Ýmist of eða van.

Hann var byrjaður að bæta í vindinn þegar ég skaust nú síðdegis austur á Hvolsvöll til þess að huga að FRÚnni sem hefur staðið þar bundin á túninu hjá Jóni Loga bónda í einn mánuð.

Rafhlaðan orðin of máttlaus til að starta svo að það þurfti að notast við "Armstrong" til að koma henni í gang (handsnúa skrúfunni) og láta hreyfilinn síðan ganga svolítið og hitna.

Þar næst að lyfta flöpunum upp svo að vængirnir taki minna vindálag á sig. 

Síðan tók við að breiða sorppoka yfir mælaborðið og framsætið til þess að láta ekki leka niður í sætin þegar stórviðrisrigngin kemur, því að í hinni láréttu íslensku rigningu er þessi 35 ára gamla flugvél ekki vatnsheld. 

Ef sætin verða rennandi blaut skapast raki í vélinni sem hefur í gegnum tíðina hálfeyðilagt talstöðina og gæti eyðilagt það litla sem eftir er af henni. 

Á leiðinni austur lenti ég nokkrum bílum fyrir aftan "lestarstjóra" sem ók á 40 kílómetra hraða og bjó til margra kílómetra lest á eftir sér. 

Á einum stað á leiðinni hafði bíll runnið út af, að öllum líkindum eftir of hraðan akstur miðað við aðstæður. Eða þá að "lestarstjóri" hafi á endanum freistað einhvers úr lestinni til þess að reyna vonlausan framúrakstur. 

Já, svona er íslenska umferðin, - .það er annað hvort of eða van. 

Ekkert ferðaveður

Athugasemdir

[Hrólfur Þ Hraundal, 26.12.2010 kl. 09:57]

 Já Ómar, við Íslendingar eru ekki margir með augu í hnakkanum og þaðan af síður tilfinningar og má það auðvita kenna mistökum við þróun mansins. En vegna þessa ágalla þá nota um 40% ökumanna baksýnisspegla  en hin 60% lifa eins og náttúran bíður og horfa fram sin eigin veg og elta bráð sína og verða éttnir. 

Þetta er hugsanlega sérlegur stuðningur náttúrunnar við Steingrím í sparnaði á gjaldeyri.  Spegla lausir bílar hljóta að vera ódýrari og þar með spara gjaldeyri.    Margir ökumenn gætu líka sparað sér stefnuljós til mikilla hagsbóta fyrir Steingrím í þeirri viðleitni hans að spara gjaldeyri svo hafist upp í kostnaðinn við Evrópu umsóknina.

En að öðru:

Límbönd af ýmsu gerðum duga á stundum eftir aðstæðum og hafa reynst mér vel við reddingar og þéttingar.  En það þarf að vera límband sem hirðir með sér límið þegar það er fjarlægt en skilur það ekki eftir. 

Lokað rými þarf lostræstingu til að hleypa út raka og þar með þarf hita sem gæti verið bara ljósapera  eftir atvikum 40-75W sem er staðsett þannig að hitinn frá henni framleiðir hringrás um rýmið.  

Af því að flugvél er verðmæt sem og dótið sem í henni er, er ekki úr vegi að skoða hvað þarf margara vatta rafgeimir til að duga í viku við + - bretileika, með hita og rakaskinjara, og hugsanlega þarf einga skinjara heldur bara vindrellu, vattnsþéttingu og loftræstingu.   

 

 

[Jón Logi (IP-tala skráð) 26.12.2010 kl. 11:47]

FRÚin stendur vel. Vindar eru jafnir, en nokkuð sprækir. Hún hefur í fyrsta sinn aðeins reynt á spottann, en sá stóðst prófið með miklum ágætum.

Sem "rakavörn" er gott að fýra upp og koma cab-heat í gang. Það getur þó liðið smá tími þar til brautin gefur skilyrði til flugtaks.

Niðurstaða: TF-FRÚ er í besta standi.

[Ómar Ragnarsson, 26.12.2010 kl. 12:24]

Ég hafði ferskloftsspjald örlítið opið og einnig miðstöðvargöngin galopin.

Handsneri í gang og lét hana ganga í fimm mínútur þannig að olíuhitiamælir sýndi hita á hreyfli og hafði miðstöð opna og opnaði glugga til loftræstiingar. 

Sé að á veðurathugunarstöðvum þarna í kring hafa hviður orðið um 30 m/sek eða tæplega 70 mílur, en flugvélin getur auðveldlega flogið á þeim hraða, þótt í böndum sé. 

Hæðarstýrið er hins vegar stillt þannig að það beini nefi vélarinnar niður. 

[Jón Logi (IP-tala skráð) 26.12.2010 kl. 12:40]

Ég tók eftir því að "gamli refurinn" hafði sett elevatorinn í niðurátt. Enda stendur stélið upp.

Nú er vindur að detta niður, og stefnan er hringlandi (NW núna). 

FRÚin hefur staðist stormprófið.

[Guðjón Sigþór Jensson, 26.12.2010 kl. 13:28]

Er ekki mögulegt að koma Frúnni í hús? Víða eru skemmur meira og minna tómar. Kannski að þá geti það boðið annarri hættu heim? Okkar fjölskylda hefur lent í því að mús komst í bílinn okkar og fór nokkrar ferðir milli Mosfellsbæjar og Skorradals án þess að hún kæmi sér sjálf út úr bílnum. Að lokum varð að kaupa músagildru í Húsasmiðjunni þerrar gerðar að unnt væri að veiða hana lifandi og sleppa aftur út í náttúruna. Músagildran kom að gagni en mýsla drapst vegna þess að við hönnun gildrunnar var ekki nægulega gætt að því að mýslan hefir ekki náð að anda almennilega. Í stað þess að sleppa henni aftur út í náttúruna varð að sækja skóflu og grafa.

Bestu kveðjur

Mosi

[Jón Logi (IP-tala skráð) 26.12.2010 kl. 14:28]

Fyrir leikmanns-augu eru allar skemmur nógu stórar fyrir FRÚ.

En flestar hafa of þröngar dyr. Vænghafið er ca 2x meira en þvermálið á hlöðudyrum, og skrokklengdin er líka of mikil.

Svo er vond skemma engu betri en útiveðrið.

Sú næsta skemma sem ég veit um með nógu stórt dyragat er á Hellu. Hún myndi taka Frúnna en er víst full.