Hvað um sjálfstæðisflokkinn?

Gaman er að sjá lýsingu Einars K. Guðfinnssonar á VG og það að að þeim flokki sé stýrt þannig að ákveðnum fjölda þingmanna sé leyft að blása í ESB-málinu, svo framarlega sem það trufli ekki foyrustu flokksins.

Þetta er fróðleg lýsing, því að ekki verður betur séð en að hún eigi jafnvel enn frekar við foyrstu Sjálfstæðisflokksins og vinnubrögð þar á bæ. 

Samkvæmt skilningi Einars á því hvernig skoðanaskiptum sé stjórnað í stjórnmálaflokkum er ákveðnum áhrifamönnum í Sjálfstæðisflokknum, sem eru meðmæltir samningumm við ESB leyft að blása svo framarlega sem það trufli ekki forystu flokksins. 

Sjálfstæðisflokkurinn er nefnilega enn meira klofinn en VG í ESB-málinu og raunar er ekki fullur einhugur í neinum flokki um þetta mál sem hefur klofið íslensk stjórnmálaöfl í herðar niður um árabil. 

 

Segir VG vera ESB-flokk

Athugasemdir

[TómasHa, 21.11.2010 kl. 11:06]

"Sjálfstæðisflokkurinn er nefnilega enn meira klofinn en VG í ESB-málinu".

Þú bullar bara Ómar. Þú ættir nú kannski að lesa seinustu Landsfundarályktun flokksins. Hún var samþykkt með gríðarlegum meirihluta. Formaður flokksins þurfti ekki að byrja á því að lægja öldurnar og leggja línurnar, eins og þurfti hjá VG.

Það komu heldur ekki 2-3 túlkanir eftir fundin um hvað fundurinn var að segja í þessu málum. Öllum var það ljóst.

[Óðinn Þórisson, 21.11.2010 kl. 14:01]

Jú rétt hjá þér Ómar það voru 200 einstaklingar sem stofnuðu sjálfstæðir evrópumenn - en ef það er meiri klofingur en þegar 2 ráðherrar og stór hluti þingmanna vg vilja stöðva þetta ferli þá ert þú eitthvað að túlka þetta vitlaus - OG svo ég minnist á sama og TómasHa á landsfunarályktun Sjálfstæðisflokksins - hún er mjör skýr og við það er staðið ólkít ´stjórnmálaflokki sem er í ríkisstjórn til þess að framfylgja eina stefnumáli hins stjórnmálaflokksins - það er bara þannig - x-d er ekki klofinn í esb - máliun - þetta veist þú -

[Gunnlaugur I., 21.11.2010 kl. 15:42]

Það merkilega við þetta er að ef grannt er skoðað þá er það eitt best geymda leyndarmál íslenskra stjórnmála að:

Mesti klofningurinn um ESB málið er einmitt í Samfylkingunni.

Þetta leyndarmál er hinns vegar vel varðveitt og alls ekki flíkað af ESB sinnaðri fjölmiðlaelítu þessa lands. 

Hinns vegar reynir sama ESB sinnaða fjölmiðlaelítan í sífellu að finna einhvern smávægilega ágreining og eða merki um klofning hjá þeim stjórnmálaöflum sem fylkt hafa sér gegn ESB aðild og þar eru ekki sparaðar stórfyrirsagnirnar.

Lítum aðeins nánar á málin.

Sjálfstæðisflokkur:

Þar samþykkti síðasti Landsfundur flokksins harðorða ályktun gegn ESB aðild og vill meira að segja draga umsóknina þegar í stað til baka. Þetta var samþykkt á geysi fjölmennum Landsfundi þar sem yfir 90% greiddu tillögunum atkvæði sitt. Geta má þess að síðan þessi afgerandi og harðorða ályktun var gerð á Landsfundi flokksins þá hefur hann stöðugt verið að bæta við sig fylgi í öllum skoðanakönnunum, þveröfugt við það sem ESB sinnar héldu fram um það að flokkurinn væri að mála sig útí horn í íslenskum stjórnmálum og yrði þar einangrað fyrirbrigði. 

Af 16 manna þingflokki eru 14 alfarið á móti aðild en 2 segjast vilja láta reyna á aðild.  Í öllum skoðanakönnunum sem ég hef séð þá eru um það bil 75 til 88% stuðningsmanna flokksins á móti ESB aðild.

Vinstri Grænir:

Allar samþykktir landsfunda VG hér áður fyrr og hingað til eru um það að ESB aðild sé gegn þjóðarhagsmunum og landiðnu sé mun betur borgið utan ESB. Hinns samþykkti flokkurinn mjög umdeilt reyndar í stjórnarsamstarfi við SF að gefa eftir og leyfa að farið yrði í aildarviðræður og þær svo bornar undir þjóðina. Svo er hinns vegar mikill ágreiningur um það í þessu stjórnarsamstarfi við Samfylkinguna hvernig skuli staðið að aðildarviðræðum og um það hvort hreinlega eigi að hætta þessum viðræðum á breyttum forsendum og vegna fylgisleysis innan eigin flokks og meðal þjóðarinar. Sumir þingmenn vilja ganga þessa göngu á enda og síðan láta þjóðina kjósa um þetta en er jafnframt sannfærðir um að þetta verði fellt og eru tilbúnir að berjast fyrir því, enda hafa þeir til þess frelsi samkvæmt stjórnarsáttmálanum. Þetta er pínleg og erfið staða fyrir flokksforystuna, ekki síst vegna þess að þetta ferli allt er gríðarlega óvinsællt meðal flestra almennra stuþningsmanna flokksins. Talið er að af 15 manna þingflokki VG séu 13 til 14 algerlega andvígir inngöngu. En kannski 1 til 2 sem vilja láta reyna á samning og trúa því í raun að hann geti orðið hagstæður þjóðinni.  Í öllum skoðanakönnunum sem gerðar hafa verið sýna að 78 til 85% stuðningsmanna VG eru gegn ESB aðild.

 Framsókn:

Þar er staðan flókin því hér áður fyrr samþykkiti meirihluti flokksþings að fara skyldi í einhvers konar viðræður við ESB. Þetta var hinns vegar mjög skilyrt og margir segja að fyrirfram gæti ESB strax í byrjun aldrei fallist á þessi skilyrði. Þannig að í raun sé þessi samþykkt marklaus og þýði ekkert. Hinns vegar hefur það líka gerst að forysta og þingmannalið flokksins síðan þá hefur stokkast mjög mikið upp og nú virðist svo ver að af 9 manna þingflokki þá sé meirihluti gegn ESB aðild og vilji meira að segja kalla núverandi ESB umsókin til bak. Talið er að 5 til 6 séu algerlega andsnúnir ESB aðild eða tilraunum í þá veru en kannski 3 til 4 sem vilja láta reyna á aðild með þessum reyndar ströngu skilyrðum. Samkvæmt skoðanakönnunum eru fylgjendur Framsóknar að miklum meirihluta andsnúnir ESB aðild eða þetta frá 67 til 75%.

Hreyfingin:

Hreifingin var ósamstætt tætings lið sem náði 4 mönnum inná þing í s.l kosningum í kjölfar búsáhalda byltingarinnar. Talið var í fyrstu að þessir 4 þingmenn væru hlynntir ESB aðild, en ýmislegt hefur orðið til að breyta því meðal annars harðvítug ICESAVE deilan þar sem þessir óreyndu þingmenn stóðu flestir vel í lappirnar. Þingflokkurinn er nú aðeins 3 menn og er talið að þeir séu allir andvígir ESB aðild. Fjórði þingmaður flokksins gekk í þingflokk VG og er þar eini yfirlýsti ESB sinninn. Skoðanakannanir hafa líka sýnt að stærstur hluti stuðningsmanna Hreyfingarinnar er algerlega andvígur ESB aðild eða 67 til 75%

Flokksleysingjar og þeir sem engan flokk segjast myndu styðja.

Þessi stóri hópur fólks hefur engan þingmann og margir þeirra munu heldur ekki mæta á kjörstað hvorki í ESB kosningum eða öðrum kosningum en engu að síður er stærstur hluti þessa fólks andvígur ESB aðild eða 65 til 75%

Samfylkingin:

Þar keyrir forystan hart á þessu ESB máli, nánast eins og um trúarbrögð sé að ræða. Er þar hamast á samstarfsflokknum og þjóðinni líka. Ekki er vitað annað en allir 20 þingmenn flokksins styðji þetta einkamál flokksforystunnar. Þó gæti komið brestir í það þegar nær dregur, því ekki hafa allir verið sérlega yfirlýsingaglaðir um ESB málin. Einnig má finna forystumenn flokksins í sveitarstjórnarmálum sem eru andvígir ESB aðild og efasemdar raddir hafa líka heyrst frá sumum fyrrverandi þingmönnum flokksins. Spái því að andstaða eigi eftir að vaxa innan Samfylkingarinnar þegar þetta mál dregst enn á langinn. Enda ekki að furða því að samkvæmt skoðanakönnunum þá styðja aðeins 60 til 65% stuðningsmanna flokksins þessa ESB helför flokksforystunnar.

Því er í raun mestur ágreiningur um ESB málin innan Samfylkingarinnar. Það fer bara ekki hátt og svo undarlegt sem það nú er þá þykir það ekki frétta efni.

[Ómar Ragnarsson, 21.11.2010 kl. 19:18]

Aðallega er deilt um tvennt núna: 1. Hvort við eigum að ganga í ESB.  2. Hvort við eigum að halda áfram umsóknarferlinu burtséð frá því hvort menn eru með eða á móti ESB-aðild.

Lítum á Sjálfstæðisflokkinn: 1.  Þótt mikill meirihluti hafi samþykkt ályktun gegn ESB-aðild á landsfundi er harðsnúinn hópur innan flokksins sem er ákveðið þeirrar skoðunar að við eigum að ganga í ESB. 

2. Skoðanir eru einnig skiptar um það hvort leyfa eigi samningarferlinu að klárast. 

VG:  Nánast einróma andstaða við aðild að ESB en hins vegar deilt um það hvort eigi samt að leyfa samningaferlinu að klárast.

Ég get ekki séð betur en að miklu dýpri grundvallarágreiningur sé innan Sjálfstæðisflokksins en VG um megin álitaefnið, hvort ganga eigi í ESB eða ekki. 

[TómasHa, 21.11.2010 kl. 22:59]

Það er þetta með að það sem er "enn meiri klofningur", en auðvitað eru skiptar skoðanir, eins og í öllum flokkum. Það er hins vegar ekki enn meiri klofningur innan Sjálfstæðisflokknum en VG.