Hvað um breska sjónvarpsmanninn og Leno ?

Mér varð fyrir tilviljun gengið framhjá sjónvarpstæki í fyrrakvöld og sá þá stjórnanda bresks gamanþáttar í sjónvarpi setja höndina þvert fyrir efri vörina og gott ef hann rétti ekki líka út hinn handlegginn þegar hann var að gantast með það að sjálfur Hitler hefði á sínum tíma ekki tekist að koma í koma í veg fyrir flug yfir meginland Evrópu í seinni heimsstyrjöldinni, en hins vegar hefði Eyjafjallajökull lengst norður í ballarhafi getað gert þetta.

Þessu fylgdi að sjálfsögðu bæði hljóð og mynd og fór því ekki á milli mála um eðli þessa gráglettna gríns. 

Ekki hef ég séð bresk götublöð velta sér upp úr þessu sem einhverju hneyksli. 

Jay Leno grínaðist með það fyrir þremur árum í sínum sjónvarpsþætti að enda þótt í ljós hefði komið í stöðuleikaprófum að Mitshubishi Pajeru  (Shogun í Ameríku ) væri hættulega valtur, gilti um það sú kenning að slæm auglýsing væri betri en engin. 

Samkvæmt þeirri kenningu hefði árás Japana á Pearl Harbour 7. desember 1941 verið góð auglýsing fyrir Mitsubishi þegar 300 Mithubishi Zero gerðu þessa árás með tilheyrandi mannfalli ! 

Ekki fór sögum af því að Leno væri tekinn í bakaríið fyrir þetta, þótt fullsannað væri með hljóð og mynd. 

Þess vegna er furðulegt að ljósmynd, sem sýnir ekkert nema hljóðlaust augnablik, skuli valda fjaðrafoki í Bretlandi og aðsúg að landa okkar. 

Eiður Smári á síðum breskra slúðurblaða

Athugasemdir

[Maggi (IP-tala skráð) 4.5.2010 kl. 14:07]

Aðal málið er að Spurs er gyðingaklúbbur. Stuðningsmenn Spurs eru kallaðir Yids, en það er gamalt níðíngsorð um gyðinga, en tóku svo þetta nafn í sinn faðm og eru stoltir á að kalla sig Yids í dag. Eigandinn er einnig af gyðingaættum, útaf þessu öllu skil ég vel að þetta fari fyrir brjóstið á klúbbi eins og Spurs, en það er ábyggilega verið að gera alltof mikið úr þessu....

[pall (IP-tala skráð) 4.5.2010 kl. 14:16]

Pajero heitir reyndar Montero í USA

[Þorsteinn Briem, 4.5.2010 kl. 14:23]

Gudjohnsen made fun of Mexicans,
infront of both of Tottenham's fans,
it was bad,
and very sad,
because he was their only chance.

[Hrannar Baldursson, 4.5.2010 kl. 15:52]

Jon Stewart gerði þetta þegar hann fjallaði um Eyjafjallajökul um daginn, og hafði á orði áður en látbragðið hófst: 

It's Hitler's dormant volcano cloud

Kíktu á þennan þátt Ómar. Ef ég þekki þig rétt áttu eftir að gera aðeins meira en að glotta.

http://www.thedailyshow.com/watch/mon-april-19-2010/volcanolypse-2010

Mínúta 1:06

Annars veit ég ekki hvað vinir mínir Mexíkanar hafa unnið til saka fyrir að vera gerðir að háði og spotti af Eiði Smára. 

[Kjartan (IP-tala skráð) 4.5.2010 kl. 16:19]

Volcanolypse 2010 by Kevin!

Frábært, loksins komið nafn á atburðin og staðin sem ensku mælandi skilja.

[Kristján Hilmarsson, 4.5.2010 kl. 20:56]

 Stewart svíkur ekki :) og hvað varðar Eið kallgreyið, þá er skýring Magga ekki ólíkleg, en svo er eins og íþróttamenn megi aldrei "djóka" aðeins, hversvegna ? veit svei mér þá.

[Prófessor Mambó (IP-tala skráð) 4.5.2010 kl. 22:40]

Með eindæmum má telja hvað Eiður Smári er óheppinn ungur maður.

Hann slæpist á spilavíti og tapar tugum milljóna en lætur það ekki að kenningu verða og mætir gang paa gang til þess eins að tapa fleiri tugum milljóna.

Hann verður leiksoppur lauslátra kvenna s.s. gálunnar sem tók sómamanninn John Terry í bakaríið.

Hann tekur lán og fjárfestir eins og hann eigi lífið að leysa en einu gildir hvort það er Makau eða Kópavogurinn - allt fer á hausinn hjá Eiði.

Hann sleppir úr landsleik af heilsufarsástæðum. Sem betur fer var hann þó ekki svo slappur að geta ekki djammað ærlega eins og margir sáu og urðu hissa.

Eftir slímsetur á bekkjum Barcelona fer drengurinn okkar til Monaco til þess eins að gróa hreinlega fastur við bekkinn.

Svona mætti áfram telja - okkar maður er hreinlega óheppnasti knattspyrnumaður sinnar samtíðar.

Svo fer þessi gjöf Guðs til fótboltans til Tottenham þar sem loks virðist vera að rofa til eftir áralangt mótlæti.

En hvað gerist? Eiður Smári segir saklausan brandara um Mexíkóa með mottu en er misskilinn sem segjandi brandara um nasista á kostnað gyðinga! Hann sem spilar fyrir gyðingaliðið Tottenham!

Eitthvað segir Prófessornum að Eiður Smári eigi eftir að rata á margar forsíður framvegis sem hingað til. Vonandi fer samt landið að rísa þó ekki væri nema örlítið.

[ViceRoy, 5.5.2010 kl. 00:51]

Verð að segja að það fyrsta sem ég sá þegar sá þá mynd sem MBL birti, var að Eiður virtisti vera með vísifingur og löngutöng úti en baug- og litlafingur kreppta... Man nú aldrei eftir nasistakveðju að þeim sið.

Og ég segi nú annað :D Þegar menn mega ekki segja brandara sem hugsanlega innihalda grín sem beinist AÐ nasistum og "heilsa" að nasistasið til að undirstika "ágæti" brandarans, þá er nú illt í efni. 

Ég líkti einum manni við Hitler um daginn, og dróg fingurna fyrir ofan vör um daginn og heilsaði að nasistasið til að styðja rök mín yfir vinnubrögðum ákveðins manns um daginn, bara í gríni um daginn... líkti viðkomandi við Hitler sem sagt... Var ég þá í sömu stöðu og Eiður? 

Og það eiginlega "fyndna" var að ég var að tala við manneskju fá Asíu  þegar ég gerði það og viðkomandi hló nú... en eftir á að hyggja hefði þetta hugsanlega litið illa út sem fluga á vegg... Svo það er nú varla hægt að dæma án þess að vita forsöguna í stað þess að stökkva á niðurstöðu með ekkert í höndunum hver ástæðan sé... 

Ranglega dæmdur að mínu mati þar hann Eiður, þar til og þá ef annað kemur í ljós.