"Kafaldsbylur" - þetta líkar mér.

Það á ekki bara að gagnrýna heldur líka að geta þess sem vel er gert. Í bloggpistli mínum næst á undan þessum kom fram gagnrýni á  enskuskotið og ónákvæmt orðalag í frétt um stórhríð í Bandaríkjunum.

Í fréttinni, sem þessi pistill er tengdur við,  er allt annað að sjá og notuð orðin "kafaldsbylur" og "óveður" sem saman lýsa afar vel því illviðri sem hefur geysað á austurströnd Bandaríkjanna. 

Þetta líkar mér. Kærar þakkir. 

Röskun á flugi vegna veðurs

Athugasemdir

[Sigurbjörn Sveinsson, 28.12.2010 kl. 14:00]

" lokuðust flugvellir í gær vegna kafaldsbyls" Hér má líka finna að. "vegna kafalds" dugar alveg og er smekklegra að mínu mati.

[Ómar Ragnarsson, 28.12.2010 kl. 14:10]

Sammála. Þetta er þó stórum betra en málleysurnar sem óðu uppi í fyrri fréttum af ófærðinni.