráta Björn bónda, heldur safna liði"?

Þessi setning hefur verið höfð eftir Ólöfu ríku Loftsdóttur þegar bóndi hennar hafði verið drepinn og gætu kannski átt við eftir hrakfarir íslenska karlalandsliðsins í kvðld. 

Nýrri setningu væri hægt að bæta við: "Rallið er ekki búið fyrr en það er búið."

Er ekki rétt farið með að meðal þjóða, sem eru sárar leiknar en Íslendingar, eru lið á borð við Spánverja, sem hafa úr enn hærri söðlum að detta og eru með síst skárri kosti í boði? 

Það er einboðið, að nota leikina, sem Íslendingar eiga eftir að leika, til þess að vinna sig áfram út úr stöðunni, sem er þó í boði. 

 

Hver mistökin á fætur öðrum gegn Ungverjum

Önnur af tveimur ógnvænlegustu "sviðsmyndunum": Mannvirkin í Grindavík.

Í starfi vísindamanna í kringum umbrotin á Reykjanesskaga hefur stór hluti snúist í kringum það að búa til svonefndar "sviðsmyndir", annað orð yfir orðið möguleika.  

Þetta var notað í vinnu við viðbrögð við fyrstu gosin, í Geldingadölum og Meradölum, sem stundum hafa verið spyrt saman úndir heitinu Fagradalsgos. 

Eftir tveimur aðal sviðsmyndum hefur verið unnið að varnargörðum við tvö stærstu verðmætin, mannvirkin í Grindavík í formi hafnar, fyrirtækja og húsabyggðar, og hins vegar Svartsengisvirkjun, vatnsveitur og Bláa lónið norðan við Þorbjarnarfell.   

Nú er að koma í ljós að undir húsabyggðinni í Grindavík er að myndast sigdalur þar sem land allt er kolsprungið á þann veg, að muni lenda í væntanlegum gosstað. 

Þokkalegt að tarna og sýnir vel hve snúin og flókin staðan er á þessu svæði. 

Vill endurskoða reglur um heimagistingu fyrir Grindvíkinga

Blönduð leið í Eyjum fyrir hálfri öld. Flóknara og stærra í Grindavík?

Þótt útlitið í Eyjagosinu 1973 væri dökkt til að byrja með römbuðu menn á lausn vandans sem réðist af mjög sérstæðum aðstæðum. 

Í Eyjum var um tiltölulega lítið gos að ræða, sem fljótlega var aðeins í gangi í einum afmörkuðum gíg á upphaflegu gígsprungunni. 

Lögun hraunsins og þykkt gerði mögulegt að bjarga ótrúlega miklu með gríðaröflugri vatnsdælingu. 

Nú þegar sést vel að viðfangsefnið í Grindavík er miklu stærra og flóknara með bæjarstæðið krosssprungið og illvígt viðureignar. 

Þara að auki eru afdrif Svartsengis enn óráðin. Og kvikugangurinn, sem liggur í gegnum sjálft bæjarstæðið, er alls um 15 kílómetra langur, margfalt lengri en upprunalegi kvikugangurinn í Eyjum.  Og í ofanálag bíða fjórir aðrir eftir því að koma síðar til skjalanna á öllum skaganum á næstu áratugum og öldum. 

Hraunið runnið yfir varnargarðinn

Tóku Íslending á þetta.

Hafi mörgum fundist þeir aldrei upplifað annað eins í lok leik Íslendinga og Serba í gærkvöldi, verður slík fullyrðing að standast leiðréttingu í kvöld; við höfum aldrei upplifað annað eins tvö kvöld í röð eins og nú er raunin. 

Á rúmri mínútu í leikslok misstu Norðmenn niður tveggja marka forskot og fyrsta stig Norðmanna á stórmóti af þessu tagi var skyndilega staðreynd. 

Í báðum leikjunum hjálpuðu einstaklingsmistök til við að skola stigi til frændþjóðanna norrænu utan af Norður-Atlantshafi. 

Lengi hefur haldist líf í hugtaki í handboltanum hjá okkur, þar sem talað er um að taka Júgga inn í spilið. 

Kannski er komið tilefni til að tala um það að "taka Íslending" á þetta?

Færeyingar komu til baka og náðu í stig

Tvö gullmörk Arons, eins og klippt út úr spennusögu.

Mörkin tvö sem Aron Pálmarsson skoraði á síðustu mínútum leiksins við Serbíu komu eftir að honum hafði verið skipt inn á. 

Aron hefur að baki stöðu burðaráss í landsliðinu bæði í vörn og sókn, auk þess sem álagið á honum á atvinnumannsferlinu var orðið svo sjúklega erfitt og krefjandi, að það var farið að bitna á honum í formi meiðsla og leikþreytu. 

Hann söðlaði því um og fékk þægilegra prógramm sem gerði honum smám saman kleift að ná þeim árangri, sem blasti við í blálok leiksins i gær, að koma inn á ögurstundu leiksins og snúa honum úr beiskum ósigri í einhvern eftirminnilegasta viðsnúning sem menn muna. 

Aron Pálmason, þökk fyrir eitt af stærstu augnablikum íslenskrar handboltasögu. Svona geta aðeins snillingar framkvæmt.   

Hvað í fjáranum Aron Pálmarsson?