Hamfarahlaup til vesturs er stærsta ógnin hjá Kötlu. Hrollvekjan Drumbabót.

Langflest jökulhlaupin sem komið hafa úr Kötluöskjunni í gegnum aldir og órþúsundir, hafa hlaupið til austurs, og þannig var það 1918.  Einstaka hafa komið niður frá Sólheimajökli, og sagnir eru frá einu slíku í upphafi byggðar í landinu.  

Þau hlaup, sem mestan usla geta gert, hlaupa til vesturs niður í farveg Markarfljóts og Þverár, og er staðurinn Drumbabót beint niður af Fljótshlíð einn mest hrollvekjandi vitnisburðuinn um þau gríðarlegu eyðingaröfl, sem íslenskar eldstöðvar geta búið yfir. 

Í Drumbabót standa sundurhöggvin trá upp úr sandinum, sem fyrir landnám geystist niður til vesturs í geysilegu aurflóði, sem mölbraut og sópaði burtu stórum birkiskógi, sem þá þakti greinlega allt þetta svæði. 

Hamfaraflóð til vesturs er líklega mesta ógnin, sem stafar frá Kötlu, því að það gæti borist til suðurs og vesturs yfir byggð í Landeyjum og valdið gríðalegu tjóni.   

Sundurhöggvin trén í Drumbabót gefa smá hugmynd um það yrði undan að láta niðri á sléttunni í formi húsa og mannvirkja ef allt færi á versta veg. 

Hefur áhyggjur af Kötlu

Notkun rafbíla kostar alveg nýja nálgun ökumanna.

Notkun rafbíla í stað eldsneytisknúins bíls krefst nýrrar nálgunar ökumannsins hvað varðar aksturslag og athygli við að nýta sér upplýsingarnar sem sjá má á upplýsingaskjá bílsins. 

Eitt af því sem er algengt er það, að notkun miðstöðvar til upphitunar krefst mun meiri orku en í bíl sem fær hitann frá afgangsorkunnar sem verður í brunahólfi eldsneytishreyfilsins. 

Hjá flestum ökumönnum beinist athygli þeirra og aksturlag fljótlega meira að því að nýta upplýsingarnarnar af skjánum til þess að spara upphitunina, en hins vegar veita aðrir þessu minni eða jafnvel enga athygli.  

Uppgefin orkugeymd lithíum rafhlaðna miðast við 20 stiga útihita, en drægnin minnkar um eitt prósent fyrir hvert hitastig sem útihitinn fellur. 

Það sýnist ekki stórvægilegt, en við 0 stiga hita er drægnin 20 prósent minni og í 10 stiga frosti 30 stigum minni. 

Mismunur rafbíla og eldsneytisknúinna bíla er sá, að útihiti hefur margfalt meiri áhrif á rafbíla en eldsneytisknúna bíla. Kalt veðurfar er því dragbítur á rafbíla á norðurslóðum. 

 Við mat á drægninni er notað opinber mælingaaðferð sem ber heitið WLTP og er hún með heldur hærri drægnistölur en raunin er á norðlægum sloðum. 

Margir framleiðendur og seljendur rafbíla minnast á það við sölu bíla sinna, að drægnin geti liðið fyrir aksturlag og aðstæður.

Í fréttinni frá Noregi er ýjað að því að innrás Kinverja á alþjóðleg rafbílamarkaðinn kunni að eiga einhvern þátt í svona fréttum, en í upplýsingum um rafhlöður í þeim bílum er ekki hægt að finna slíkt út.    

Fá rafbíl endurgreiddan vegna of lítillar drægni

Einstein: Ekki hægt að bæta úr mistökum ef nota á sömu hugsun og olli þeim.

Stóra myndin af auðlindamálastefnu jarðarbúa er sú, að hún er knúin áfram af óseðjandi nýtingarþörf í veldisvexti og í því felast grundcallarmistök. 

Hermt er að Albert Einstein hafi sagt almennt um mistök, að ef menn ætluðu sér að læra af þeim og bæta sitt ráð, fælist kolröng leið í því ef nota ætti sömu hugsun við það og olli þeim. 

Þetta gildir um íslenska orkustefnu.  Eina ráðið, sem síbyljukórinn um að tvöfalda virkjanahraðann kann, felst í sömu hugsuninni og olli meintum orkuskorti nú til orskuskipta. 

Talan, sem vitnar um það er 80 prósent, þ.e. þau 80 prósent af orkuframleiðslu okkar sem fara til erlendra stóriðjufyrirtækja og rafmyntagraftar. Þessi talar hækkar sífellt á kostnað íslenskra fyrirtækja og heimila. 

"Popplag í G-dúr, það er engin leið að hætta" sungu Stuðmenn, og hækkuðu sífellt tóntegundina. 

„Þurfum að hafa hraðari hendur“

Steyptist lóðrétt niður úr 38 þúsund feta hæð á 30 sekúndum?

Birst hafa fréttir af því, að aðeins 30 sekúndum fyrir brotlendingu Embraflugvélar Brigosjíns hafi allt flugið gengið tíðindalaust. 

Þá hafi hún skyndilega fallið í svo djúpa dýfu, að nálgaðist lóðrétt hrap.  

Hafi það á annað borð verið ætlun þeirra, sem hugsanlega hafi borið ábyrgð á slysinu, að koma Brigosjín fyrir kattarnef, þá varð dauði þeirra, sem um borð voru, margfalt meira tjón fyrir Wagner hópinn, því að forysta hans var nánast þurrkuð út.

Verði orsakir slyssins ekki upplýstar, hefur Pútín látið framkvæma sjaldgæft ippon gagnvart mótstöðumönnum sínum. 

Vitnisburðir sjónarvotta af svona slysum eru yfirleitt óáreiðanlegir, oftast þannig að í endurminningunni verður sprenging, sem verður þegar vélin kemur niður, ranglega á meðan hún er á flugi.  

Flugriti vélar Prigósjíns fundinn

Vandasamt að smætta lúxusbíla.

Gott dæmi um það hve vandasamt það geti verið að smætta lúxusbíla fólst í örlögum bandaríska bílsins Packard fyrir bráðum heilli öld.

Á uppgangsárunum fyrir kreppuna miklu á fjórða áratug síðustu aldar náði Packard þeim harðsótta sessi að verða "the standard of the world", þ.e. eftirsóttasti bíll þjóðhöfðingja og mestu valdamanna. Roosevelt Bandaríkjaforseti sendi fyrsta forseta Íslands Fackard Clipper bíl að gjöf með Goðafossi haustið 1944, en hann sökk með skipinu út af Garðskaga og hvílir þar enn á hafsbotni. 

Fundinn var annar, eldri og stærri Packard í staðinn, sá sem nú er í eigu embættisins. 

Hjartað í Packard var vélin, átta strokka "flathead" línuvél sem vó næstum hálft tonn. 

Þegar nýjar gerðir bíla komu á markaðinn eftir stríð vantaði Packard fé til að endurnýja útlit bíla sinna. 

Til að bjarga því máli fyrir horn var það ráð tekið að bæta við uppfyllingarefni í hliðar Packard Clipper, sem var að vísu sæmilega fallegur, en þetta tókst ekki vel, og klíndu sumir viðurnefninu "pregnant elefant" á bílinn, hann var bæði klunnalegur og viðbæturnar á brettum og hliðumm vógu hátt í 100 kíló. 

1948 gerði GM atlögu að Packart með spánnýjum Cadillaac sem var fyrsti bíllinn með uggum að aftan, sem entust sem tákn í 17 ár. 

Aðalatriðið var þó stórgóð V-8 toppventlavél, sem bar af hliðarventla hlunknum í Packard. 

Og nú komu 15 ára gömul Packard í koll, sem sé þau, að til þess að bíta af sér kreppuna ákvað Packard bjóða upp á minni og ódýrari gerðir með sex strokka hliðarventlavélum.

Þetta bjargaði að vísu fyrir horn, en aðeins í bili, því að í ljós kom mikið óhagræði varðandi ímynd Packard nefnsins sem besta lúxusbíls heims. 

Íslendingar fylgdust hlægilega illa með, því að þegar síðasti forseta Packardinn var keyptur, var hann aðeins Studebaker í lélegu dulargervi eftir að Packard sameinaðist Studebaker.  

Cadillac rann sitt skeið sem "standard of the world" með tilkomu Benz S og Lexus G400 í lok aldarinnar og bæði þessi merki hafa orðið að fara í gegngum það ferli að bjóða upp á misstóra og misdýra bíla líkt og Packard gerði fyrir 90 árum.  

Samsetning kaupendahópsins hefur gjörbreyst með tímanum og gott gengi Benz og Lexus sýnir, að ef rétt er að þessu staðið, á það að geta heppnast og auðgað bílaflóruna. 

Smár, knár og með stóra drauma

Flókið mál. Var verið að refsa Brigósjín?

Eins og flest, sem tengst hefur Jevgení Brigósjín, er erfitt að ráða í þær ástæður sem hafa ráðið þar för.  

Þegar Pútín samdi við hann  á dögunumm, kom þar fram að hann yrði í útlegð í Belarus og kæmi ekki ekki til Rússlands. 

Þá brá svo við að Brigósjín ferðaðist eins og jó jó á milli Skt.Pétursborgar og Moskvu og dúkkaði upp um víðan völl, síðast í Afríku rétt fyrir dauða sinn.  

Jafnan hefur verið erfitt að rekja þau mál þegar helstu andstæðingar Pútíns hafa lent í hremmingum, svo sem eitrunum og mál Brigósjíns virðist sveipað svipaðri hulu. 

Minntist ekki orði á flugslysið

Á leiðinni til að verða fjölmennasta þjóð heims.

Glöggir menn hafa spáð því að Indverjar stefni í það að verða fjölmennasta þjóð heims. Hvað sem því líður er hægt að færa fyrir því sterk rök að þeir séu fjölmennasta lýðræðisþjóð heims. 

Lending þeirra á tunglinu kemur á besta tíma fyrir þá á sama tíma sem brotlending Rússa er áfall fyrir þá. 

Indverjar eru mikil iðnaðarþjóð en framleiðsluvörurnar sumar hverjar næsta frumstæðar. 

Þrír Íslendingar fóru á sínum yngri árum frá Reykjavík til Tíbet með reiðhjól sem fararskjóta og lifðu sem mest meðal heimamanna í þeirri löngu ferð. Lýsingar þeirra af þessari mikilfenglegu þjóð og landi hennar voru ævintýralegar. 

Mengun í indverskum borgum er einhver hin mesta í heimi og umferðin frumstæð, reiðhjól og vélhjól.  

Þótt ekki fari það hátt er slatti af indverskum bílum í bílaflota okkar, Suzuki Alto. Þeir voru ódýrustu bílarni á sínum markaðsárum og hafa reynst vel. 

Indversk útgáfa af Alto hefur verið vinsælasti bíll á Indlandi, og tilraun Indverja með Nanó, ódýrasta bíl heims, mistókst hér um árið.  

Gísli á Uppsölum sagðist reyna að taka sér indverska fakíra til fyrirmynd, og sagðist telja það merkasta heimsviðburðinn áður en einveruár hans hófust fyrir alvöru þegar Indland fékk sjálfstæði. 

Því miður var Gísli svo óskýr í máli þegar hann sagði þetta, að í "þýðingarteksta" með sjónvarpsþættinum olli misheyrn mín því, að mér heyrðist hann segja England en ekki Indland. 

 

 

Far Indverja lent á tunglinu

Einu sinni tók bæjarstjóri Reykjavíkur að sér umferðarstjórn.

Um þessar mundir eru líkast til ein ðld síðan Knud Zimsen þáverandi bæjarstóri, tók að sér að stjórna umferðinni á gatnamótum Austurstrætis og Pósthússtrætis ef rétt er munað.  

Af þesss náðist ljósmynd, sem víða birtist. Þetta var á þeim tíma sem íbúar Reykjavíkur voru aðeins innan við 30 þúsund enda var bærinn aðeins bær og varð ekki borg fyrr en þremur áratugum síðar. 

Vegfarandi stjórnaði umferð

Íþróttafélög eða bygginga-fjárafla-og verktakafélög?

Gamalgrónu íþróttafélögin í Reykjavík, KR, ÍR, Valur, Ármann, Þróttur, Fram og Víkingur hafa í eegnum tíðina fengið að skjóta rótum á afmörkuðum svæðum sem hafa verið ætluð til nota fyrir íþróttastarf. 

Með tímanum hafa orðið talsverðar breytingar hvað varðar þessi svæði, og eru helstu ástæðurnar hreyfingar í búsetu og aldur íbúanna. 

Fróðlegt og gagnlegt kann að vera að rannsaka eðli og umfang þessarar sögu og það hvernig íþróttafélögin hafa farið út úr þessum breytingum í gegnum tíðina og eru raunar á fullri ferð enn.  

Valur vill byggja íbúðir á æfingasvæði

"Það besta er ókeypis"?

"The best things in life are free" hét vinnsæll slagari á síðustu öld og hefur kannski mikið gildi enn í dag. 

Hlutir eins og loft, og vatn eru allt í einu orðin hundraða milljarða virði, hvort sem það er loft á hreyfingu fyrir svonefnda vindorkugarða, hreint vatn fyrir neyslu eða rennandi vatn fyrir orkuframleiðslu. 

Í öllum fréttunum af þessum auðlindum kemur fram, að mikið vantar á að búið sé að ganga almennilega frá öllu lagalegu umhverfi þeirra, og er þar mikið verk óunnið. 

Kaup á vatnsverksmiðju tefjast um eina viku