"Ég þyrfti að vera kind..."

Það var mikið að Íslendingar legðu eyrun við þeim möguleika að slátra sauðfé að hætti múslima. Hefði mátt gerast fyrir 30 árum þegar tilboð barst til Íslendinga frá Arabíu um að selja tugþúsundir fjár þangað sem aflífaðar væru að hætti múslima. 

Þetta var á þeim tímum sem kjötfjall hlóðst upp á Íslandi og hefði þetta verið frábær lausn á því vandamáli.

En allir fóru í baklás og eina ráðið sem Lúðvík Jósepsson gaf var eftirfarandi: "Málið er auðleyst. Þjóðin verður að éta sig út úr vandanum" !

Þetta arabíska tilboð var sem sé slegið niður samstundist með aldeilis ótrúlegum fordómum um "villimannlegar slátrunaraðferðir" í arabalöndum hjá "frumstæðum þjóðum."

Gott ef það var ekki líka niðurlæging fólgin í því fyrir hina göfugu íslensku sauðkind að þurfa að fá þessi örlög.   

Var þó um að ræða svipaða slátrunaraðferð þarna suðurfrá og hér hafði verið notuð öldum saman áður en nútíma aðferðir tóku við.

Ég man að ég þurfti að gera um þetta frétt og leitaði víða fanga. Erfitt var þó að fá nokkurn dýralækni til að segja neitt um þetta.  

Þangað til ég náði sambandi við Jón Sveinsson (mig minnir að hann hafi heitið það) dýralækni á Egilsstöðum.  Hann svaraði þannig að ég reyndi ekki frekar að fá botn í málið. 

Þegar ég spurði hann um hvor aflífunaraðferðin væri "mannúðlegri" og sársaukaminni fyrir kindina, sú arabíska eða sú íslenska, svaraði hann:

"Ég vildi gjarnan geta svarað þér. En til þess að geta það þyrfti ég að vera kind sem hefur verið drepin með báðum aðferðunum." 

Fé slátrað að hætti múslima

Athugasemdir

[Trausti S. Harðarson (IP-tala skráð) 14.9.2010 kl. 11:20]

Dýralæknirinn hefur eflaust verið sá ágæti Jón Pétursson

[V. Jóhannsson (IP-tala skráð) 14.9.2010 kl. 17:48]

Það tók 600 múslima á Íslandi til að uppvísa heimsku þjóðarinnar. Þú veist að rétt Halal-slátrun fer fram án deyfingar og er villimannleg. Fyrsta stlátrun með raflosti er undantekning af hálfu múslima til að komast inn í kerfið og eftir það verða enn meiri kröfur gerðar. Meira að segja undirlæjurnar Svíar, leyfa ekki Halalslátrun! Halal eina með öllu,takk, halal svið og kæfa, engin blóðmör, halal saltkjöt og baunir ,jú því múslimar yfirtaka sláturhúsin í rólegheitum. Eigum við að segja á 10 árum. Ég hef búið erlendis yfir 20 ár og veit hvernig þetta fólk hugsar. Sem betur fer , þá fæst Nýsjálenskt kjöt hér og frá öðrum vestrænum manningarsamfélögum.

[Gulag, 14.9.2010 kl. 17:58]

það er búið að sanna það, að ef dýr er drepið með þeirri aðferð að skera það á háls og látið blæða út, að sársaukaboð eru að berast í 2 til 3 mínútur eftir skurðinn, þetta er hin sanna aðferð múslima,,

Það er hinsvegar talað um að hér, eigi að "rota" dýrin með raflosti áður en þau eru skorin á háls, sem væntanlega kemur í veg fyrir sársaukann, nema dýrið vakni af rotinu eftir hálsskurðinn.

Vandamálið er bara það, að margir múslimar viðurkenna ekki þá aðferð að dýrið sé meðvitundarlaust þegar það er skorið, að það sé ekki ásættanlegt,, því bara rétt vona ég að það verði fylgst með því að dýrin sé rotuð áður en þau eru skorin á háls...

[Haukur Kristinsson (IP-tala skráð) 14.9.2010 kl. 19:27]

Hvað er í gangi hér? Mér varð litið á dagatalið og las 14.  september 2010, en ekki 1610. Hvað á þessi undirgefni við Allah að þýða?