Mourinho þálfari Manchester United?

Hlægileg og fáránleg hugmynd?  Ekki viss. Það er orðið heitt undir þjálfara United.

Þjálfari með einstaklega glæsilegan feril að baki er á lausu, og þar að auki ku hann hafa minnst á MU sem áhugavert viðfangsefni. 

Þjálfari og hópur leikmanna eru oft eins og aðilar að hjónabandi, - annað hvort eiga þeir saman eða ekki, 

United tapaði heima - Leicester jók forskotið

Rafhjólin eiga mikla ónotaða möguleika.

1955 sendi ég foreldrum mínum póstkort frá Kaupmannahöfn og sást þar hvernig Vesterbrogade var að miklu leyti þakin af reiðhjólafólki. 

Myndin sýndi vel hve afköst þessarar reiðhjólaumferðar var miklu meiri en bílaumferðarinnar á okkar tímum, því að engir umferðarhnútar mynduðust í reiðhjólaumferðinni vegna þess að hver bíll tekur jafn mikið rými og sex reiðhjól.

Danir hyggjast endurskoða borgarumferðina rækilega í ljósi breyttra aðstæðna í orkumálum, einkum hvað varðar notkun rafhjóla.

Í myndbandinu Let it be done! "on a journey to a sight that must be won" hefst ferðin á því að farið er rafhjóli um Mosfellsdal, Mosfellsdal, Þingvelli og Geysi á hljóðlátan og ljúfan hátt, og rafskutlur á Þingvöllum ríma vel við það.

 

(slóð:    https://youtu.be/y_rFz-gF5dg  ) 

Rafskutlur á Þingvöllum

Mótsögnin í einræði leiðtoga úr minnihlutahópi.

Það sýnist rökrétt að í sambandsríki eða landi með þjóðarbrotum hljóti skerkasti leiðtoginn að koma úr röðum stærsta þjóðarbrotsins.

En reynslan styður ekki þessa kenningu.

Varla er hægt að hugsa sér valdameiri einræðisherra hátindi feris þeirra en Stalín, Tító, Hitler, Saddam Hússein, Napóleon eða Assad Sýrlandsforseta.

Og valdamesta persónan í Þýskalandi, Angela Merkel, kemur fá útjaðri landsin.

Stalín kom frá Georgíu en ekki Rússlandi, Tító frá Króatíu en ekki Serbíu, Hitler frá Austurríki, Napóleon frá Korsíku, Saddam Hussein úr minnihlutahópi Súnníta og Assad úr 12% minnihlutahópi Alavíta.

Í mörgum tilfellum kann ástæðan að hluta til að vera sú, að stærstu hóparnir sætta sig helst við það að þriðji aðili veljist til forystu.

Ef sá er klókur getur hann oft spilað þannig úr stöðunni að veikleikinn verði að styrkleika, vegna ótta manna við það að valdataka stærsta trúarhópsins leiði af sér verstu hugsanlegu ógnarstjórnina.

   

 

Hvergi minnst á Assad í ályktun ráðsins

Óskapnaður. Löngu tímabært þjóðþrifaverk.

Ég átti þess kost að sitja upplýsinga- og umræðufund um skattlagningarkerfið í samgöngum í haust og kom út sýnu ringlaðri en ég var þegar fundurinn hófst.

Kerfið er þvlíkur frumskógur af óteljandi ákvæðum, reglum og undanþágum frá mismunandi tímum, úr mismunandi áttum og af mismunandi tilefnum, að eina orðið sem manni datt í hug var óskapnaður.

Því stærri og flóknari, sem svona frumskógur reglna er, og því fleiri ráðuneyti og stofnanir sem eru flækt í málið, því erfiðara verður að koma einhverju skikki á hlutina.

En það verður sannkallað þjóðþrifaverk.   

Endurskoða eldsneytisgjöld

"Málþóf", sem allir hallmæla en enginn vill missa.

Í þingskapalögum er ákvæði um stöðva megi umræður og knýja fram atkvæðagreiðslu ef umræður verði úr hófi fram langar.

Í 66 ár, allt frá 1949, hefur þessu ákvæði aðeins verið beitt einu sinni, þrátt fyrir kvein og kvartanir ótal stjórnarmeirihluta þvers og kruss um "málþóf" stjórnarandstæðinga.

Allir þessir stjórnarmeirihlutar gátu beitt ákvæði þingskapalaga til að stöðva málþófið en aðeins einu sinni gerðist það, og menn muna ekki einu sinni út af hverju eða hver gerði það.

En þetta fyrirbrigði hefur augljóslega orðið til vegna þess að menn horfa fram í tímann og þótt þeir séu í stjórnarmeirihluta þá stundina vilja þeir ekki missa af þeim möguleika síðar að geta beitt málþófi ef þeir lenda í minnihluta.

Tvö dæmi sýna þetta.

Síðasta vetur Jóhönnustjórnarinnar beittu Sjallar og Framsóknarmenn málþófi miskunnarlaust en þáverandi stjórnarflokkar áræddu ekki að beita heimildinni til að stöðva það, - langlíklegast vegna þess að þeir skynjuðu að þeir yrðu ekki í meirihluta eftir kosningar, og að þá gæti orðið ágætt fyrir þá sjálfa að hafa stuðlað að viðhalda þeirri hefð að stöðva ekki málþóf.

Þetta gekk eftir en nú hefur dæmið snúist við, - núverandi stjórnarflokkar skynja að óbreytt stjórnarmynstur verði ekki eftir næstu kosningar, sem verða eftir rúmt ár, og að þá geti orðið ágætt að hafa stuðlað að þeirri hefð að stjórnarmeirihluti beiti ekki valdinu til að stöðva málþóf.   

Snakktollurinn ræddur á þingi

Pútín: Öflugur á skákborði alþjóðastjórnmálanna.

Josef Stalín var öflugur á skákborði alþjóðastjórnmálanna á sinni tíð, las stöðuna af klókindum og hikaði ekki við að leika óvænta, djarfa og raunsæislega leiki eins og til dæmis að gera griðasamnng við Hitler 23. ágúst 1939.

Ævinlega með það takmark að Sovétríkin kæmu sem best frá skákborðinu.

Pútín spilar úr sínum spilum og taflstöðu á svipaðan hátt og kemst fyrir bragðið upp með einræðislega stjórnarhætti heima fyrir á meðan vel gengur að spila úr erfiðri stöðu.

Eftir hraða minnkun áhrifasvæðis Rússa og sókn NATO og ESB alveg inn i fyrrum hluta Sovétríkjanna og sjálf Úkraína var næst á listanum, sagði Pútin: hingað og ekki lengra.

Lega Úkraínu gagnvart Rússlandi er ekki ósvipuð legu Kanada gagnvart Bandaríkjunum og því lá það fyrir að Pútín myndi hafa úrslitavald um útkomu mála eystra ef hann teldi sig verða að beita því.

 

 

  

Pútín sparar ekki stóru orðin

Fleiri álitamál.

Það er ekki nýtt að mál innflytjenda sé afgreitt á svipaðan hátt og nú virðist stefna í varðandi Albanina.

Ef ég man rétt fékk Bobby Fisher að flytja til Íslands á sínum tíma með snöfurlegri afgreiðslu í stíl við þá sem nú er unnið að varðandi Albanina.

Alþingi taldi sig hafa heimild, lögum samkvæmt, að veita Fisher ríkisborgararétt, rétt eins og það hafði áður gert, til dæmis þegar Vladimir Ashkenazi fékk ríkisborgararétt.

Ekki man ég hvort Björn Bjarnason, gerði athugasemdir við það, en hvað sem því líður væri fróðlegt að sjá ítarlega faglega úttekt á öllu lagaumhverfinu í þessum málum.

Virða ekki þrískiptingu valdsins

Illuga skipað á bekk með stjórnarandstöðunni.

Einu sinni skömmuðu Sovétmenn Kínverja með því að tala um Albaníu í staðinn.

Allir skildu sneiðina, af því að Albaníustjórn var eina kommúnistastjórnin í Evrópu sem aðhylltist útgáfu Maós af kommúnismanum.

Nú hellir forsætisráðherra sér yfir stjórnarandstöðuna og velur henni hin verstu orð fyrir það að vilja styðja frumvarp Illuga Gunnarssonar um óbreytt útvarpsgjald.

Þessi harða gagrýni SDG á augsjáanlega við Illuga Gunnarsson. 

 

„Allt árásir og pólitískar aðfarir“

Það liggur enginn þjóðvegur "um Hafnarfjall."

Það nýjasta sem maður sér nú um þjóðvegakerfið er að vegurinn "um Hafnarfjall" sé lokaður.

En það liggur enginn vegur um Hafnarfjall, heldur liggur vegurinn um lárétt láglendi undir Hafnarfjalli eða framhjá fjallinu.

Næsta skref í svona vitleysu gæti þá allt eins orðið að vegirnir um Esju eða um Öræfajökul væru lokaðir.

 

Lokað um Hafnarfjall

Það tæknilega er ekki alltaf nóg.

Óvenjulegt uppgjör Jose Mourinho eftir tapleikinn gegn Leicester gaf til kynna að hann skynjaði að hverju stefndi. Hann nefndi þau leikatriði Leicester sem hann hefði farið í gegnum með leikmönnum sínum fyrir leikinn en þeir einhvern veginn ekki farið eftir greiningu hans og ráðleggingum.

En þetta er aðeins hluti af því flókna dæmi sem þjálfun eins liðs er, bæði andlega og líkamlega.

Þegar meistaralið er skyndilega komið niður í eitt stig frá fallhættu, er augljóslega eitthvað verulega mikið og djúpstætt að.

Mourinho stillti því upp sem óskeikulleika sínum andspænis vangetu stórs hluta liðsins.

Sú uppstilling reyndist banabiti hans, því að þurfi á annað borð að gera eittvað róttækt, er einfaldara að reka einn þjálfara en lungann úr liðinu.

Á einhvern hátt missti Mourinho tökin á liðinu og lýsti því óbeint sjálfuri í lokin..

 

7,8 milljarða starfslokasamningur