Vinyllinn er bestur.

Rafeindatæknibúnaður jarðarbúa er að vísu stórkostlegt undur og fullkomið meðan allt leikur í lyndi.

En hann er afar viðkvæmur fyrir truflunum í segulsviði að ekki sé minnst á fyrirbærir "magnetic pulse" sem fylgir kjarnorkusprengingum. 

Á tímabili óttuðust Bandaríkjamenn það mjög að Rússar myndu fara betur út úr kjarnorkustríði en Kanar vegna þess að þá notuðu Rússar enn gömul lampatæki í stórum stíl en Kanar voru farnir út í tölvutæknina. 

Um þessar mundir er ég að reyna að bjarga myndböndum og hljóðböndum, sem tekin voru upp fyrir aldarfjórðungi. 

Er það mjög erfitt því að böndin eru þegar farin að eyðileggjast við það að klístrast smátt og smátt saman í kyrrstöðu geymslunnar. 

Ef hljóðið hefði verið tekið upp á vinylplötur hefði engar áhyggjur þurft að hafa.  Enn hefur ekkert öruggara geymsluform fundist hvað snertir varðveislu hljóðritana. 

Vinyllinn er bestur.

Rafeindatæknibúnaður jarðarbúa er að vísu stórkostlegt undur og fullkomið meðan allt leikur í lyndi.

En hann er afar viðkvæmur fyrir truflunum í segulsviði að ekki sé minnst á fyrirbærir "magnetic pulse" sem fylgir kjarnorkusprengingum. 

Á tímabili óttuðust Bandaríkjamenn það mjög að Rússar myndu fara betur út úr kjarnorkustríði en Kanar vegna þess að þá notuðu Rússar enn gömul lampatæki í stórum stíl en Kanar voru farnir út í tölvutæknina. 

Um þessar mundir er ég að reyna að bjarga myndböndum og hljóðböndum, sem tekin voru upp fyrir aldarfjórðungi. 

Er það mjög erfitt því að böndin eru þegar farin að eyðileggjast við það að klístrast smátt og smátt saman í kyrrstöðu geymslunnar. 

Ef hljóðið hefði verið tekið upp á vinylplötur hefði engar áhyggjur þurft að hafa.  Enn hefur ekkert öruggara geymsluform fundist hvað snertir varðveislu hljóðritana. 

Jörðin er í hættu

Á sögustað á grundvelli gagna.

Bidst velvirdingar a thvi ad geta ekki notad islenskt letur thar sem eg er nu staddur i Thyskalandi.

Það er því tæknilegum tilviljunum háð hvernig letrið verður.

Í gær komst ég á sögustað í Eifelfjöllum ekki fjarri þeim stað þar sem landamæri Belgíu, Lúxemborgar og Þýskaland mætast. 

Þar dvaldi Hitler frá mars fram í maí 1940 og stjórnaði þaðan innrás í Niðurlönd og Frakkland.

10. maí varð viðburðaríkur, því að þann dag hófst hin magnaða innrás en jafnframt bárust þær fregnir til foringjans að Bretar hefðu hernumið Ísland.

Samkvæmt gögnum sem Þór Whitehead fann mörgum áratugum síðar, fékk Hitler eitt af sínum frægu bræðisköstum við að heyra þetta, enda engin furða, því að hernám Íslands var tímamótaviðburður

Þetta var í fyrsta sinn sem Bandamenn höfðu frumkvæði en fram að því höfðu Öxulveldin ævinlega gert innrásir, -  Rínarlönd og Abbesínía 1936, Kína 1937, Austurríki og Súdetahéruð 1938, Tékkóslóvakía, Albanía og Pólland 1939 og Danmörk, Noregur, Holland, Belgía og Frakkland 1940. 

Hitler fékk eitt af sínum frægu bræðisköstum þegar hann frétti

Foringinn skipadi Raeder aðmíráli að gera áætlun um innrás í Ísland.

Reader gerði hana og samkvæmt henni hefðu Þjóðverjar auðveldlega getað tekið Ísland í september fyrir réttum 70 árum ef þeir gátu náð í upphafi yfirráðum í lofti yfir landinu eins og í innrásinni í Noreg.

Fyrir hreina heppni fann ég felustað Hitlers í gær inni í myrkvuðum skóginum nálægt þorpinu Rodert.

Það var magnað að standa þarna og upplifa í huganum þá stund þegar þá voldugasti maður heims ákvað að hrifsa Ísland undir hramm sinn.

Gögnin verða ekki birt

"Eru a ferli..."

Einu sinni gerdi Stefan Jonsson thessa visu um sera Emil Bjornsson:

Sera Emil giftir og grefur.

Glatt er i himnaranninum.

Eru a ferli ulfur og refur

i einum og sama manninum.

 

"...eru a ferli ulfur og refur..." er hending ur ljodi eftir Grim Thomsen.

 

Johannes Gunnarsson, brodir Steingrims J. Sigfussonar, gerdi eftirfarandi visu i tilefni af thvi ad forseti Islands (Olafur Ragnar), forsaetisradherra (David Oddsson) og biskupinn (Olafur Skulason) satu fastir um hrid i lyftu:

 

Illt i for thad avallt hefur

ef menn storka giftunni.

Eru a ferli ulfur og refur

i einu og somu lyftunni.

 

Nu er spurningin, vegna hins nyja vidurnefni forsetans, hver hafi verid refurinn i lyftufestunni fraegu.

Kalla Ólaf Ragnar „silfurref“

Flytja sig fra umferdinni.

Fyrst vil eg bidjast afsokunar ä letrinu.  Kemst ekki i tolvusamband med islensku letri thar sem eg er.

Adur var kjorlendi hreindyranna Hjalladalur, Hals og Kringilsarrani. Drekking dalsins og framkvaemdir vid Karahnjuka hrakti megnid af theim ut ä Fljotsdalsheidi.

Nu hafa thau fundid kyrrara svaedi austar og hafa flutt sig thangad morg hver.

Hlynandi loftslag ar eftir ar veldur thvi ad thau komast betur af en adur fyrr og geta nytt ser thad.

Hreindýrin héldu sig austar en undanfarin ár

Það blauta Holland.

Í gær fór í fyrsta sinn í ferð um Holland, nánar tiltekið akandi frá Shiphol flugvelli áleiðis upp í Eifel-fjöll, sem eru vestur af Koblenz en norðan Rínardals í Þýskalandi.

Þar er ætlunin að taka myndskeið í heimildarmyndina "Brúarjökull og innrásirnar í Ísland." 

Hvergi er þéttbýli meira í Evrópu en í Hollandi, og mætti ætla að þar væri greiðfært eftir flottum hraðbrautum. 

En önnur er raunin á þessari leið.  Mest alla leiðina þarf að paufast í hverri umferðarteppunni á fætur annarri og hámarkshraðinn lengst af 50 km/klst, í besta falli 80. 

Meirihluta leiðarinnar var ekið á brautum svipuðum hinni marg bölvuðu leið milli Hvergerðis og Selfoss, en þó mun hægar. 

Það fór ekkert að rætast úr fyrr en komið var á þýskrar brautir sem tóku við austan Nijmegen-brúar yfir Rín. 

Holland er gernýtt til landbúnaðar og síki og vötn eru áberandi í þessu marflata landi. 

Þegar Jón Hreggviðsson kom til Kaupmannahafnar eftir að hafa hlaupið yfir Holland og nyrsta hluta Þýskalands lætur Nóbelskáldið hann tala mest um hið blauta Holland, kannski vegna þess að vegna votlendis og skurða hafi það verið torfærasti hluti leiðarinnar. 

Enn þann dag í dag virðist þetta land vera torfært hvað það snertir að maður er ótrúlega hægfara á vegum þess.  Ég verð því að taka undir með Jóni Hreggviðssyni. 

 

Lúmsk hálka í borginni

Kettirnir og heiti grauturinn.

Fyrirsjáanlegt var að alþingismenn ættu erfitt með að taka á því sjóðheita máli sem Landsdómsmálið er og að það yrði mjög persónubundið, hvernig hver og einn tæki á því.

Af allri atburðarásinni má ráða undirliggjandi löngun margra þingmanna til þess að þessi kaleikur verði frá þinginu tekinn, helst þannig að eitthvað gerist sem drepi málinu á dreif án þess að viðkomandi þingmaður geti kennt sjálfum sér um það. 

Sjóðheitur grautur getur verið varasamur og forsætisráðherra hefur áður talað um að það sé líkt og að smala köttum að fá þingmeirihluta fyrir sumum málum. 

Nú hafa bæst við margir kettir á þingi sem eiga erfitt með að nálgast hinn heita graut Landsdómsmálsins heldur ganga í kringum hann í anda máltækisins, - eins og kettir í kringum heitan graut. 

Mikil reiði innan VG

Læra af Íslendingum ?

Margir útlendingar hafa undrast ýmislegt varðandi ýmislegt sem gerðist í Búsáhaldabyltingunni.

Fyrir mann eins og mig, sem stóð í fyrsta sinn á fjölum leikhúss 12 ára gamall og túlkaði kornungan byltingarmann standandi uppi á götuvígi í París 1832 var það mikil upplifun að standa í raunverulegri baráttu af þessu tagi við Alþingishúsið í janúar 2009 og upplifa þann taugatitringinn, sem var á báða bóga. 

Þegar minnstu munaði að allt færi gersamlega úr böndunum gerðist það ótrúlega að byltingarmenn sjálfir mynduðu varðsveit til þess að verja lögreglumenn gegn ribböldum, sem virtust vera þarna komnir til þess eins að hleypa öllu upp og láta það fara úr böndunum. 

Ólíklegt er að slíkur skilningur milli mótmælenda og lögreglumann hefði getað myndast í öðru landi, en líktast til gerðist þetta vegna þess hve samfélag okkar er lítið og fólk þekkist vel. 

Þetta atriði kom vel fram í heimildarmynd Helga Felixsonar um Hrunið og eftirmál þess, "Guð blessi Ísland". 

Hinir útlendu gestir munu kannski kynna sér það dómsmál, sem nú er rekið í eftirmála Búsáhaldabyltingarinnar. 

Í því máli á eftir að reyna á þann skilning, sem nauðsynlegur er af hálfu þess valds, sem kennt er við réttvísi og sanngirni. 

Læra af Búsáhaldabyltingu

"Ást - er..."

Þegar litið er á spurninginalistann í fréttinni, sem þetta blogg er tengt við, vill svo skemmtilega til að spurningunni "hvað er ást?" er svarað á afmælisskemmtun minni þegar við Þuríður Sigurðardóttir syngjum um hana dúett í laginu "Á-S-T".

Svarið er svona: 

 

Á-S-T. 

 

Ást -  er gangverk lífsins ár og síð. 

Ást -  greip ömmu og afa á sinni tíð.

Ást  -  er unaður 

og -  ást er munaður 

og -  ást er óstöðvandi, óseðjandi og ólýsandi. 

 

Ást - er ofar öllu´í heimi hér. 

Ást -  er það sem laðar mig að þér. 

Ást -  er gæsahúð

hjá glaðri brúði

undir súð, - 

já, ást -  var gefin mér og þér. 

 

Þriggja stafa orð: 

 

Á, - er ástríðan og ákafinn. 

S -  er sætur sælustraumurinn. 

T -  er töfraspilið, 

      tæpa millibilið, 

      týnt par upp við gilið, 

      tíst og andvörp bak við þilið. 

 

Ást -  er eitthvað sem ég aldrei skil. 

Ást -  er ástæðan að vera til. 

Ást, -  hún tælir, tryllir, 

         töfrar, æsir, göfgar, spillir. 

Ást  - var gefin mér og þér. 

 

Það er mjög gaman að syngja þetta lag í syngjandi sveiflu með góðri söngkonu og ég hlakka til að gera það næst í Háskólabíói 4. október næstkomandi.

„Hver er tilgangur lífsins?“

Hvernig skal réttvísin vera?

Réttvísin hefur margar hliðar. Eins og nafnið bendir til er ætlast til að grunnur hennar sé siðfræðilegur, þ. e. að finna út hvað sé rétt eða rangt, hvaða gjörðir manna eða aðgerðarleysi teljist hafa verið þannig að koma verði því fram að þeir taki afleiðingum með því taka út refsingu.

Vandinn varðandi Landsdómsmálið er sá að þegar dæmt er eftir lögum hafa menn lítið annað til að fara eftir en lagabókstafinn sjálfan en hann kann hins vegar að vera gallaður. 

Fyrningarákvæði laga varðandi ráðherraábyrgð er megingalli núverandi löggjafar því að þeir, sem mesta ábyrgðina bera á Hruninu eða því að það varð svona stórt, voru að hluta til hættir störfum vorið 2007 þegar Hrunið var þegar orðið óhjákvæmilegt. 

Sjá má þeirri skoðun haldið fram að sanna verði að rangar embættisfærslur þeirra sem rætt er um að ákæra hafi valdið Hruninu. 

Á hinn bóginn er bent á að embættisfærslur geti hafa gert Hrunið stærra en það hefði orðið og að viðkomandi beri að svara fyrir það. 

Síðan sést á orðum forsætisráðherra í dag að hægt er að túlka orðið "embættisfærsla" á mismunandi hátt. 

Ef það er túlkað á þröngan hátt varðandi fyrrverandi utanríkisráðherra, aukast mjög líkur á sýknudómi, sem aftur þýðir það að ákæra eigi ekki rétt á sér, vegna þess að líkurnar þurfi að vera yfirgnæfandi á sektardómi til þess að hægt sé að réttlæta ákæru.  

Ef orðið "embættisfærsla" er hins vegar túlkað mjög rúmt gæti það náð yfir fundi oddvita stjórnarflokkanna og fjármálaráðherra um ástandið.  Og þá gæti ábyrgðin færst út til þeirra, sem voru í ríkisstjórn og áttu að bera samábyrgð á málinu í samræmi við það að ríkisstjórnin sé fjölskipað stjórnvald. 

Ýmis sjónarmið togast á, til dæmis varðandi það að hugsanlega vanti upp á að þeir svari til saka sem ábyrgð beri.  Annars vegar það að vegna ágalla fyrningarákvæðanna verði dómar óréttlátir.  Hins vegar það að fyrst lög um Landsdóm séu á annað borð í gildi, verði að dæma eftir þeim, rétt eins og að þjófar séu dæmdir þótt vitað sé að stórtækari þjófar sleppi. 

Orðið réttvísi verður að mínum dómi að vera viðmiðið, hvernig sem fer. 

 

Gagnrýnir málsmeðferð