Roosevelt, Hitler, Churchill, Jónas frá Hriflu, Davíð og fleiri.

Getgáturnar um heilsufar Bandaríkjaforseta eru ekki þær fyrstu í aðdraganda forsetakosninga. 

Donald Trump og fylgjendur hans gerðu mikið úr því að það hefði þurft að styðja Hillary Clinton á leið út í bíl fyrir síðustu kosningar, en aldrei hefur verið séð síðan, að hún sé með tæpa heilsu. 

Roosevelt forseti var það mikið lamaður, að hann gat ekki gengið nema við spelkur og þurfti heilmikla útsjónarsemi og jafnvel stuðning til þess að sem minnst bæri á þessu. 

Heilsu hans var farið að hraka þegar hann var kosinn forseti í fjórða sinn, en fékk heilablóðfall og lést eftir aðeins þrjá mánuði af fjórða kjörtímabilinu. 

Liklegt er talið að Adolf Hitler hafi verið kominn með einkenni Parkinsonveiki síðustu æviárin. Banatilræðið við hann síðsumars 1944 tók sennilega líka sinn toll. 

Þá var hann orðinn mjög háður læknadópi og lét verulega á sjá, þótt hann væri aðeins rúmlega fimmtugur. 

Hermann Görning þjáðist bæði af morfínfíkn og offitu og viskídrykkja Churchills nam meira en einni flösku á dag að sögn auk vindlareykinganna. 

Hann fékk vægt hjartaáfall í erfiðri og langri ferð til Washington á stríðsárunum án þess að það kæmist í hámæli og náði því að verða níræður. 

Strax 1927 þegar Jónas Jónsson frá Hriflu varð dómsmálaráðherra og lang áhrifamesti stjórnmálamaður landsins í krafti ritstjórnar Tímans og áhrifa sinni við að koma á flokkakerfi sem entist í grundvallaratriðum út öldina, komust á kreik hviksögur um geðheilbrigði hans sem endaði með einhverjum mesta hvelli aldarinnar, "Stóru bombunni". 

Davíð Oddsson fékk svokallaðan ristil í kosningabaráttunni til borgarstjórnar Reykjavíkur 1990 og varð að taka sér frí frá henni, en staða hans sem borgarstjóra var svo ótrúlega sterk að hann vann samt stórsigur, nánast eins og með hendurnar fyrir aftan bak. 

 

Heilsufar forsetanna: Leyndarmál, lygar og tíst

Heimsviðburður í Skálholti. "Only one earth".

ONLY ONE EARTH. 

 

Only one earth

because we do´nt have another.

It´s goods and resources are limited,

beware of that, sister and brother!

 

Only one earth,

plagued with harsh exploitation

resulting in wars and suffering,

hunger and destitution,

hurricanes, floods and weather extremes

with impact on every nation. 

 

 

Only one earth,

in duststorms it´s life is ailing. 

It´s resources will run out and nothing be left

if short term greed is prevailing. 

 

Only one earth. 

Scary is mankinds blunder. 

The law of nature is brutal and hard

and hits you like hail and thunder: 

If you kill the earth the earth will kill you

and bleeding you´ll go under. 

 

Yet only one earth 

can dress us and feed like a mother

if we are determined to save it´s life

and protect it, sister and brother, 

loving our only earth

because we do´nt have another. 

 

Only one earth! 

 

Þessar línur koma í hugann í tilefni af því að í fyrradag hófst fjögurra daga viðburður í Skálholti, sem mætti kalla heimsviðburð, því að í  honum, bæði þar og með fjarfundabúnaði, taka höndum saman alls 450 leiðtogar og gestir, þar af 135 leiðtogar 12 helstu trúarbragða heims, um að móta sameiginlega stefnu í umhverfismálum. 

Fylgjendur þessara trúarbragða spanna 85 prósent af íbúum jarðar og viðburðurinn, ráðstefnan, sem er með miðpunkt í Skálholti, ber yfirskriftina Faith for Earth, með áherslu á sameiginlega stefnu og markmið trúarbragða jarðarbúa í umhverfis- og náttúruverndarmálum. 

Veðrið var dýrlegt á Suðurlandi við setninguna í Skálholtsdómkirkju.

En þótt COVID-19 setti mönnum skorður með 20 manna hámarki á hverjum stað, gerði nýjasta fjarskiptatækni það mögulegt að færa beina þáttakendur í ráðstefnunni saman og gera þeim kleyft að ráða ráðum sínum og stilla saman strengi allra hinna fjölmennu trúarbragða til þess að móta sameiginlega stefnu í þeim málaflokki, sem er mál málanna á 21. öld. 

Myndin sem tekin var inni í kirkjunni er táknræn.

Forseti Íslands er að halda setningarræðu, en til vinstri sést stór skjár þar sem ræðumennirnir á undan honum og eftir sjást líka í beinni útsendingu frá ýmsum heimshornum.

Fjölbreytni klæðaburðar þeirra er sláandi sterk, allt frá nútíma fatnaði í vestrænum stíl til táknræna búninga Patríarks, kardínála, Ayatolla og fleiri sem tala einu máli, líkt og postularnir á hvítasunnunni forðum, máli náttúrunnar og móður jarðar. 

Ráðstefnunni lýkur á morgun. 

Fyrir þremur árum hélt Alkirkjuráðið, sameiginlegt ráð hinna kristnu trúarbragða, 1500 milljóna manna, tímamótafund á Íslandi, sem náði hámarki á Þingvöllum og á ráðstefnunni Arctic Circle. 

Sá fundur hefði átt skilið meiri athygli en raunin varð. 

Stundum er eins og orðið frétt flækist fyrir hér á landi. Í nágrannalöndunum er notað orðið  nýtt, news, nyheder. 

Fundur Alkirkjuráðsins var svo sannarlega eitthvað nýtt og sömuleiðis ráðstefnan í Skálholti núna. 

En 2017 var eins og merkilegast væri að flytja enn og aftur sömu fréttirnar af möguleikum Íslendinga til olíuvinnslu og siglinga í kjölfar bráðnunar heimskautsíssins og höfðu verið sagðar árum saman.  

 

„Við erum í vanda“

Fá allir hinna tuga milljóna smitaðra sjúkraflutning, súrefnisgjöf og steralyf?

"Sáuð þið hvernig ég tók hann?" er ein af minnisstæðustu setningunum í leikritinu Skugga-Sveini þegar Jón sterki steinlá fyrir glímubragði viðfangsmanns.  

"Sjáið þið hvernig ég tek hana!" hrópar Trump og bætir við: "Ekki láta hana stjórna ykkur, ég er stálsleginn!".

Rífur síðan grímuna, óþarfann sjálfan af sér, sigri hrúsandi.  Já, skilaboðin eru skýr: Þetta farsóttartal er falsfrétt, veiran er ekki neitt, neitt. 

Trump viðurkenndi ekki fyrr en eftir á að hann hefði orðið slappur, að hann hefði fengið sérstakan sjúkraflutning með þyrlu á spítala, verið þar þrjá daga, fengið súrefnismælingu og súrefnisgjöf í kjölfarið og inngjöf sérstaks steralyfs á sérvöldum tíma. 

Útskrifaði sig síðan sjálfur rétt eins og allir geti gert það að eigin geðþótta. 

Fróðlegt væri að vita hvort allar þær tugmilljóna manna, sem smitast, eigi völ á slíkri sérmeðferð til þess að búa til þá staðhæfingu að veiran sé sauðmeinlaus og skaði bara hina hræddu. 

Svona eins og að Jón sterki hefði verið með menn tiltæka til þess að reisa sig við og bægja viðfangsmanninum frá til að segja síðan: "Sáuð þið hvernig ég tók hann?"

 

31 COVID-19-sjúkraflutningur

Dregur úr andófsvilja.

Fjöldi drápa og tilræða við rússneskt andófsfólk gegn Vladimir Putin á það sameiginlegt að hafa ekki fengist upplýst. 

Miðað við ógnarstjórn Stalíns er þetta aðeins brot af þeim fjölda milljóna sem sá einvaldur kom fyrir kattarnef. 

Af því að morðin og tilræðin síðustu tvo áratugi hafa verið óupplýst verður spurningunni um það hvort Pútín standi á bak við þau sennilega aldrei svarað. 

Þá stendur aðeins ein spurning eftir: "Hver hagnast?" eins og Rómverjar orðuðu það. 

Varla er það andófsfólkið, á borð við blaðamanninn og rithöfundinn Önnu Politkovskaja?

Og þá er það hin hliðin; Pútín. Hagnast hann eitthvað á því þessum morðum? 

Þau eru að vísu ansi mörg, en þó ekkert í líkingu við milljóna afköst Stalíns. 

Þá stendur samt eitt atriði eftir: Þau eru nógu mörg til þess að skjóta þeim skelk í bringu sem ógna Pútín, en í hans huga og margra Rússa eru hann og Rússland eitt. 

Þau eru ekki fleiri en það, að hugsanlega veit Pútín sjálfur ekkert um það fyrirfram, hver verði drepinn næst. Kemur málum þannig fyrir að hann geti sagt að hann hafi ekki komið nálægt þessu. 

En árangurinn samt fyrir hendi: Ógn við hið mikla föðurland, föðurlandssvik er næg ástæða.

"Hæfilega" mörg morð til að skapa nagandi spurningu hjá andófsfólki: Er hætta á því að ég sé næstur."  Það þarf minna til að draga úr andófsvilja en slíka spurningu. 

Fullviss um að Pútín sé sökudólgur