Erfitt að spá um vopnaviðskiptin við veirufjandann.

Þróunarkenning Darwins var eitt af táknum þess óumbreytanlega lögmáls lífríkis jarðar að vera í sífelldri umbreytingu og þróun, allt frá minnstu veirum upp í stærstu dýr. 

Ein útgáfan af þessu birtist í nýjum og nýjum afbrigðum af veirum og sýklum, sem valda því að vopnaviðskipti kórónaveirunnar skæðu fá sífellt nýjar og nýjar myndir á sig. 

Nú þegar hefur margt gerst sem hefur dregið þessa heimstyrjöld á langinn og á sennilega eftir að lengja baráttuna enn meir en hægt er að sjá fyrir. 

Til lítils er að fara á límingunum út af þessu, heldur að arka að auðnu og taka hinu óhjákvæmilega af æðruleysi og baráttugleði.  

Nýi óvissuþátturinn í bólusetningunni

Minnst tuttugu í sóttkví voru á gosstöðvunum.

Af fréttum má það helst ráða að sóttvarnarráðstafanir við landamærin hér á landi leki verulega. 

Þetta kemur nú í ljós daglega við eldgosið í Geldingadölum að nefndar eru tölur frá fjórum upp í tuttugu sem þarf að hafa afskipti af daglega vegna þess að viðkomandi eigi að vera í sóttkví. 

Í ofanálag má heyra óánægjuraddir úr ýmsum áttum með það að yfirleitt skuli sóttkví vera beitt í sóttvarnaraðgerðum.  

Og í dag er von á fjölda fólks til landsins frá landi sem er með eldrauðan lit á Covid-kortinu af Evrópu.  

 

Ekki alls kostar sáttur við dvöl í sóttvarnahúsi

Margs að gæta við aðlögun flugflotans að breyttum aðstæðum.

Boeing 737 MAX vélar Icelandair eru um 20 prósent sparneytnari en vélar félagsins af eldri gerð. Sparneytnin fæst með fullkomnari hreyflum en einnig með ýmsum öðrum atriðum, svo sem því að vængirnir eru með um 40 prósent minna burðarflatarmál en til dæmis vængirnir á Boeing 757, sem verða á útleið. 

Burðareiginleikar þeirra véla skóm þeim ákveðið forskot hvað varðaði kröfur um brautarlengd og möguleika á því að taka fragt.  

Flugfloti heimsins stendur eins og er frammi fyrir miklum breytingum í eftirspurn eftir farþegum og fragt, og þá er viðbúið að bregðast verði við aukinni hlutdeild fragtflugs með því að gera fyrrum farþegaflugvélar, einkum hinar stærri þeirra, að fragtflugvélum og líta til reynslu fragtflugfélaga, svo sem Cargolux, sem hafa nýtt sér sérstöðu stærstu þotnanna í þeim efnum. 

Farþegaflugvélar verði fraktvélar