Einkennilegt óþol.

Ég er meðmæltur því að á bestu umferðaræðum landsins eins og tvöfaldri Reykjanesbraut með vegriði á milli gagnstæðra akbrauta verði umferðarhraði hækkaður í 100 km/klst eða jafnvel 110 km/klst.

Slíkur hámarkshraði við góðar aðstæður er leyfður á hliðstæðum vegum í nágrannalöndunum og ef ökuleiðirnar eru langar munar um tímasparnaðinn og þessar umferðaræðar afkasta meiri umferð.  

Ég sá á bloggi um það að meirihluti ökumanna aki of hratt um 30km götur og allt uppí meira en tvöfaldan hraða að bloggurnum fannst það í góðu lagi að fara vel yfir hámarkshraðann, sem sé alltof lágur.

Einnig er bloggað um það að sumar af þessum götum hafi áður fyrr verið aðalbrautir með miklum hraða og að þess vegna sé eðlilegt að ökumenn fari þar geyst. 

Einn bloggar um það að þessar götur anni ekki umferðinni um þær, nema ekið sé hraðar. 

Sjálfur bý ég við Háaleitisbraut sem var ein af helstu og hröðustu umferðargötum borgarinnar og ekið var um hana á meira en 50 km hraða, oftast mun hraðar en það. 

Eftir áralanga slysaröð á þessari götu, allt upp í dauðaslys, var henni breytt. Nú er hún þröng og krókótt 30km gata og slysin hafa horfið. 

Ég sakna ekki gamla streituhraðans á Háaleitisbraut, sem ég þarf þó að aka daglega og gæti grætt einhverjar sekúndur á að aka hraðar.

Ég hef ekki séð að umferðartafir eða teppur séu á götunni og hef heldur ekki orðið var við að um slíkt sé að ræða á svipuðum götum. 

Vegalengdin, sem mönnum er skylt að aka á 30km hraða, er það stutt, að erfitt er að sjá hverju einhverjar sekúndur skipti fyrir ökumenn. 

Það er alveg nóg af óþoli og streitu í þjóðfélaginu og nóg líkamstjón sem af hlýst. 

 

 

Meirihluti ók of hratt

Athugasemdir

[Birgir Þór Bragason, 28.4.2010 kl. 05:50]

Meiri hraði eykur ekki afköst. Bil milli bíla eykst og því er ekki um afkastaaukningu að ræða. Það er hins vegar rétt að tíminn sem fer í að aka leiðina er styttri.

Sammála annars að þegar og ef vegrið verða á milli akreina þá er 110 alveg eðlilegt framhald á t.d. Reykjanesbraut.

[Sigurður Hreiðar, 28.4.2010 kl. 11:40]

Sæll Ómar,

langar að senda þér hér tilvitnun í gamla blaðagrein (er reyndar sjálfur með þessa tilvitnun á mínu bloggi):

...

„Og ökuhraðinn. Hann er enn ákveðinn svo lágur, að hver einasti bifreiðarstjóri hlýtur að brjóta fyrirmælin um hann dags daglega. Þarf að breyta þeimfyrirmælum, og gera hámarkið nokkru hærra, og ganga svo strangt eftir að hlýtt sé. Mun það vera affarasælla en venjan, sem nú er að vinna á sig hefð."

...

Mbl. 3. júlí 1920.

[Brynjar Hólm Bjarnason, 28.4.2010 kl. 23:02]

Ég vil benda á að í nágrana löndum okkar er líka hámarkshraði á götum sem þú ert að lýsa, fjórfaldri götu með tvær akreinar í hvora átt og vegrið á milli, með hámarkshraða 90 km. Ekki líta bara til landa sem passa hverju sinni.

Við skulum einnig hafa það í huga að bíll sem ekur á 80 km. hraða mengar minna en bíll sem ekur á 9ö km. hraða.

Þetta snýst kannski ekki bara um tíma. Það geta hugsanlega einnig verið önnur sjónarmið sem ráða í þessu annað en tímafaktor.

[Gunnar Th. Gunnarsson, 29.4.2010 kl. 14:32]

Talandi um tímasparnað; ef hámarkshraði um Reykjanesbraut er hækkaður úr 90 í 100, þá sparar ökumaðurin sér eina og hálfa mínútu á þessari leið.

Ég hef efasemdir um að sá tímasparnaður réttlæti hækkun hámarkshraða.

[Gunnar Th. Gunnarsson, 29.4.2010 kl. 14:35]

Og eins og Brynjar bendir réttilega á, þá er um verulega mengunaraukningu að ræða við meiri hraða.

[Sigurður Hreiðar, 29.4.2010 kl. 16:27]

Hve hátt hlutfall þeirra sem aka Reykjanessbraut aka aðeins á 90 km hraða?