Sérfræðingar ekki sammála.

Dýralæknar, dýrafræðingar og fuglafræðingar víða um heim brjóta nú heilann um dularfullan fugladauða í Bandaríkjunum og eru ekki sammála.'

Nú hefur svipaður fugladauði átt sér stað við Falköping í Svíþjóð og enn eru uppi kenningar um hræðslu sem dauðaorsök eins og í Bandaríkjunum.

Leikurinn með skýringarnar hefur nú borist til Íslands og enn eru sérfróðir menn ekki sammála.

Þegar svo er, eiga leikmenn leik.

Ætli skýringin sé ekki sú að þetta sé óráðin gáta?

Ef fuglarnir dóu svona margir í einu úr hræðslu, hvers vegna hefur slíkt ekki gerst fyrr í þessum mæli? 

Það hafa áður verið þrumuveður og áður verið flugeldasýningar  sem nefnd hafa verið sem hugsanlegar orsakir í Bandaríkjunum. Varla var það orsökin við Falkjöping? 

Af hverju drápust þúsundir fugla í Louisiana á svipaðan hátt þar sem ekki var neinn hávaði á ferðum? 

 

P. S. Á ljósvakamiðlunum hafa fréttamenn og þulir staglast á nafni Arkansas ríkis með því að bera það rangt fram, líkt og síðasta atkvæðið væri nafn flugfélagsins SAS sem viðskeyti. 

Nafnið er borið fram Arkanso og ekki frekar ástæða til þess að bera það öðruvísi fram heldur en að bera fram nafn New York sem Nefjork. 

Drápust líklega úr hræðslu

Athugasemdir

[Viktor Gylfason (IP-tala skráð) 5.1.2011 kl. 14:07]

ég held að það er einhvað á seiði vilja bara ekki gefa það upp sama svarið allstaðar og hvenar hættu fuglar að þola kulda og það er nóg að æti fyrir þeim

[Ásdís (IP-tala skráð) 5.1.2011 kl. 14:08]

Ef fuglarnir dóu úr hræðslu væru smáfuglar þá ekki útdauðir í íslenskum bæjum eftir áramótin?

Eða eru þetta tilraunir Kínverja með vopn til að eyða gerfihnöttum? Spyr sú sem ekki veit.

[Jóhannes Birgir Jensson, 5.1.2011 kl. 14:15]

Ómar, það eru sárafáir staðir á hnettinum sem hafa unnið sér það mikla hefð að framburður þeirra er nokkuð samstæður um heim allan. Njújork er einn þeirra sárafáu.

Arkansas heitir það og Arkansas má þá segja á íslensku, við segjum París en ekki Pa-í eins og Parísarbúar segja og heyra má í auglýsingu í sjónvarpinu. Berlín er það en ekki Berlin og svo áfram.

[Sævar Helgason, 5.1.2011 kl. 14:56]

Já.fuglar geta tekið uppá ýmsu sérkennilegu.

 Við áhöfnin á olíuskipinu Hamrafelli upplifðum mjög sérkennilegt tilfelli er við vorum á siglingu á Svartahafi ekki langt frá Bosporussundi í Tyrklandi vorið 1958.

 Morgunn einn þegar birti blasti við okkur þvílík mergð af fuglum að tæpast sá í dekkið. Þetta voru allskonar tegundir fugla ,bæði litlir og stórir þ.a.m smyrlar og uglur. Fuglarnir voru mjög gæfir svo hægt var að taka þá upp .

Þetta ástand hélst allan daginn. Algengt var að áhafnarmeðlimir væru komnir með kannski tvo smyrla og uglu inn í herbergi til sín- sem gæludýr-vandamálalaust.

 En morgunin eftir voru allir fuglarnir á dekkinu á braut og þeim sem fengið höfðu gistingu innandyra var sleppt. Þeir urðu frelsinu fegnir.

Aldrei hef ég fengið skýringu á þessari stórundarlegu hegðun þessara fugla....Það er margt skrýtið í náttúrunni....

[Sigurður Haraldsson, 5.1.2011 kl. 15:04]

Sælir gas það er málið jarðgas vegna stórra skjálfta um allan hnöttinn nú á síðustu misserum!

[Bjarne Örn Hansen (IP-tala skráð) 5.1.2011 kl. 18:44]

Ef ég man rétt, þá eru helstu líkurnar á þessu að um sé að ræða flökt í segulsviði jarðar.  Það er að öllum líkindum stærsta ástæða fyrir lofthvörfum, loftslagsbreitingum.  Þetta er einn þeirra þátta sem er lítt þekktur eins og er.  Vitað er um að það finnst 1000 ára, 2000 ára, 4000 ára og að mig minnir 10 000 ára skeið sem lítið er talað um, vegna þess að það finnst of lítið af gögnum til að geta slegið neinu föstu.  Men vilja því heldur vinna með "smá brot" af gögnum, og útiloka aðrar staðreyndir sem mannkynssagan kennir okkur.

[Sjáandinn (IP-tala skráð) 5.1.2011 kl. 19:21]

Forspár maður sagði mér að brátt fari að rigna grænum villiköttum á Íslandi. Ekki nóg með það, heldur mun hægt að rekja það til vinstrisinnaðara umhverfisverndarsinna

[Bjarne Örn Hansen (IP-tala skráð) 5.1.2011 kl. 20:48]

Ómar hefur rétt fyrir sér, hvað varðar arkansas.  Hægt er að lesa um þetta á Wikipedia.  En samkvæmt því var framburður á orðinu Arkansas staðlað vegna mikils munar á því, og er nafnið á Indiánamáli og því borið fram 'arkenso.

http://en.wikipedia.org/wiki/Arkansas

[Stefán Þ Ingólfsson, 5.1.2011 kl. 22:12]

Ég held að fuglarnir hafi flogið inn í svokallaðan "kuldapoll" sem er mun kaldari en loftið umhverfis og hreinlega frosið í hel.

[Gunnar Þórbergur Harðarson (IP-tala skráð) 6.1.2011 kl. 01:34]

Fugla og fiskadauði hmmm.   Gerðist nákvæmlega það sama í tilraunum Nicola tesla fyrir u.þ.b. öld.....?

http://www.youtube.com/watch?feature=player_detailpage&v=h5uiK_QnyrE 

Það er fnikur af HAARP hérna

http://www.youtube.com/watch?v=QkLTzesBxGE 

[Brynjólfur Þorvarðsson, 6.1.2011 kl. 08:27]

Sæll Ómar

Já það er vissulega grunsamlegt hvað sérfræðingar eru fljótir að finna gagnslausa skýringu - ég furðaði mig á þessu þegar ég las á New Scientist að búið væri að "leysa" málið með fuglana á Arkansas, þeir hafi flogið hvor á annan vegna skotelda! Og einnig væri búið að skýra fiskadauðann í nálægu vatn, þar væri "trúlega" um sjúkdóm að ræða. Hvorugt er raunveruleg skýring eins og hver maður sér, sjúkdómur er reyndar ekki ósennileg skýring á fiskadauða en lausnin er ekki fundin fyrr en hún er fundin - "trúleg" skýring er ekki endanleg skýring.

En hvað getur drepið fugla í Arkansas og Svíþjóð en ekki fólk og fénað? Sjálfur hef ég enga skýringu.

En ég las frásögn Sævars hér að ofan og það minnti mig á nokkuð sem ég varð vitni að fyrir rúmum aldarfjórðungi. Ég var á leið vestur á Snæfelssnes með Sæmundi, þetta var fallegur morgunn í stilltu veðri og í morgunfréttum heyrum við að Hvalur II sé á leið í land með fyrsta hval vertíðarinnar. Þegar rútan beygir fyrir nesið síðasta nesið við sunnanverðan fjörðinn sjáum við að Botnsfjörðurinn er þakinn fuglum, trúlega hundruð þúsundir af öllum tegundum en mest mávar. Þeir sátu bara þarna og biðu - eftir hvalnum? Skyldu þeir hafa heyrt útvarpsfréttirnar, hugsaði ég.

[Jón Logi (IP-tala skráð) 6.1.2011 kl. 16:30]

Athyglisverð vísbending við HAARP. Ef ætti að prófa einhver orkutengd-bylgjutengd vopn, þá er enginn tími betri en gamlárskvöld :D

[Svanur Gísli Þorkelsson, 6.1.2011 kl. 18:21]

Hvað heitir eina fylkið í Bandaríkjunum sem byrjar á A en endar ekki á A?

Helsta fæða þessara fugla (Agelaius phoeniceus) er kornsæði og afgangs-korn af frjóum og marg-erfðabreyttum kornökrum Arkansas. - Því hefur verið haldið fram að erfðabreytta kornið þaðan hafi aukið glúten óþol í mönnum. Kannski að einhver ákveðin útgáfa af því sé banvæn þessum fuglum.