"Orkunýtni - koma svo!"

Í ágúst 2016 var farið á 125cc vespulaga vélhjóli (Honda PCX) hringinn um landið á rúmum sólarhring með meðaleyðslu upp á 2,6 lítra á hundraðið. Vélhjólastæði í Barcelona

Þetta var gert til að sýna fram á að svona hjól færi langleiðina í það að vera með álíka lítið kolefnisspor og rafbíll af meðalstærð. 

Hjólið með manni er níu sinnum léttara en rafbíll með manni, tíu sinnum ódýrara í innkaupi og rekstri þegar tillit er tekið til þess hve miklu meira kolefnisfótsporið er við að fjárfesta í rafbíl en hjólinu og vegna kolefnisspors vinnunnar við að afla fjár fyrir rafbílinn, rekstur og afföll. 

Auk þess sparar hjólið mikið rými á götum og stæðum. Honda PCX, ´Léttir  við Jökulsárlón

Myndin af vélhjólastæði í Barcelona segir sína sögu. 

 


mbl.is Rafbílar losa 75-80% minna
Tilkynna um óviðeigandi tengingu við frétt

Báðir eigna sér víkingana sem aldrei komu þangað.

Það er broslegt þegar staðir eigna sér eitthvað sem jafnvel engar heimildir eru um að hafi komið þangað. 

Bæði Hafnarfjörður og Keflavík hafa tekið víkingana upp á sína arma, Hafnarfjörður sem víkingabær og Keflavík með víkingasafn, ef ég man rétt. 

Þó er Reykjavík sá bær, sem státar af því að víkingurinn Ingólfur Arnarsson hafi numið þar land á undan öllum öðrum. 

Í Reykjavík stigu á land konungarnir, flugkapparnir Eric Nelson, Charles Lindberg, Balbo og fleiri, Laxness með Nóbelinn og Þorbergur Þórðarson kom hér líka á land. 

Hins vegar eru ekki heimildir um að neitt merkilegt hafi komið á land í Keflavík, ekki einu sinni svarti dauði. 


mbl.is Stjörnustríð Keflavíkur og Hafnarfjarðar
Tilkynna um óviðeigandi tengingu við frétt

Breiðafjörður, gleymt hugtak? Látrabjarg ómissandi hluti.

Svíar eiga sinn skerjagarð. Einhvern veginn er eins og Íslendingar hafi gleymt því að þeir eiga stórkostlega landslagsheild, sem heitir Breiðafjörður með sérstæðri blöndu af lífi og náttúrufari á ótal eyjum og magnaðri strandlengju. 

Einu sinni var Breiðfirðingafélagið i Reykjavík eitthvert öflugasta átthagafélagið í Reykjavík og rak meira að segja merkilegt samkomuhús við Skólavörðustíg, Breiðfirðingabúð. 

Smám saman virðist gildi Breiðafjarðar sem heildar hafa gleymst.  

Hafa ber í huga þrjú atriði umhverfisverndarmála: Vistkerfi, landslagsheild, afturkræfni. 

Friðlýsing og vernd Látrabjargs er ómissandi hluti af gildi Breiðafjarðar og leiðir hugann að fleiri verkefnum við fjörðinn, svo sem austar á norðurströnd hans, sem líka er suðurströnd Vestfjarðakjálkans.  


mbl.is Friðlýsing er mikilvæg
Tilkynna um óviðeigandi tengingu við frétt

Bloggfærslur 9. júlí 2019

Innskráning

Ath. Vinsamlegast kveikið á Javascript til að hefja innskráningu.

Hafðu samband