Nú munar um það!

Það er ekki neinn smá áfangi í náttúruvernd á Íslandi sem felst í því að stækka Vatnajökulsþjóðgarð til suðvesturs þegar litið er á þær fyritætlanir sem uppi hafa verið um virkjanir þar og myndu valda miklu meira umhverfistjóni en menn hafa gert sér grein fyrir. 

Síðustu áratugi hafa verið uppi fyrirætlanir um svonefnda Skafárveitu, sem felst í því að veita Skaftá yfir í Langasjó og vatni síðan þaðan um jarðgöng yfir í Tungnaá. Með þessu muni skapast viðbótarorka í virkjanakeðjunni niður Tungnaá og Þjórsá upp á nokkra tugi megavatta en mest sé um vert, að þetta sé afar ódýr framkvæmd og hagkvæm.

Í öðru lagi hefur verið sagt að þetta sé afar umhverfisvæn aðgerð, því að með því að veita aurnum, sem Skaftárhlaup bera með sér, yfir í Langasjó, sé komið í veg fyrir sandburð hennar allt niður í byggð, sem jafnvel sé kominn að syðstu Lakagígunum.

 Í þriðja lagi hefur verið sagt að Skaftá hafi áður runnið í Langasjó og því sé það þarft verk að leiðrétta þetta og koma henni í fyrri farveg. 

Á ráðstefnu um Skaftárveitu fyrir nokkrum árum kom fram að Langisjór myndi fyllast upp af auri að mestu á 1-200 árum. Þar að auki myndi vatnið verða aurlitað en ekki himinblátt eins og verið hefur, en þessi blámi fegursta hálendisvatns á Íslandi hefur verið helsta prýði þess. 

Einnig hefur komið fram að Skaftá rann aðeins í Langasjó í 1-200 ár þegar jökullinn gekk lengst fram og það ástand er því alger undantekning á þeim 11000 árum sem það hefur verið til eftir að ísöld lauk.

Aðalatriðið er þó að á þessu svæði er í aldanna rás í gangi það sem ég vil kalla "The Greatest Show on Earth", stórfenglegasti náttúrusjónleikur eða sjónarspil sem þekkist á jörðinni og að það, að fara að umturna þessu svæði sé hliðstætt því að ruðst sé upp á svið í leikhúsi, þar sem verið er að sýna grískan harmleik eða mikið drama eftir Shakespeare og þess krafist að sýningin sé stöðvuð og færð til hugnalegri vegar. 

Þættir þessa mila sjónleiks felast í því að það skiptast á þættir hrikalegra eldgosa og þættir með miklum sandburði jökulhlaupa. 

Síðasti eldgossþáttur var í Skaftáreldum 1783 þegar hraun rann yfir sandinn, sem áður hafði runnið yfir hraun úr enn stærra gosi um 930. 

Nú stendur yfir þáttur sandburðar sem fyllir í hraunið en mun þó ekki komast yfir það allt, því að eftir fáar aldir mun aftur hefjast þáttur eldgoss sem sendir hraun frá sér til að þekja sandinn. 

Ef rétt er að staðið er í þessu fólgin gríðarlegt aðdráttarafl fyrir ferðamenn sem hefur hvergi nærri verið nýtt til þessa og gæti skapað margfalt meiri tekjur en , ef menn vilja bara hugsa um gróða og beinharða peninga beint í vasann í æðibunugangi virkjanaæðisins.

Ég er í móðurætt kominn af Landbroti og Síðu og er stoltur af ættmenninum mínum á þessu svæði, svo sem Jóni Helgasyni og fleiri, sem ég þykist vita að eigi hlut að því tímamótaverki sem þarna hefur verið unnið í samvinnu við röskan umhverfisráðherra. 

Þetta er þó aðeins áfangi, því að fyrir fáum árum voru við völd hér á landi ráðherrar sem töldu að friðlýsingar ætti ekki að virða ef virkjanahagsmunir krefðust. 

Á síðasta landsfundi Samfylkingarinnar náðist í gegn samþykkt, þar sem lýst var þeirri stefnumörkun að allt hálendið milli Suðurjökla og Vatnajökuls yrði friðað. 

Þetta er áfangi í því máli, og baráttan gegn skammsýnni eyðileggingu náttúruverðmæta á þessu svæði er rétt að byrja.

 

P. S. Ég biðst velvirðingar á því að þessi pistill hefur litið afar einkennilega út fyrsta hálftímann eftir að ég byrjaði að skrifa hann vegna óútreiknanlegra dynta í gamalli og slitinni tölvu, sem gerir stundum fáránlegustu kúnstir mér til armæðu. 

Stækka Vatnajökulsþjóðgarð

Athugasemdir

[Úrsúla Jünemann, 17.2.2011 kl. 18:25]

'Eg samgleðst þér. Smám saman mun íslenska þjóðin átta sig á því hvar verðmætin landsins liggja. Og hvernig er hægt að nýta þau án þess að eyðileggja  þau fyrir stundagróða.

[Tryggvi Helgason, 17.2.2011 kl. 21:05]

Mér finnst nú að þessi Vatnajökulsþjóðgarður sé tómt bull frá upphafi og eigi engan rétt á sér.

Það á að afskrifa þennan þjóðgarð, að mínu mati.

[Hjalti Finnsson (IP-tala skráð) 17.2.2011 kl. 21:27]

Þetta eru góðar fréttir fyrir Íslendinga, held að loksins séu að komast í gegn þau skilaboð að ekki megi fórna hverju sem er fyrir stundargróða.

Þetta svæði er einstakt á heimsvísu og mér er eiginlega spurn hvað þarf til fyrir Tryggva Helgason til að svæði geti öðlast rétt til stöðu þjóðgarðs.

Hæfileg blanda af friðlýsingu til framtíðarnota og nýtingu náttúruauðlinda hér og nú er leiðin fram á við.

[Haraldur Haraldsson, 18.2.2011 kl. 00:36]

það er gott að ganga vel um landi sitt og allt það!!En öfgarnar eru á báða bóga að manni finnst,það er ekki allra að fara um þetta svæði og það þarf að kynna það betur en úr flugi og svo framvegis,og að þarf vegi til að keyra og skoða,það er ekki allir jafn fótfráir Ómar,og það verður að fara bil beggja einnig nýta það til sjálfbærar nýtingar, svo sem orku i hvað sem hún nú fer/Kveðja

[Gunnar Th. Gunnarsson, 18.2.2011 kl. 01:25]

Þetta með "himinblátt" vatnið, (Langasjó) er ágætt sjónarmið og jafnvel tilefni til verndunar.

Sömu rök voru reyndar færð fyrir því að veita ekki Jöklu í Lagarfljót, af Andra Snæ Magnasyni, rithöfundi. Þó er þar reginmunur á, því Lagarfljót hefur aldrei verið blátt, hvað þá himinblátt, heldur var það sementgrátt, og jú, það mátti reyndar sjá örlítinn bláma í bland.

Vatnið átti að kólna svo að áhrifanna gætti í lofthita á Héraði. Það var auðvitað tómt bull, eins og annað sem frá þessum skýjaglóp kom, í skrifum hans um Kárahnjúkavirkjun. Nú er Lagarfljótið brúnleitara en áður, en engar breytingar hafa orðið á lofthitanum.

En svo er það með þetta: "..gríðarlegt aðdráttarafl fyrir ferðamenn sem hefur hvergi nærri verið nýtt til þessa og gæti skapað margfalt meiri tekjur.." 

Eru viss um að Svandís, umhverfisráðherra, leyfi vegagerð og uppbyggingu þjónustu á svæðinu við Langasjó?   Ég leyfi mér að stórefast um það... og hvaðan eiga þá þessar "margfalt meiri tekjur" að koma?  Sjá HÉR

[Gunnar Th. Gunnarsson, 18.2.2011 kl. 01:30]

Annars hélt ég að verið væri að bíða eftir "rammaáætlun", en umhverfisráðherra hleypur fram fyrir hana, til þess að fá klapp á bakið frá vistkvíðasjúklingum.

[Sævar Helgason, 18.2.2011 kl. 10:32]

Þetta er fagnaðarefni. Langisjór er einstök náttúruparadís umlukin Fögrufjöllum með Sveinstind að sunnan en sjálfan Vatnajökul fyrir norður enda vatnsins. Lengi voru uppi hugmyndir um að veita Skaftá í Langasjó og nýta hann sem miðlunarlón fyrir Þjórsársvæðið til raforkuframleiðslu. Við það hefði orðið rústun á Langasjó og umhverfi hans. Í stað þessa fagurbláa háfjallavatns hefði orðið til forugt jökulvatn með verulegri yfirborðshækkun frá því nú er og hin ægifögru Fögrufjöll ekki orðið svipur hjá sjón.  

Ég ferðaðist eitt síðsumar í ágústmánuði á kajak eftir endilöngum Langasjó fram og til baka alls 40 km róður. Algjört logn var þennan rúma sólahring sem ferðin stóð yfir og stóð.

Víða hef ég farið um veröldina en þessi staður tók öllu fram við þessar góðu aðstæður. Einstök náttúruperla. Ég myndi því telja að þarna ætti aldrei að leggja vegi- en ferðamannastaður með rafknúnum bátum til siglinga á þessum stað biði uppá mikla upplifun.... Vonandi berum við Íslendingar gæfu til að vernda okkar fegurstu djásn náttúrunnar...

[Gunnar Th. Gunnarsson, 18.2.2011 kl. 11:20]

Þetta er falleg lýsing hjá þér Sævar. Nú hef ég aldrei komið þarna og spyr því; hvernig er aðgengi að staðnum háttað í dag? Jeppaslóðar?

[Jón Logi (IP-tala skráð) 18.2.2011 kl. 11:38]

Tja, góður punktur. Ekki kæmi mér á óvart að það sé dálítið mál að brölta þetta. Þá þarf bara vegabót til að setja upp túristavirkjun ;)

Það er reyndar margt að sjá í sambandi við ðlandmyndun á svæðinu. Sumt þróast svipað og á Rangárvöllum, - þar sem hraun var fyrir 1000 árum eru sums staðar grónir hólar í dag, - hraunið fékk sand sem lokaði því og sandurinn greri, en sandinn skóf af öðru hrauni þar sem áður var sandbreiða og þar fram eftir götunum.

Þetta hef ég sýnt túristum úr lofti, og þeir eru alveg orðlausir.

Þarna austur frá eru mikilir möguleikar, en á meðan á gosum þarna stendur gæti Showið orðið helst til Great.....

[Sævar Helgason, 18.2.2011 kl. 11:55]

Takk fyrir Gunnar Th.

Farið er Fjallabaksleið nyðri F 208 ,hvort sem er að austan frá Skaftártungu eða Landmannalaugum. Síðan er vegur F235, á mótsvið fjallið Herðubreið skammt frá Eldgjá. Þessi vegur F235 liggur rakleitt að Langasjó og hefur enda á tanganum við veiðimannaaðstöðuna. Þetta er góður vegur að sumarlagi en er 4x4 nauðsynlegur vegna smá lækja og grunnra árspræna-eins og Fjallabaksleið. Sveinstindur er þarna við suðurenda Langasjávar , mikill og góður útsýnisstaður yfir allt svæðið-allt uppá Vatnajökul. Ganga þarna er góð en róa þarna hljóðlaust á kajak er -beint í æð.

[Gunnar Th. Gunnarsson, 18.2.2011 kl. 13:50]

Er "ganga þarna góð" fyrir fatlað fólk? Hvað með þá sem ekki hafa efni á að eiga 4x4 bíla?

[Sævar Helgason, 18.2.2011 kl. 14:44]

Gunnar Th

Fatlað fólk og fatlað fólk- það er margskomar fötlun. T.d myndi ég telja að fatlað fólk með geðraskanir (sem er langstærsti hópurinn) hefði mjög gott af upplifun á þessu svæði. Síðan er það líka afstætt með 4x4 bíla Minn Suzuki Jimny er á allan hátt það ódýrasta sem ég tel vít í fyrir mig-af öllum bílum. Síðan má hártoga allt og teygja út og suður hafi maður þannig geðslag 

[Jón Logi (IP-tala skráð) 18.2.2011 kl. 15:59]

Það mætti svo kannski laga vöð og kannski setja ræsi yfir sprænur.

Annars eru margir fólksbílar 4x4. Var á Imprezu, er á Forester.

Nú tek ég við mörgum ferðamönnum sem hafa farið þarna austur um, en man ekki eftir neinum sem minnst hefur á Langasjó. En svæðið þó. Enda eru þeir sem fara frekar þarna um á alvöru 4x4.

Það er eitt sem svolítið takmarkar aðgengi erlendra ferðamanna, og það eru reglur hjá bílaleigum, þar sem svæðin eru merkt sem leyfilegar leiðir fyrir svona og svona bíla. Það er minn hnykkipunktur fyrir vegabætur, af því að þetta virkar eins og bann allt upp í rándýra bíla og tryggingar o.fl. Fullt af þessu fólki þorir ekki að fara út fyrir skilmálana, og hefur ekki efni á einhverjum ofurdýrum bílum.

Það myndi raska rónni einhver umferð, en þarf nú ekki að verða traffík eins og á Piccadilly heldur, og muna skal að rök fyrir virkjunum á svona stöðum eru oft þau að þarna (NEFNILEGA!) komi hvort eð er enginn.

Ég reri einu sinni kanóbát niður Rangá og niður í Hólsá.  Sjálfsagt einhverjir 20 km + með öllum bugðum. Þetta var alveg æðislegt, og mjög friðsælt þótt maður hafi verið í byggð. Sama verð ég að segja með róðra á Svínavatni og Vestmannsvatni, sem er mitt uppáhald no. 1. Algert æði að sumarkvöldi.

[Gissur Jóhannesson (IP-tala skráð) 18.2.2011 kl. 16:12]

Ómar:Haft er eftir Landgræðsustjóra sé miðað við sandburð síðustu Skaftárhlaupa verði allt Skaftáreldhraunið norðan þjóðvegar komið undir sand innan næstu 20 ára      Hvað á þá að gera? Sá Lúpínu til að hefta sandfokið eða færa veginn sunnar til að halda veginum opnum eftir því sem sandurinn vex,meðan beðið er eftir stóru stundinni (miðað við þín skrif )að nýjir Skaftáreldar verði sem loka sandinn niðri  ÞVÍLÍKT BULL.

Það var auðvitað að hægt væri að rekja slóðina boðleið rétta til Samfylkingarinnar þegar til stóð í fyrra að setja ætti allan Skaftártunguafrétt inn í þjóðgarð. Það er eins og allt annað hjá þessu Samfylkingarfólki tóm hugsunarlaus  frekja og yfirgangur.

Ég veit ekki til að bændur sem eru nitja réttar hafar af þeim afréttum sem fylgt hafa ábýlisjörðum þeirra allt frá dögum Grágásar hafi nokkurn tima amast við því að ferðafólk fari með friði um þeirra lönd. Umhverfisvernd er altaf af því góða en það má þó alldrei fara með hana út í öfgar. Samvinna og samkomulag ferðamanna við heimamenn á hverjum stað er og verður alltaf afarasælust. 

[Ómar Ragnarsson, 18.2.2011 kl. 17:02]

Við getum farið svipaða leið og farin var í Yellowstone þjóðgarðinum, þegar miklir skógareldar geysuðu þar 1988. Ákveðið var skipta sér ekki af eldinum nema þar sem hann ógnaði mikilvægum mannvirkjum.

Þri á að lækirnir Grenilækur og Tungulækur myndu þurrkast upp með áframhaldandi sandburði.  að eru til leiðir til þess að minnka ágang sandsins ofan þjóðvegarins og þær má athuga. Á ráðstefnunni um þetta kom fram að hætta væri á því að góðir veiðilækir, Grenlækur og Tungulækur, myndu þurrkast upp smám saman vegna sandburðarins. 

En það kom líka fram að Skaftárveita myndi ekki seinka þessu um meira en 40-50 ár. 

Varðandi áhyggjur manna af auknum ferðamannastraumi er það að segja að í þeim 26 þjóðgörðum og friðuðu svæðum sem ég hef skoðað, hafa menn alls staðar ráðið við hann með því að tíma að veita til þess einhverju af því fé sem ferðamannatekjurnar gefa. 

Hér á landi eigum við enn fullt af áhugaverðum ferðamannasvæðum með ósnortinni náttúru sem hægt væri að dreifa umferðinni á ef þess er gætt að fækka þeim ekki svo mikið að öllu sé stýrt á örfá svæði. 

Maður neyðist víst til þess að fjalla um fjárhagsábata vegna þess að umræðan er alltaf látin snúast um þá hlið. Og þá þýðir ekki annað en að segja upp á amerísku: "Let´s beat them at their own game!" 

[Ómar Ragnarsson, 18.2.2011 kl. 17:04]

Tölvan heldur áfram að angra mig og tók framan af setningunni um Grenlæk og Tungulæk.

Hún á að byrja svona: Á ráðstefnunni um Skaftárveitu kom fram, að Grenækur og Tungulækur myndu smám saman þurrkast upp ...

[Gunnar Th. Gunnarsson, 18.2.2011 kl. 17:19]

Ef það á að veita verulegu fjármagni í vegabætur og bætta þjónustu í óbyggðum, þá er það almenn krafa í dag að allir þjóðfélagsþegnar sitji við sama borð.  Fatlaðir sem frískir, efnamenn og.... minna efnaðir.

En svo vorðist stefnan vera hjá "Norrænu velferðarstjórninni" að loka fyrir umferð sem víðast úti í náttúrunni, eins og nýleg dæmi sanna.

[Jón Logi (IP-tala skráð) 18.2.2011 kl. 18:43]

Á hvaða plánetu býrðu Gunnar? Hefurðu komið í Þórsmörk? 4x4 dæmi. Bara svo gamalgróinn ferðamannastaður að þar ganga hlutirnir upp, en ekki beinlínis fyrir hreyfifatlaða að rússa þar um, né að skrölta þangað á einverri smápútu.

Flestar náttúruperlur sem lítt eru skoðaðar eru það af tvennum orsökum. Aðgengi (4x4) og skortur á kynningu/aðstöðu/þjónustu.

Það hefur ekki skort fé til vegabóta vegna vatnsaflsvirkjana, - hvers konar "sama borð" er það fyrir útflutningsiðnað á borð við ferðamennsku? Og ATH þarna ábendingu Ómars um það að varast skuli að stýra allri traffíkinni á örfá svæði.

Og Gissur, - þú gerir þér grein fyrir því að við munum standa í tuski við sandinn út í eilífðina. Það er ekkert nýtt. Hér talar sandbarinn Rangæingur sem er búinn að sá í fjögurra stafa tölu hektara í fokjarðvegi.....út um allt, frá Miðnesheiði og austur í Landeyjar, og svo meir að segja rétt heima við húsgafl landgræðslustjóra....

[Andri Snær Magnason (IP-tala skráð) 19.2.2011 kl. 02:19]

GUNNAR TH: Þú ert djöfuls bullari og ættir að hætta að menga bloggið með því að dreifa rugli og vitleysu: Ég hef aldrei sagt Lagarfljótið vera blátt þótt þú þrástagir á þessu. Svona er umfjöllun um Lagafljót á bls 262 í Draumlandinu. DULGRÆNN SEGIR ÞAR:

Sá sem hefur séð Lagarfljót hefur „farið þangað“. Heilli jökulá verður bætt í fljótið, dulgrænn liturinn verður brúnn, vatnið kólnar, vatnsborð hækkar og rífur bakkana. „Lagarfljótið verður grimmara,“ sagði mér gamall maður sem hefur búið við Lagarfljótið alla ævi. Kárahnjúkar hvergi nærri og hann hefur sjálfur aldrei „komið þangað“. Héraðsflói missir sína Jöklu og framburðinn sem nærir hafið og heldur uppi ströndinni. Selalátur við strönd Héraðsflóa munu eyðileggjast, land mun brotna og færast innar og spilla náttúruparadísinni við Húsey sem verður umflotin vatni innan áratuga. Ekkert af þessu er í augsýn við Kárahnjúka. Fossaröðin innst í Fljótsdal verður þurrkuð upp. Kárahnjúkar hvergi nærri. Risavaxnar raflínur inn á Reyðarfjörð. Kárahnjúkar hvergi nærri.

[Gunnar Th. Gunnarsson, 19.2.2011 kl. 02:35]

Andri Snær, þú sagðir í blaðagrein (og það er hægt að grafa hana upp) að fólk ætti að drífa sig austur áður en fagurblár Lögurinn yrði brúnn. Þessu fylgdi líka runa af ástæðum, hvers vegna fólk ætti að drífa sig austur, m.a. vegna þess sem þú telur upp í þessari gerræðislegu athugasemd þinni:

„Lagarfljótið verður grimmara,“ sagði mér gamall maður sem hefur búið við Lagarfljótið alla ævi. Kárahnjúkar hvergi nærri og hann hefur sjálfur aldrei „komið þangað“. Héraðsflói missir sína Jöklu og framburðinn sem nærir hafið og heldur uppi ströndinni. Selalátur við strönd Héraðsflóa munu eyðileggjast, land mun brotna og færast innar og spilla náttúruparadísinni við Húsey sem verður umflotin vatni innan áratuga."

Allt í þessari tilvitnun eru hugarórar metsöluskálds, sem þyggur framfærslu af ríkinu í gegnum rithöfundasjóð. Metsöluhöfundar sem ferðast um heiminn í boði allskyns fyrirtækja og samtaka sem selja bullið úr þér og þéna feitt á því.

[Gunnar Th. Gunnarsson, 19.2.2011 kl. 02:40]

Allt sem þú talar um og setur í váfréttastíl, er og hefur verið vaktað af "sérfræðingum". Það mun fara lítið fyrir þér þegar niðurstöður þeirrar vöktunar verða gerðar opinberar.Ég hef fengið að kíkja í bráðabyrgðaniðurstöður úr þeim vöktunum sem sýna hversu mikill hugaróramaður þú ert.

Þess má þó geta að sumar rannsóknirnar miðast við 10 ára vöktun, svo ekki er ástæða til að vera með fullyrðingar enn.

Ég held að þú bíðir niðurstaðnanna með ótta í brjósti.

[Gunnar Th. Gunnarsson, 19.2.2011 kl. 02:52]

"Dulgræni liturinn"

Það hlýtur að vera yndislegt að lifa í þínum heimi, Andri.

[Andri Snær Magnason (IP-tala skráð) 19.2.2011 kl. 08:45]

Þú hefur ruglað mér saman við Helga Hallgrímsson. Hann skrifar þetta í Mbl: 2001:

"Vegna aðrennslis Jökulsár í Fljótsdal er Lagarfljót með jökulvatnslit allt til ósa. Samt er það mjög breytilegt að lit eftir árstíðum og veðri, grátt, grágrænt, blágrátt, jafnvel heiðblátt. "

Helgi Hallgrímsson Morgunblaðið 2001 - Lagarfljót mesta vatnsfall landsins:

http://www.mbl.is/mm/gagnasafn/grein.html?grein_id=621417

Hefur Helgi komið þangað?

Ég skrifaði hins vegar bakþanka í Fréttablaðið þar sem ég hvatti fólk til að fara um allt land og sjá hluti áður en það yrði um seinan. Ein klausa um Lagarfljótið:

,,Farðu í Atlavík og sýndu börnum þínum litinn á Lagarfljóti svona dularfullan og grænan. Jöklu skal bætt í fljótið. Vatnið verður dekkra og kaldara, vatnsborðið mun hækka, straumurinn aukast. Hvað verður um Atlavíkina sjálfa veit ég ekki. Farðu og sjáðu þetta áður en það verður of seint."

Mér hefur aldrei þótt Lagarfljótið blátt - þótt það hafi verið grænblátt, og þannig séð fagurblátt áður en þú og þínir selduð það Alcoa og kusuð Halldór Ásgrímsson og Valgerði yfir okkur og einkavæðingu bankanna. Mange tak.

Hvet þig til að finna greinina - sem hefur verið þér sönnun fyrir vanþekkingu minni í ótal færslum.

Ert þú þessi smáfugl á AMX?

[Jón Logi (IP-tala skráð) 19.2.2011 kl. 09:11]

Jahérna hér, nú þykir mér týra á tíkinni. 2 spurningar:

Andri, ert þú Andri sá er skrifaði Draumalandið? (Hvernig gætir þú svo sem sannað það, tja)

Og Gunnar, heldur þú að það sé litamunur á Soginu og Hvítá, Soginu og Ölfusá, og Ölfusá og Hvíta?

(Svo væri gaman að sjá þig fatta hvað ég er að fara.....)

[Andri Snær Magnason (IP-tala skráð) 19.2.2011 kl. 09:41]

Gunnar - það eina sem ég finn um fagurbláan Lögin og ASM er þessi athugasemd:

,,Mér dettur stundum í hug ummæli Andra Snæs um Lögin í Fljótsdal, sem ég man reyndar ekki hvort hafi verið í bókinni hans góðu eða í blaðagrein sem hann skrifaði. Þar hvetur hann fólk til að drífa sig austur á land áður en Jökulsá á Dal verði veitt í Lagarfljótið, til að sjá í síðasta sinn fagurbláan Löginn. Manni fallast hendur þegar maður les svona vitleysu. Þetta skýrir kannski nafngiftina á bókinni, því hvergi nema þá í einhverju draumalandi er Lögurinn blár, hvað þá fagurblár."

Þú ruglar alveg út í eitt. Jón Logi - það verður ekki sannað hvort ég sé til í alvörunni. Gunnar Th er hins vegar að öllum líkindum vinnustaðahúmor hjá einhverri almannatenglastofu, svona eins og karlarnir á svölunum í Prúðuleikurunum, púar á allt sem Ómar skrifar, en ert fyrst og fremst að þvæla umræðuna og eyða tíma hans. Varðandi Langasjó - þá er hægt að komast þangað á rútu. Þannig fór ég þangað og fagna þessari friðun. Og hann er fagurblár.

[Gissur Jóhannesson (IP-tala skráð) 19.2.2011 kl. 11:04]

Umhverfisvernd er altaf af því góða meðan hún gengur ekki út í hreinar öfgar sem því miður er allt of mikið af. Hugsum okkur að það skuli verið fundið að því að það sjáist hófför eftir hesta inn á hálendi landsins. Hefur hesturinn(þarfasti þjóninn) ekki altaf fylgt forfeðrum okkar frá því landið byggðist Ég held að mjög áríðandi sé að landsmenn allir(ekki bara þeir einir sem heima eiga í 101 í Reykjavík)komi sér saman um hverning á að nota landið allt. Mér dettur oft í hug hvað þeir sem lengst ganga nú með öfgana hvað þeir hefðu sagt hefðu þeir verið til þegar verið var að brúa árnar, leggja vegi um landið og byggja bryggur vegna sjósóknar víða um land.Já hvað hefðu þeir sagt ????  

Maður heyrði frá því sagt,þegar var verið að byggja Kárahnúkavirkjun þá mótmæltu svokallaðir umhverfissinnar þar með því að hlekkja sig við vinnuvélar þar.                  Nú heyrir maður sagt frá því að um flestar helgar séu menn að slasa (að maður tali nú ekki um meira) hvern annan með því að berja og sparka í þá.  Væri það ekki verðugt verkefni  fyrir umhverfissinna að huga að því hvort þeir gætu ekki beitt sér eitthvað til að draga úr þeim ósóma.

[Sigurður (IP-tala skráð) 19.2.2011 kl. 11:49]

Á Ómar Ragnarsson að fara niður í bæ og ganga á milli manna og koma í veg fyrir slagsmál? Eru bloggheimar logandi af vitleysu?

[Jón Logi (IP-tala skráð) 19.2.2011 kl. 12:28]

Andri:

Ég er ekkert að rugla. Rökstyddu bara. Það er algengt á blogginu að sumir komi fram undir annarra manna nafni og hverfi svo. Ég les bloggið hans Ómars nokkuð þétt, og hef t.a.m. höggvið eftir greinum eftir Davíð nokkurn Oddson, - en skilurðu, er það einhver með vinnustaðahúmor, eða er það Kallinn sjálfur. Þá var reyndar inni ákv. staðfestingaslóð, en það er ekki alveg þétt sía fyrir því.

(Ómar keypti það ekki að þessi Davíð væri réttur DO)

Spurning mín var til þess gerð að reyna að átta mig á því hvort að þú sért hinn rétti (N.B. ég las Draumalandið rækilega og gagnrýnið, og hef litið veröldina öðrum augum síða, þannig að sú bók var mér ágætis gagn). Stíllinn hér á blogginu er ekki í samræmi við önnur skrif sem ég hef lesið eftir Andra Snæ Magnason. En, ég þekki Andra Snæ (þig) náttúrulega ekki.

Og Gunnar, - ég er fullviss um að hann er sá sem hann segist vera. Og sjálfur er ég Þorsteinsson, á engan alnafna held ég, og er eldri en tvævetur ;)  Hægt að staðfesta mig símleiðis í gegnum landlínu ef þarf ;)