Full ástæða til að taka til hendi.

Gaman hefði verið að frétt um það að íslensk tunga eigi í vök að verjast hefði verið vel lesin yfir áður en hún var vistuð og birt, því að tvær málvillur eru í fyrstu setningu fréttarinnar..

Málvillurnar eru þess eðlis að þær eru varla innsláttarvillur heldur vitna þær um slaka málkennd.

Þetta eru orðin "blasir" og "mun" í fimmtu línu þar sem hefði átt að standa "blasi" og "muni."

Ég hef fyrir því heimildir, sem taka má mark á, að íslenskukunnátta þeirra, sem sækja um störf á fjölmiðlum, sé mun lakari hin síðustu ár en var árin þar á undan.

Það bendir til þess að orsaka þess sé að leita aftur til þess tíma sem þetta fólk var að vaxa upp á árunum kringum 1990 og lærði móðurmál sitt á heimilum og í skólum.

Hafi aðstæður til þess að læra málið versnað síðan þá getur ástandið orðið enn verra eftir tuttugu ár en það er nú.

Er því ekki ráð nema í tíma sé tekið. 

Í mörgum málvillum, sem nú eru á sveimi, felast líka rökvillur. Þeir, sem afgreiða athugasemdir við slíkt sem nöldur ættu að íhuga hve bagalegt slíkt getur verið og einnig það að hjá nágrannaþjóðum okkar eru gerðar strangar kröfur til málfars í fjölmiðlum og menntastofnunum. 

P. S. Ég sé núna, morguninn eftir að fréttin birtist, að henni hefur verið breytt í samræmi við ábendingar mínar og er það vel. 

Óttast um íslenska tungu

Athugasemdir

[Þorsteinn Briem, 29.10.2010 kl. 01:15]

Ossalega av ðeim fregt,
eijinlega bara gegt,
ógislega ómulegt,
algjörlega mikið tregt.

[Heimir Tómasson, 29.10.2010 kl. 06:28]

Dagar íslensguknátunar eru talnir.

[Haukur Kristinsson (IP-tala skráð) 29.10.2010 kl. 10:48]

Ómar skrifar góða texta, þótt styttri mættu vera án þess að merking mundi glatist.

Þó verður maður var við þessisma, eins og eftirfarandi setning sýnir;

Það bendir til þess að orsaka þess sé að leita aftur til þess tíma sem þetta fólk var að vaxa upp á árunum kringum 1990 og lærði móðurmál sitt á heimilum og í skólum.

[Elín Ingólfsdóttir (IP-tala skráð) 30.10.2010 kl. 02:26]

Steinhús og glerhús.Ætlast til miklu meira að fjölmiðlungum en almenningi. Má samt til með að pota aðeins:Gaman hefði verið að frétt um það að íslensk tunga eigi ætti í vök að verjast hefði verið vel lesin yfir áður en hún var vistuð og birt, því að tvær málvillur eru í fyrstu setningu fréttarinnar..Horfa verður þó framhjá „persónulegum stíl“ JVeldi þig Ómar samt í lið með mér, í Björgunarsveit Ylhýra