Góð auglýsing ?

Kannski er það bara góð auglýsing fyrir Ísland að besta flugleiðin yfir Atlantshafið liggi yfir Ísland, ef á annað borð við höldum þessu á lofti.

Ég var austur við Hvolsvöll mestan part dagins og sá mun fleiri þotur fljúga hátt yfir í heiðríkjunni en vanalegt er. 

Gaman hefði verið að ná mynd af slíkri  þotu og sýna afstöðuna til gossins en það tókst ekki. 

Hér eru hins vegar tvær myndir frá því í morgun. 

Á þeirri efri sjást Fimmvörðuháls til hægri en Eyjafjallajökull til vinstri.

Á neðri myndinni er horft úr vestri yfir tind Eyjafjallajökuls, sem fer mikinná sviðinu, en í baksýn horfir Katla gamla á, kolsvört og kannski til í tuskið sem forðum? 

Gífurleg flugumferð við Ísland

Athugasemdir

[Guðmundur Júliusson (IP-tala skráð) 8.5.2010 kl. 22:56]

Hvað kemur til að þú ert ekki með myndavél með þér Ómar? annars er það rétt að kannski er allt þetta bara góð auglýsing um Ísland eftir allt!!

[Ómar Ragnarsson, 8.5.2010 kl. 23:18]

Ég er með sex myndavélar með mér, þrjár kvikmyndavélar og þrjár ljósmyndavélar. 

Tvær af hvoru eru varavélar ef eitthvað ber út af.

En það þýðir ekki að maður geti alltaf náð myndum af því sem mann langar til.

[Benni (IP-tala skráð) 9.5.2010 kl. 03:08]

þetta er góð auglýsing fyrir Ísland því margir þar út vita ekki var Ísland á jörðinni og að Ísland sé Á jörðinni

[Bjössi (IP-tala skráð) 9.5.2010 kl. 06:33]

Þetta er fínar myndir hjá þér Ómar, en mér datt í hug þú hlýtur að eiga fullt af flottum myndum í handraðanum, ertu með einhver albúm á Flickr eða einhverri svoleiðis síðu ?

[Ómar Ragnarsson, 9.5.2010 kl. 06:49]

Nei, þetta hefur verið látið nægja til þessa hjá mér. Tíminn er takmörkuð auðlind í jarðlífinu.