Hvílíkur leikkafli !

Tíu mínútur í leik Íslendinga og Skota verða lenga minnisstæðar. Staðan var markalaus og Skotar þurftu aðeins að skora eitt mark til þess að komast áfram á markinu á útvelli, sem þeir skoruðu í Reykjavík.

Þá skoraði Gylfi Þór Sigurðsson glæsimark, sem er í klassa með því besta sem sést í knattspyrnu og skyndilega þurftu Skotar að skora tvö mörk til að falla ekki út þá þegar. 

En þá gerðist eitt ótrúlegasta atvik sem ég minnist þegar Skotar tóku miðju og skutu þegar í stað af 50 metra færi og gerðu ótrúlegt mark, því að þeir sáu að íslenski markvörðurinn stóð framarlega. 

Staðan var samt skárri en meðan hún var markalaus en Gylfi Þór Sigurðsson lét sér það ekki nægja heldur skoraði annað glæsimark, engu síðra en hið fyrra, sannkallað heimsklassamark, Messi-mark.

Ég var sannfærður um það þegar KSÍ-forystan tók þá ákvörðun á láta þetta landslið hafa forgang á aðallandsliðið að það væri rétt ákvörðun.

Nú hefur komið í ljós að sú ákvörðun var rétt. Við erum einfaldlega með mun betri knattspyrnukynslóð í höndunum í þessu gullaldarliði en þær sem á undan fóru.

 Í framtíðinni munu menn þakka þá framsýni sem fólst í þessari erfiðu ákvörðun.

 

Ísland í úrslit EM

Athugasemdir

[Þorsteinn Þormóðsson, 11.10.2010 kl. 20:57]

Ég er fullkomlega sammála því að þetta var hárrétt ákvörðun hjá KSÍ!

[Villi (IP-tala skráð) 11.10.2010 kl. 21:16]

  Var ekki hálfgerð sóun á þessum snillingi að leyfa honum ekki að spreyta sig á alvöru mótherjum? Ronaldo og co. eru af allt öðru kaliberi og enginn veit hvernig ungu strákarnir verða þegar þeir verða stórir.

[Hrólfur Þ Hraundal, 11.10.2010 kl. 21:47]

Ég kom heim kl. Í grennd við 1850 og snaraði mér tveimur brauðsneið með smjöri og rúllupulsu og svo vatnsglasi og settist fyrir framan sjónvarpið til að með taka fréttir af Jóhönnu hinni afglapa snjöllu og svo Steingrími kjaftaski á fúaspýtu uppræktaðri af heiglum og afglöpum, en þess vænti ég undir fals að það verið honum ekki að meini.  

Konan mín elskuleg sem öllu stjórnar var að heiman svo ég var frjáls að mínum frétta tíma.  En það var fótbolti sem henni hefði ekki hugnast vel en hún  hefði skipt um rás.  En ég er þverhaus að eðlisfari og er búin að borga fyrir þennan andskotans frétta tíma og vil fá hann á réttum tíma.  Því að 45mín seinna er ég farin til að sinna mínum skyldum.

Þeir sem þetta skilja ekki,  þá á að leiða fyrir herdómstól.     

   

[Elvar (IP-tala skráð) 11.10.2010 kl. 21:47]

Sóun að láta hann taka þátt úrslitaleik um að komast á HM og svo HM í kjölfarið, eftir allt sem hann og félagar hans hafa lagt á sig til þess að komast á þetta mót?  Ertu eitthvað klikkaður? HM-21 er miklu meiri reynsla en einn leikur sem mun hvort sem er ekki skipta neinu máli þegar upp er staðið.  Íslenska landsliðið er svo gott sem dottið úr keppni nú þegar.

Þeir verða svo undir smásjá hjá stóru liðunum um allan heim á meðan þeir spila á þessu móti sem getur skilað sér í því að fleiri leikmenn enda í atvinnumennskunni í kjölfarið og þeir bestu fari til enn betri liða.  

Hefði einfaldlega verið heimskuleg ákvörðun að hálfu KSÍ að neita þeim um að spila í þessum leik

[Adam (IP-tala skráð) 11.10.2010 kl. 22:40]

Höfum það á hreinu drengir (Elvar) að þetta var undankeppni fyrir EM.

Hárrétt ákvörðun hjá KSÍ, þarna er næsta kynslóð fótboltamanna og það að taka þátt í svona verkefni mun bara gefa þeim reynsluna sem þarf til að fleyta okkur áfram í framtíðinni.

Til Hamingju Strákar og Íslendingar!!!

[Pálmi Freyr Óskarsson, 12.10.2010 kl. 05:34]

Hrólfur!!!!! Farðu á Rúv.is ef þú vilt horfa á eða hlusta á fréttir Ríkisútvarps og sjónvarpsins.

[Hjalti (IP-tala skráð) 12.10.2010 kl. 10:25]

Menn mega ekki tala með lítilsvirðingu um 21 árs landsliðið. Þetta er landslið og eigum við að vera stolt af því eins og öllum öðrum landsliðum. Auðvitað má hafa skoðanir á því hvernig staðið var að málum fyrir leikina. Þjálfarar liðanna hefðu átt að ræða málin til þrautar og KSÍ ekki átt að skipta sér af þeim málum. En niðurstaðan er fengin og léku þeir bestu í 21 árs liðinu og þar við sat. Geta menn nú horft bjartsýnisaugum fram á veginn og hugsað til þess hvernig þetta lið getur orðið eftir 4-8 ár. Ég er ekki einn af þeim sem vill skipta út öllu gamla liðinu meðan þar eru leikmenn sem eru að spila í háum gæðaflokki. En þeir ungu taka við við meira og minna næstu tvö árin.