Hvernig varð þetta svona stórt allt í einu ?

Í Kastljósi í kvöld kom fram að það hefði ekki verið fyrr en fyrir örfáum mánuðum sem það byrjaði að koma í ljós að OR væri í þeim hrikalega skuldavanda sem fyrirtækið er.

Þegar upphæðirnar eru nefndar sundlar flesta og spyrja: Hvernig má það vera að þetta er allt í einu orðið svona svakalegt, sem talið var vel viðráðanlegt fyrir aðeins tveimur mánuðum ?

Jón Gnarr talar um hlutlausa rannsókn og það virðist ekki vanþörf á því. 

En mig grunar að hluti skýringarinnar sé sá, að í raun hafi ekkert breyst í þeirri ofboðslegu skuldasöfnunarstefnu OR, sem verið hefur við lýði árum saman, fyrst í aðdraganda Hrunsins og síðan ekki síður eftir Hrun. 

Það var greinilega ætlunin að berja í brestina með því að "endurfjármagna" fyrirtækið duglega sem þýðir að fá nógu stór lán til þess að geta haldið áfram á sömu braut, virkjað við Hverahlíð og Bitru og leggja sitt af mörkum til að koma álveri í Helguvík af stað. 

Sem sagt: Sama skuldafíknin og gerði það að verkum að heimilin og fyrirtækin á Íslandi fjórfölduðu skuldir sínar í mesta "gróðæri" sögunnar í stað þess að borga skuldir upp. 

Svarið við spurningunni í upphafi þessa bloggpistils er einfalt: Þegar fíkniefnið, í þessu tilfelli lánin, er tekið af fíkninni hrynur allt hjá honum og það mjög snögglega. 

Á þessum ósköpum aldrei að linna?  Læra menn aldrei neitt og breyta engu ? 

Starfsmönnum fækkað um 90

Athugasemdir

[Sævar Helgason, 29.3.2011 kl. 21:15]

Upphefð okkar kemur að utan. Lánadrottnar gripu í taumana og stöðvuðu ruglið. Sennilega upphafið af erlendri stjórn á okkur fjármálavanvitunum.

[Dengsi (IP-tala skráð) 29.3.2011 kl. 21:38]

Hvar ætlar Jón Gunnar að fá pening?

[Aðalsteinn Agnarsson, 29.3.2011 kl. 22:14]

Frjálsar handfæraveiðar leysa byggða, fátæktar og atvinnuvanda Íslendinga,

FRELSI er það sem vantar, ekki nýjar lántökur handa gjaldþrota þjóð!

[Dexter Morgan, 29.3.2011 kl. 23:32]

Þetta angar af stækri Framsóknar-flór lykt, langar leiðir, meira að segja hingað, norður í land.

En eins og ég hef skrifað áður um OR, m.a. þegar "Geimskipið" (höfuðstöðvarnar) voru teknar í notkun: Mikið er ég feginn að vera ekki skattborgari í Reykjavík. Þetta er sukki og óhófi að kenna, frá A-Ö.

[Sigurður Haraldsson, 30.3.2011 kl. 00:02]

Sæll nei þessu linnir ekki fyrr en við förum niður á Austurvöll og hendum liðinu úr sandkassanum! Endurskipuleggjum síðan allt stjórnkerfið eins og það leggur sig!

[Haraldur Haraldsson, 30.3.2011 kl. 00:47]

það byrjaði þarnma sukkið hja´R listanum byggingin hjá Alfreð með eindæmum stór og dyr og mikið bruðl!!! rækjueldi aslskona vittleysa,ekki ættla ég heldur að verja mína menn,en svo er komið fyrir þessu eins og mörgu fólki og fyrirtækijum sem fóru framúr sér,þetta ættir þu sjalfur að þekkja Ómar !!!/Kveðja

[Aðalbjörn Steingrímsson (IP-tala skráð) 30.3.2011 kl. 00:53]

Margt skrítið gerist 'Omar minn. Þetta gerðist hjá mér þegar ég sá sætu stelpuna í Vetrargarðinum forðum !!